Psalms 97
1 YHWH has reigned, The earth is joyful, many islands rejoice.
Jehovha anobata ushe, nyika ngaifare; zviwi zviri kure ngazvifare.
2 Cloud and darkness [are] around Him, Righteousness and judgment the basis of His throne.
Makore nerima guru zvakamukomberedza; kururama nokururamisira ndidzo nheyo dzechigaro chake choushe.
3 Fire goes before Him, And burns around His adversaries.
Moto unoenda mberi kwake uchipisa vavengi vake kumativi ose.
4 His lightnings have lightened the world, The earth has seen, and is pained.
Mheni yake inovhenekera pasi; nyika inozviona igodedera.
5 Hills, like wax, melted before YHWH, Before the Lord of all the earth.
Makomo anonyungudika senamo pamberi paJehovha, pamberi paIshe wenyika yose.
6 The heavens declared His righteousness, And all the peoples have seen His glory.
Kudenga denga kunoparidza kururama kwake, uye vanhu vose vanoona kubwinya kwake.
7 All servants of a carved image are ashamed, Those boasting themselves in idols, Bow yourselves to Him, all you gods.
Vose vanonamata zvifananidzo vanonyadziswa, avo vanozvirumbidza nezvifananidzo, munamatei, imi vamwari vose!
8 Zion has heard and rejoices, And daughters of Judah are joyful, Because of Your judgments, O YHWH.
Zioni rinonzwa rigofara uye misha yeJudha inofara nokuda kwezvamakatonga, imi Jehovha.
9 For You, YHWH, [are] Most High over all the earth, You have been exalted greatly over all gods.
Nokuti imi, iyemi Jehovha, ndimi Wokumusoro-soro pasi pose; makasimudzirwa kupfuura vamwari vose.
10 You who love YHWH, hate evil, He is keeping the souls of His saints, He delivers them from the hand of the wicked.
Vanoda Jehovha ngavavenge zvakaipa, nokuti anorinda upenyu kwavanhu vake vakatendeka uye anovarwira muruoko rwowakaipa.
11 Light [is] sown for the righteous, And joy for the upright of heart.
Chiedza chinovhenekera pamusoro pavakarurama, nomufaro pamusoro pavane mwoyo yakarurama.
12 Rejoice, you righteous, in YHWH, And give thanks at the remembrance of His holiness!
Farai muna Jehovha, imi vakarurama, uye mukudze zita rake dzvene.
