Psalms 149

1 Hallelujah. Sing unto the Lord a new song, his praise in the congregation of the pious.

Goocai Jehova. Inĩrai Jehova rwĩmbo rwerũ, mũmũgooce mũrĩ kĩũngano-inĩ kĩa arĩa aamũre.

2 Let Israel rejoice in his Maker: let the children of Zion exult in their King.

Andũ a Isiraeli nĩmakenere ũcio wamombire; andũ a Zayuni nĩmacanjamũke nĩ ũndũ wa Mũthamaki wao.

3 Let them praise his name in the dance: with the timbrel and harp let them sing praises unto him.

Nĩmagooce rĩĩtwa rĩake makĩrũgarũgaga, na mamũinĩre na tũhembe, na kĩnanda kĩa mũgeeto.

4 For the Lord taketh pleasure in his people; he will adorn the meek with salvation.

Nĩgũkorwo Jehova nĩakenagio nĩ andũ ake; andũ arĩa ahooreri amahumbaga thũmbĩ ya ũhonokio.

5 Let the pious be joyful in glory: let them sing aloud upon their couches.

Andũ arĩa aamũre nĩmakenere gĩtĩĩo kĩu, na maine macanjamũkĩte marĩ o marĩrĩ-inĩ mao.

6 The exalted praises of God are in their mouth, and a two-edged sword is in their hand;

Ũgooci wa Mũrungu ũrokorwo tũnua-inĩ twao, na rũhiũ rwa njora rũnoore mĩena yeerĩ rũkorwo moko-inĩ mao,

7 To execute vengeance on the nations, and chastisements on the people:

nĩguo meerĩhĩrie harĩ ndũrĩrĩ, na maherithie kĩrĩndĩ gĩa thĩ,

8 To bind their kings with chains, and their nobles with fetters of iron:

nĩguo moohe athamaki ao na mĩnyororo, na moohe andũ ao arĩa marĩ igweta na bĩngũ cia kĩgera,

9 To execute upon them the judgment [which is] written: this is an honor for all his pious servants. Hallelujah.

nĩguo mamakinyĩrie ituĩro rĩrĩa mandĩkĩirwo. Ũcio nĩguo riiri wa andũ ake othe arĩa aamũre. Goocai Jehova.