Psalms 6

1 To the chief Musician on Neginoth upon Sheminith, A Psalm of David. O LORD, rebuke me not in thine anger, neither chasten me in thy hot displeasure.

Thaburi ya Daudi Wee Jehova, ndũkandũithie ũrĩ na marakara, o na kana ũũherithie ũrĩ na mangʼũrĩ.

2 Have mercy upon me, O LORD; for I [am] weak: O LORD, heal me; for my bones are vexed.

Jehova, njiguĩra tha, nĩgũkorwo nĩthirĩtwo nĩ hinya; Wee Jehova honia, nĩgũkorwo mahĩndĩ makwa marĩ na ruo rũnene.

3 My soul is also sore vexed: but thou, O LORD, how long?

O nayo ngoro yakwa ĩrĩ na ruo rũnene. Nĩ nginya rĩ, Wee Jehova, nĩ nginya rĩ?

4 Return, O LORD, deliver my soul: oh save me for thy mercies’ sake.

Wee Jehova, cooka, ũka ũũthare; honokia tondũ wa wendo waku ũrĩa ũtathiraga.

5 For in death [there is] no remembrance of thee: in the grave who shall give thee thanks? (Sheol h7585)

Gũtirĩ mũndũ ũngĩkũririkana arĩ mũkuũ. Nũũ ũkũgoocaga arĩ thĩinĩ wa mbĩrĩra? (Sheol h7585)

6 I am weary with my groaning; all the night make I my bed to swim; I water my couch with my tears.

Niĩ ndĩ mũnogu mũno nĩ ũndũ wa gũcaaya; ũtukũ wothe njihũgagia ũrĩrĩ wakwa na kĩrĩro, na ngaconjoria gĩtĩ gĩakwa na maithori.

7 Mine eye is consumed because of grief; it waxeth old because of all mine enemies.

Maitho makwa matirona wega nĩ ũndũ wa ihooru; nĩmaroora nĩ ũndũ wa thũ ciakwa ciothe.

8 Depart from me, all ye workers of iniquity; for the LORD hath heard the voice of my weeping.

Njehererai inyuĩ arĩa othe mwĩkaga ũũru, nĩgũkorwo Jehova nĩaiguĩte kĩrĩro gĩakwa.

9 The LORD hath heard my supplication; the LORD will receive my prayer.

Jehova nĩaiguĩte ngĩmũthaitha anjiguĩre tha; Jehova nĩetĩkĩrĩte ihooya rĩakwa.

10 Let all mine enemies be ashamed and sore vexed: let them return [and] be ashamed suddenly.

Thũ ciakwa ciothe nĩigaconoka na imake; igaacooka na thuutha o rĩmwe iconokete.