Psalms 24

1 A PSALM OF DAVID. To YHWH [is] the earth and its fullness, The world and the inhabitants in it.

Thaburi ya Daudi Thĩ nĩ ya Jehova, na kĩrĩa gĩothe kĩrĩ thĩinĩ wayo, mabũrũri mothe o na arĩa matũũraga kuo;

2 For He has founded it on the seas, And He establishes it on the floods.

nĩgũkorwo nĩwe waakire mũthingi wayo igũrũ rĩa maria, na akĩmĩrũmia ĩikare igũrũ rĩa maaĩ.

3 Who goes up into the hill of YHWH? And who rises up in His holy place?

Nũũ ũngĩambata kĩrĩma-inĩ kĩa Jehova? Nũũ ũngĩrũgama handũ harĩa hake haamũre?

4 The clean of hands, and pure of heart, Who has not lifted up his soul to vanity, Nor has sworn to deceit.

Nĩ mũndũ ũrĩa ũrĩ na moko matheru na akaaga ũũru ngoro, na ũrĩa ngoro yake ĩtahooyaga mũhianano, o na kana akeehĩta na maheeni.

5 He carries away a blessing from YHWH, Righteousness from the God of his salvation.

Mũndũ ũcio nĩarĩamũkagĩra kĩrathimo kuuma kũrĩ Jehova, na onagwo atarĩ mũhĩtia nĩ Ngai, Mũhonokia wake.

6 This [is] a generation of those seeking Him. Seeking Your face, O Jacob! (Selah)

Ũguo nĩguo rũciaro rwa arĩa mamũrongoragia rũtariĩ, o rũrĩa rũrongoragia ũthiũ waku, Wee Ngai wa Jakubu.

7 Lift up your heads, O gates! And be lifted up, O perpetual doors! And the King of Glory comes in!

Ambarariai mĩtwe yanyu, inyuĩ ihingo ici, ambararioi inyuĩ mĩrango ĩno ya tene, nĩguo Mũthamaki wa riiri atoonye thĩinĩ.

8 Who [is] this—“the King of Glory?” YHWH—strong and mighty, YHWH, the mighty in battle.

Mũthamaki ũcio wa riiri nĩwe ũũ? Nĩwe Jehova ũrĩa ũrĩ hinya na nĩ njamba, nĩwe Jehova ũrĩa njamba ita-inĩ.

9 Lift up your heads, O gates! And be lifted up, O perpetual doors! And the King of Glory comes in!

Ambarariai mĩtwe yanyu, inyuĩ ihingo ici, mĩambarariei inyuĩ mĩrango ĩno ya tene, nĩguo Mũthamaki wa riiri atoonye thĩinĩ.

10 Who [is] He—this “King of Glory?” YHWH of hosts—He [is] the King of Glory! (Selah)

Mũthamaki ũcio wa riiri nĩwe ũ? Jehova Mwene-Hinya-Wothe-rĩ, nĩwe Mũthamaki wa riiri.