Psalms 82

1 A PSALM OF ASAPH. God has stood in the congregation of God, He judges among the gods.

Thaburi ya Asafu Ngai arũgamĩte kĩũngano-inĩ kĩrĩa kĩnene; aratuĩra “ngai” ciira arĩ gatagatĩ ga cio.

2 Until when do you judge perversely? And lift up the face of the wicked? (Selah)

“Nĩ nginya rĩ mũgũtũũra mũciiragĩrĩra andũ arĩa matarũgamagĩrĩra kĩhooto, na mũgatĩĩra arĩa aaganu maũthĩ?

3 Judge the weak and fatherless, Declare the afflicted and the poor righteous.

“Ciiragĩrĩrai kĩhooto kĩa arĩa matarĩ hinya na arĩa matarĩ maithe; tũũriai ihooto cia andũ arĩa athĩĩni o na arĩa ahinyĩrĩrie.

4 Let the weak and needy escape, Deliver them from the hand of the wicked.

Hatũragai arĩa matarĩ hinya na arĩa abatari; mateithũrei kuuma moko-inĩ ma arĩa aaganu.

5 They did not know, nor do they understand, They habitually walk in darkness, All the foundations of earth are moved.

“Andũ acio matirĩ ũndũ mooĩ, na matirĩ ũndũ makũũranaga. Macangacangaga nduma-inĩ; mĩthingi yothe ya thĩ nĩyenyenyete.

6 I have said, “You [are] gods, And sons of the Most High—all of you,

“Ndoigire atĩrĩ, ‘Inyuĩ mũrĩ “ngai”; inyuothe mũrĩ ariũ a Ũrĩa-ũrĩ-Igũrũ-Mũno.’

7 But you die as man, and you fall as one of the heads.”

No mũgaakua o ta ũrĩa andũ makuuaga; mũkaagũa o ta aathani arĩa angĩ.”

8 Rise, O God, judge the earth, For You have inheritance among all the nations!

Arahũka, Wee Ngai, ũtuĩre thĩ ciira, nĩgũkorwo ndũrĩrĩ ciothe nĩ igai rĩaku.