2 Thessalonians 3
1 As to the rest, pray, brothers, concerning us, that the word of the LORD may run and may be glorified, as also with you,
A khakbel in suapui te awng, Topa kammal sia manlangtak in kizel a, note tung bangma in a vanglet thei natu in, kote atu in thu hong ngetsak tavun:
2 and that we may be delivered from the unreasonable and evil men, for not all [are] of the faith;
Tabang in kote sia thu ngaisun ngawl te le mi ngilo te kung pan in hong suatak tu hi: banghangziam cile mi theampo in upna nei ngawl hi.
3 but faithful is the LORD who will establish you, and will guard [you] from the evil [one];
Ahihang Topa sia thuman hi, Ama in note hong khosak tu a, phat ngawlna pan in hong keamcing tu hi.
4 and we now have confidence in the LORD, that which we command you both do and will do;
Taciang kong thupiak uh te note in tu in na seam uh a, mailam ah zong na seam tu uh hi, ci in note taw kisai in Topa sung ah muanna ka nei uh hi.
5 and the LORD direct your hearts to the love of God, and to the endurance of the Christ.
Taciang Topa in note thinsung te sia Pathian itna sung le Christ ngak in thuakzawkna sung ah hong tonpui tu hi.
6 And we command you, brothers, in the Name of our Lord Jesus Christ, to withdraw yourselves from every brother walking disorderly, and not after the tradition that you received from us,
Tu in suapui te awng, kote kung pan na san uh pu le pa ngeina bang hi ngawl in le thukham bang in a nungta ngawl suapui khatpo kung pan in ki heam vun, ci in i Topa Jesus Christ min taw thu kong pia uh hi.
7 for you have known how it is necessary to imitate us, because we did not act disorderly among you;
Banghangziam cile bangbang in kote nong zui tu uh kilawm ziam, ci sia note tatak ma in na he uh hi: banghangziam cile kote sia note sung ah thukham nei ngawl bang in ka nungta bua uh hi;
8 nor did we eat bread of anyone for nothing, but in labor and in travail, working night and day, not to be chargeable to any of you;
Kuama i an a thong in ka neaksak bua uh hi; kuama kung ah zong vanngit hi ngawl tu in, sun taw zan taw na ka seam uh hi:
9 not because we have no authority, but that we might give ourselves to you [as] a pattern, to imitate us;
Tua thu sia thuneina ka nei ngawl uh hang hi ngawl hi, note i nong ette thei natu uh in note mai ah koma le koma ette tak a hi tu in ka sep uh a hihi.
10 for even when we were with you, this we commanded you, that if anyone is not willing to work, neither let him eat,
Banghangziam cile note kung ah ka om uh lai in, na a seam nuam ngawl khatpo a omle, an zong a neak ngawl tu a hihi, ci thu kong pia zo uh hi.
11 for we hear of some walking disorderly among you, working nothing, but being busybodies,
Banghangziam cile note sung ah thukham bang in a nungta ngawl pawlkhat om hi, ci ka za uh hi, amate sia naseam vet ngawl hi, ahihang inn khat zawk inn khat ki le kakoai in vak uh hi.
12 and such we command and exhort through our Lord Jesus Christ, that working with quietness, they may eat their own bread;
Tu in tabang te sia, naseam khinkhian a, amate i an ne tu in, i Topa Jesus Christ tungtawn thupia in kong hanthawn uh hi.
13 and you, brothers, may you not be weary doing well,
Ahihang no suapui te awng, na pha sep na ah datham heak vun.
14 and if anyone does not obey our word through the letter, note this one, and have no company with him, that he may be ashamed,
Taciang hi laithak sung ah kote i thu a ni nuam ngawl khatpo a omle, tua pa ciamte vun a, a maizum thei natu in, ki pawlpui heak vun.
15 and do not count as an enemy, but admonish as a brother;
Ahihang ama sia ngal bang in ngaisun heak vun a, suapui pa bang in tek vun.
16 and may the LORD of peace Himself always give to you peace in every way; the LORD [is] with you all!
Tu in thinnopna Topa in a tatuam taw in tatsat ngawl thinnopna hong pia tahen. Note theampo taw Topa hong om khawm tahen.
17 The salutation by the hand of me, Paul, which is a sign in every letter; thus I write.
Keima Paul in note paupuina sia ka khut vateak taw in ka at hi, tua thu sia ka laithak khatsim i heaksakna a hihi:
18 The grace of our Lord Jesus Christ [is] with you all! Amen.
I Topa Jesus Christ thuthiamna sia note theampo tung ah hong om tahen. Amen.
