Psalms 86

1 A PRAYER OF DAVID. Incline, O YHWH, Your ear, Answer me, for I [am] poor and needy.

Okusaba kwa Dawudi. Otege okutu kwo, Ayi Mukama, owulire okusaba kwange, onnyanukule, kubanga ndi mwavu atalina kintu.

2 Keep my soul, for I [am] pious, Save Your servant who is trusting to You, O You, my God.

Okuume obulamu bwange, kubanga nkuweereza n’obwesigwa. Katonda wange, ondokole nze omuddu wo akwesiga.

3 Favor me, O Lord, for I call to You all the day.

Onsaasire, Ayi Mukama, kubanga olunaku lwonna nsiiba nkukoowoola.

4 Make glad the soul of Your servant, For to You, O Lord, I lift up my soul.

Osanyuse omuweereza wo Ayi Mukama; kubanga omwoyo gwange nguyimusa eyo gy’oli.

5 For You, Lord, [are] good and forgiving, And abundant in kindness to all calling You.

Ddala ddala olina ekisa era osonyiwa, Ayi Mukama; n’abo bonna abakukoowoola obaagala nnyo.

6 Hear, O YHWH, my prayer, And attend to the voice of my supplications.

Owulire okusaba kwange, Ayi Mukama; owulirize eddoboozi erikaabirira ekisa kyo.

7 In a day of my distress I call You, For You answer me.

Bwe nnaabanga mu buzibu nnaakukoowoolanga; kubanga ononnyanukulanga.

8 There is none like You among the gods, O Lord, And like Your works there are none.

Mu bakatonda bonna tewali ali nga ggwe, Ayi Mukama; era teriiyo akola bikolwa ng’ebibyo.

9 All nations that You have made Come and bow themselves before You, O Lord, And give honor to Your Name.

Ayi Mukama amawanga gonna ge watonda ganajjanga mu maaso go ne gakusinza; era ne bagulumiza erinnya lyo ery’ekitiibwa.

10 For You [are] great, and doing wonders, You [are] God alone.

Kubanga oli mukulu, era okola ebyewunyisa; ggwe wekka ggwe Katonda.

11 Show me, O YHWH, Your way, I walk in Your truth, My heart rejoices to fear Your Name.

Onjigirize ekkubo lyo, Ayi Mukama, ntambulirenga mu mazima go; ompe omutima omunywevu ogutasagaasagana, ntyenga erinnya lyo.

12 I confess You, O Lord my God, with all my heart, And I honor Your Name for all time.

Nnaakutenderezanga, Ayi Mukama Katonda wange, n’omutima gwange gwonna; erinnya lyo nnaaligulumizanga emirembe gyonna.

13 For Your kindness [is] great toward me, And You have delivered my soul from the lowest Sheol. (Sheol h7585)

Okwagala kwo okutaggwaawo kungi nnyo gye ndi; wawonya omwoyo gwange amagombe. (Sheol h7585)

14 O God, the proud have risen up against me, And a company of the terrible sought my soul, And have not placed You before them,

Ayi Katonda, ab’amalala bannumba, ekibinja ky’abantu abataliimu kusaasira bannoonya okunzita, be bantu abatakufiirako ddala.

15 And You, O Lord, [are] God, merciful and gracious, Slow to anger, and abundant in kindness and truth.

Naye ggwe, Mukama Katonda oli musaasizi era ow’ekisa, olwawo okusunguwala, ojjudde okwagala n’obwesigwa.

16 Look to me, and favor me, Give Your strength to Your servant, And give salvation to a son of Your handmaid.

Onkyukire, onsaasire, ompe amaanyi go nze omuweereza wo; nze omwana w’omuweereza wo omukazi ondokole.

17 Do with me a sign for good, And those hating me see and are ashamed, For You, O YHWH, have helped me, Indeed, You have comforted me!

Nkolera akabonero akalaga ebirungi byo, abalabe bange bakalabe baswale; kubanga ggwe, Ayi Mukama, onnyambye era onzizizzaamu amaanyi.