Psalms 24

1 A PSALM OF DAVID. To YHWH [is] the earth and its fullness, The world and the inhabitants in it.

Ko e Saame ʻa Tevita. ‌ʻOku ʻo Sihova ʻae fonua kotoa pē, mo hono mahu ʻo ia; ʻa māmani, mo kinautolu ʻoku nofo ʻi ai.

2 For He has founded it on the seas, And He establishes it on the floods.

He kuo ne fokotuʻu ia ki he ngaahi tahi, mo fakatuʻumaʻu ia ki he ngaahi vai lahi.

3 Who goes up into the hill of YHWH? And who rises up in His holy place?

Ko hai ʻe ʻalu hake ki he moʻunga ʻo Sihova? Pe ko hai ʻe tuʻu ʻi hono potu māʻoniʻoni?

4 The clean of hands, and pure of heart, Who has not lifted up his soul to vanity, Nor has sworn to deceit.

Ko ia ʻoku nima maʻa, mo loto māʻoniʻoni; ʻaia naʻe ʻikai te ne hiki hono laumālie ki he meʻa vaʻinga, pe fuakava ʻi he kākā.

5 He carries away a blessing from YHWH, Righteousness from the God of his salvation.

Te ne maʻu ʻe ia ʻae tāpuaki meia Sihova, mo e māʻoniʻoni mei he ʻOtua ʻo ʻene moʻui.

6 This [is] a generation of those seeking Him. Seeking Your face, O Jacob! (Selah)

Ko e toʻutangata eni ʻokinautolu ʻoku kumi kiate ia, ʻakinautolu ʻoku kumi ki ho fofonga, ʻE ʻOtua ʻo Sēkope. (Sila)

7 Lift up your heads, O gates! And be lifted up, O perpetual doors! And the King of Glory comes in!

Hiki hake homou ʻulu, ʻae ngaahi matapā; pea ke hiki ke māʻolunga, ʻakimoutolu ʻae ngaahi matapā taʻengata; pea ʻe hāʻele mai ʻae Tuʻi ʻoe nāunau.

8 Who [is] this—“the King of Glory?” YHWH—strong and mighty, YHWH, the mighty in battle.

Ko hai ʻae Tuʻi ni ʻoe nāunau? Ko Sihova ʻoku mālohi mo māfimafi, ko Sihova ʻoku mālohi ʻi he tau.

9 Lift up your heads, O gates! And be lifted up, O perpetual doors! And the King of Glory comes in!

Hiki hake homou ʻulu, ʻae ngaahi matapā; ʻio, hiki ki ʻolunga, ʻae ngaahi matapā taʻengata; pea ʻe hāʻele mai ʻae Tuʻi ʻoe nāunau.

10 Who [is] He—this “King of Glory?” YHWH of hosts—He [is] the King of Glory! (Selah)

Ko hai ʻae Tuʻi ni ʻoe nāunau? Ko Sihova ʻoe ngaahi kautau, ko ia ia ko e Tuʻi ʻoe nāunau. (Sila)