Proverbs 28
1 The wicked have fled and there is no pursuer, And the righteous is confident as a young lion.
Moto mabe akimaka ata soki moto moko te abengani ye, kasi bato ya sembo bazalaka na mpiko lokola nkosi.
2 By the transgression of a land its heads are many, And by an understanding man, Who knows right—it is prolonged.
Soki kotomboka ezali kati na mokili, bakonzi bakomaka ebele; kasi moto ya mayele mpe ya bososoli ayeisaka kimia.
3 A man—poor and oppressing the weak, [Is] a sweeping rain, and there is no bread.
Mokonzi oyo anyokolaka bato bakelela azali lokola mvula ya makasi oyo ebebisaka biloko mpe ememaka nzala.
4 Those forsaking the Law praise the wicked, Those keeping the Law plead against them.
Bato oyo babukaka mibeko bakumisaka bato mabe, kasi bato oyo babatelaka mibeko batelemelaka bato mabe.
5 Evil men do not understand judgment, And those seeking YHWH understand all.
Bato mabe basosolaka te makambo ya bosembo, kasi bato oyo balukaka Yawe basosolaka yango nyonso.
6 Better [is] the poor walking in his integrity, Than the perverse of ways who is rich.
Mobola oyo atambolaka na bosembo azali malamu koleka mozwi oyo nzela na ye ezali mabe.
7 Whoever is keeping the Law is an intelligent son, And a friend of gluttons Causes his father to blush.
Moto oyo abatelaka mibeko azali mwana mayele, kasi moto oyo atambolaka na bato ya loyenge ayokisaka tata na ye soni.
8 Whoever is multiplying his wealth by biting and usury, Gathers it for one favoring the poor.
Moto oyo abakisaka bomengo na ye na nzela ya moyibi abombelaka yango moto oyo asalisaka babola.
9 Whoever is turning his ear from hearing the Law, Even his prayer [is] an abomination.
Moto oyo akangi matoyi na ye mpo na koboya koyoka mobeko, libondeli na ye ekomaka nkele na miso ya Nzambe.
10 Whoever is causing the upright to err in an evil way, He falls into his own pit, And the perfect inherits good.
Moto oyo amemaka bato ya sembo na nzela ya mabe akokangama na motambo oyo asali ye moko, kasi bato oyo bazangi pamela bakozwa esengo lokola libula na bango.
11 A rich man is wise in his own eyes, And the intelligent poor searches him.
Mozwi amimonaka lokola moto ya bwanya, kasi mobola oyo azali mayele ayebaka ye malamu.
12 In the exulting of the righteous the glory [is] abundant, And in the rising of the wicked man is apprehensive.
Tango bato ya sembo balongaka, ezalaka esengo mingi; kasi tango bato mabe bazwaka bokonzi, bato bamibombaka.
13 Whoever is covering his transgressions does not prosper, And he who is confessing and forsaking has mercy.
Moto oyo abombaka masumu na ye abongaka te, kasi ye oyo atubelaka mpe atikaka yango azwaka ngolu.
14 O the blessedness of a man fearing continually, And whoever is hardening his heart falls into evil.
Esengo na moto oyo abangaka tango nyonso kosala mabe, kasi ye oyo ayeisaka motema na ye libanga akweyaka kati na pasi.
15 A growling lion, and a ranging bear, [Is] the wicked ruler over a poor people.
Mokonzi mabe oyo azali kokamba bato bakelela azali lokola nkosi ya kanda to lokola ngombolo oyo ezali kolanda nyama ya kolia.
16 A leader lacking understanding multiplies oppressions, Whoever is hating dishonest gain prolongs days.
Mokonzi oyo anyokolaka bato azangi mayele, kasi oyo aboyaka bomengo na nzela ya moyibi ayeisaka mikolo ya bomoi na ye ebele.
17 A man oppressed with the blood of a soul, Flees to the pit, [and] none takes hold on him [to help].
Moto oyo amitungisaka mpo ete abomi moninga akimaka kino na libulu ya kufa; tika ete moto moko te akanga ye nzela.
18 Whoever is walking uprightly is saved, And the perverted of ways falls at once.
Moto oyo atambolaka na bosembo akozwa lobiko, kasi moto ya mobulu oyo alandaka banzela mibale akokweya na moko.
19 Whoever is tilling his ground is satisfied [with] bread, And whoever is pursuing vanity, Is filled [with] poverty.
Moto oyo asalaka bilanga atondaka na bilei, kasi moto oyo alandaka bagoyigoyi akotonda na bobola.
20 A steadfast man has multiplied blessings, And whoever is hastening to be rich is not acquitted.
Moto ya sembo afulukaka na mapamboli, kasi moto oyo awelaka kokoma mozwi na lombangu akozanga te kozwa etumbu.
21 [It] is not good to discern faces, And a man transgresses for a piece of bread.
Kopona bilongi ezalaka malamu te; nzokande ata mpo na eteni ya lipa, moto akoki mpe kosala mabe.
22 The man [with] an evil eye [is] troubled for wealth, And he does not know that want meets him.
Moto ya bilulela azalaka motema moto-moto mpo na kozwa bomengo, mpe ayebaka te ete bobola ekokomela ye.
23 Whoever is reproving a man finds grace afterward, More than a flatterer with the tongue.
Moto oyo apamelaka moninga na ye akozwa ngolu na suka koleka moto oyo alobaka maloba ya sukali.
24 Whoever is robbing his father or his mother, And is saying, “It is not transgression,” He is a companion to a destroyer.
Moto oyo ayibaka tata mpe mama na ye, bongo alobaka: « Ezali na yango mabe te, » azali moninga ya mobomi.
25 Whoever is proud in soul stirs up contention, And whoever is trusting on YHWH is made fat.
Moto ya lokoso ayeisaka koswana, kasi moto oyo atiaka elikya na Yawe akotonda na mafuta.
26 Whoever is trusting in his heart is a fool, And whoever is walking in wisdom is delivered.
Moto oyo atiaka elikya kati na ye moko kaka azali zoba, kasi moto oyo atambolaka na bwanya akokangolama.
27 Whoever is giving to the poor has no lack, And whoever is hiding his eyes multiplied curses.
Moto oyo akabelaka babola akozanga eloko te, kasi moto oyo aboyaka kotala bango akotonda na bilakeli mabe.
28 A man is hidden in the rising of the wicked, And the righteous multiply in their destruction!
Tango bato mabe bazwaka bokonzi, bato bamibombaka; kasi tango bakufaka, bato ya sembo bakomaka ebele.
