1 Corinthians 10

1 And I do not wish you to be ignorant, brothers, that all our fathers were under the cloud, and all passed through the sea,

Ngoba, bazalwane, kangifuni ukuthi lingalazi iqiniso lokuthi okhokho babengaphansi kweyezi kanye lokuthi bonke badabula phakathi kolwandle.

2 and all were immersed into Moses in the cloud, and in the sea;

Bonke babhaphathizelwa kuMosi eyezini kanye lasolwandle.

3 and all ate the same spiritual food,

Bonke badla kudla kunye komoya

4 and all drank the same spiritual drink, for they were drinking of a spiritual rock following them, and the rock was the Christ;

banatha okunathwayo kunye komoya, ngoba banatha edwaleni lomoya elalihamba labo, njalo lelodwala lalinguKhristu.

5 but in the most of them God was not well pleased, for they were strewn in the wilderness,

Kodwa uNkulunkulu kathokozanga ngenengi labo, ngakho imizimba yabo yahlakazwa enkangala.

6 and those things became types of us, for our not passionately desiring evil things, as also these desired.

Lezizinto zenzakala njengezibonelo, ukuba zisinqabele ekubekeni inhliziyo zethu ezintweni ezimbi njengalokhu abakwenzayo.

7 Neither become idolaters, as certain of them, as it has been written: “The people sat down to eat and to drink, and stood up to play”;

Lingakhonzi izithombe, njengokwenziwa ngabanye babo; njengoba kulotshiwe ukuthi: “Abantu bahlala phansi badla, banatha, basukuma bagida.”

8 neither may we commit whoredom, as certain of them committed whoredom, and there fell in one day twenty-three thousand;

Akumelanga sihlobonge njengokwenziwa ngabanye babo, njalo ngosuku olulodwa kwafa abazinkulungwane ezingamatshumi amabili lantathu.

9 neither may we tempt the Christ, as also certain of them tempted, and perished by the serpents;

Akumelanga silinge uKhristu njengokwenziwa ngabanye babo, babulawa zinyoka.

10 neither murmur, as also some of them murmured, and perished by the destroyer.

Lingakhononi, njengokwenziwa ngabanye babo, babulawa yingilosi ebhubhisayo.

11 And all these things happened to those persons as types, and they were written for our admonition, to whom the end of the ages came, (aiōn g165)

Izinto lezi zenzakala kubo njengezibonelo njalo zalotshwa njengezixwayiso kithi, osekufike kubo ukugcwaliseka kwezikhathi. (aiōn g165)

12 so that he who is thinking to stand—let him observe, lest he fall.

Ngakho nxa licabanga ukuthi limi liqinile, qaphelani ukuba lingawi.

13 No temptation has taken you—except that of man; and God is faithful, who will not permit you to be tempted above what you are able, but He will make, with the temptation, also the outlet, for your being able to bear [it].

Akulazilingo ezilehleleyo ngaphandle kokwejayelekileyo ebantwini. Njalo uNkulunkulu uthembekile; akayikuvumela ukuba lilingwe ngokwedlula lokho elingakumela. Kodwa lapho lilingwa, uzalinika indlela yokuphunyuka ukuze limelane lakho.

14 For this reason, my beloved, flee from the idolatry;

Ngakho-ke, bangane bami abathandekayo, balekelani ukukhonza izithombe.

15 as to wise men I speak—judge what I say.

Ngikhuluma labantu abalengqondo; zenzeleni esenu isinqumo ngalokho engikutshoyo.

16 The cup of the blessing that we bless—is it not the fellowship of the blood of the Christ? The bread that we break—is it not the fellowship of the body of the Christ?

Konje inkezo yokubonga esiyibongelayo kayisikuhlanganyela egazini likaKhristu na? Lesinkwa esisihlephunayo kasisisokuhlanganyela emzimbeni kaKhristu na?

17 Because one bread, one body, are we the many—for we all partake of the one bread.

Njengoba kulesinkwa sinye, thina abanengi, singumzimba munye, ngoba sonke sihlanganyela lesosinkwa sinye.

18 See Israel according to the flesh! Are those not eating the sacrifices in the fellowship of the altar?

Khumbulani abantu bako-Israyeli: Kakusikho yini ukuthi labo abadla imihlatshelo balokuhlanganyela e-alithareni na?

19 What do I say then? That an idol is anything? Or that a sacrifice offered to an idol is anything?

Pho ngitsho ukuthi umhlatshelo onikelwe esithombeni uyilutho, loba ukuthi isithombe siyilutho na?

20 [No, ] but that the things that the nations sacrifice—they sacrifice to demons and not to God; and I do not wish you to come into the fellowship of the demons.

Hatshi, kodwa imihlatshelo yabangakholwayo inikelwa emadimonini hatshi kuNkulunkulu, njalo kangifuni ukuba libe ngabahlanganyela lamadimoni.

21 You are not able to drink the cup of the LORD and the cup of demons; you are not able to partake of the table of the LORD and of the table of demons;

Kalingeke linathe inkezo yeNkosi lenkezo yamadimoni njalo, alingeke libe lokuhlanganyela etafuleni yeNkosi lasetafuleni yamadimoni.

22 do we arouse the LORD to jealousy? Are we stronger than He?

Sizama ukuvusa umona weNkosi na? Kambe silamandla kulayo na?

23 All things are lawful to me, but not all things are profitable; all things are lawful to me, but not all things build up;

“Ngilelungelo lokwenza loba yini,” kodwa akusizinto zonke ezilosizo. “Ngilelungelo lokwenza loba yini,” kodwa akusizinto zonke ezakhayo.

24 let no one seek his own—but each another’s.

Akulamuntu omele azidingele okuhle, kodwa okuhle kwabanye.

25 Eat whatever is sold in the meat-market, not inquiring, because of the conscience,

Dlanini konke okuthengiswa lapho okuthengiswa khona inyama kungekho kubuza imibuzo yesazela,

26 for the earth and its fullness [are] the LORD’s;

ngoba, “Umhlaba ngokaThixo, lakho konke okukuwo.”

27 and if anyone of the unbelieving calls you, and you wish to go, eat all that is set before you, inquiring nothing, because of the conscience;

Nxa omunye wabangakholwayo elibizela ukudla njalo lifuna ukuhamba, dlanini loba kuyini okubekwe phambi kwenu kungekho kubuza imibuzo yesazela.

28 and if anyone may say to you, “This is a thing sacrificed to an idol,” do not eat, because of that one who showed [it], and of the conscience, for the LORD’s [is] the earth and its fullness:

Kodwa nxa omunye esithi kini, “Lokhu kunikelwe njengomhlatshelo,” lokho-ke lingakudli, ngenxa yomuntu lowo olitshelileyo langenxa yesazela,

29 and conscience, I say, not of yourself, but of the other, for why [is it] that my liberty is judged by another’s conscience?

ngitsho isazela salowomuntu, hatshi esenu. Kungani ukukhululeka kwami kumele kwahlulelwe ngesazela somunye na?

30 And if I partake thankfully, why am I spoken of [as] evil, for that for which I give thanks?

Nxa ngihlanganyela ekudleni ngokubonga, kungani ngisolwa ngolutho engilubongela iNkosi na?

31 Whether, then, you eat, or drink, or do anything, do all to the glory of God;

Ngakho ingabe liyadla kumbe liyanatha, loba kuyikuphi elikwenzayo, kwenzeleni udumo lukaNkulunkulu.

32 become offenseless, both to Jews and Greeks, and to the Assembly of God;

Lingakhubekisi muntu, loba kungamaJuda, amaGrikhi loba ibandla likaNkulunkulu,

33 as I also please all in all things, not seeking my own profit, but that of many—that they may be saved.

lalapho ngizama ukuthokozisa abantu bonke ngezindlela zonke. Ngoba kangidingi okuhle kwami, kodwa okuhle kwabanengi, ukuze basindiswe.