Psalms 48
1 A Song [and] Psalm for the sons of Korah. Great [is] the LORD, and greatly to be praised in the city of our God, [in] the mountain of his holiness.
Wer. Zaburi mar yawuot Kora. Jehova Nyasaye duongʼ adier, kendo owinjore chuth gi pak, e dala maduongʼ mar Nyasachwa, ma en gode maler.
2 Beautiful for situation, the joy of the whole earth, [is] mount Zion, [on] the sides of the north, the city of the great King.
E dala motingʼore malo kendo ober neno omiyo piny duto bedo mamor. Got Sayun chalo gi kama otingʼore malo mar Zafon, ma en dala maduongʼ mar Ruoth Maduongʼ.
3 God is known in her palaces for a refuge.
Nyasaye nitiere e dalane mochiel motegno kendo osenyisore ni en e ohingane.
4 For, lo, the kings were assembled, they passed by together.
Ka ruodhi noriwo teko kanyakla, kane giwuokne oko kaachiel,
5 They saw [it, and] so they marvelled; they were troubled, [and] hasted away.
negineno mi gibuok; kendo negiringo gia ka luoro omakogi.
6 Fear took hold upon them there, [and] pain, as of a woman in travail.
Dendgi nochako tetni kanyo kendo negibedo gi rem machalo gi muoch ma kayo dhako.
7 Thou breakest the ships of Tarshish with an east wind.
Ne iturogi matindo tindo ka meli mag Tarshish ma yamb wuok chiengʼ ongʼinjo.
8 As we have heard, so have we seen in the city of the LORD of hosts, in the city of our God: God will establish it for ever. (Selah)
Mana kaka wasewinjo e kaka waseneno gi wengewa, e dala maduongʼ mar Jehova Nyasaye Maratego, e dala mar Nyasachwa: Nyasaye oselose kama dak berie nyaka chiengʼ. (Sela)
9 We have thought of thy lovingkindness, O God, in the midst of thy temple.
Ei hekalu mari, yaye Nyasaye, ema wabetie ka waparo kuom herani ma ok rem.
10 According to thy name, O God, so [is] thy praise unto the ends of the earth: thy right hand is full of righteousness.
Mana kaka nyingi, yaye Nyasaye, e kaka pakni bende chopo nyaka tungʼ piny; lweti ma korachwich opongʼ gi tim makare.
11 Let mount Zion rejoice, let the daughters of Judah be glad, because of thy judgments.
Got Sayun oil, kendo mier mag Juda nigi mor, nikech iyalo ji maber.
12 Walk about Zion, and go round about her: tell the towers thereof.
Wuothi ei Sayun, luorri e iye koni gi koni, kwan osuche duto,
13 Mark ye well her bulwarks, consider her palaces; that ye may tell [it] to the generation following.
par maber kuom ohinga mage, nee udi mag ruodhine, mondo ibi inyis tienge mabiro.
14 For this God [is] our God for ever and ever: he will be our guide [even] unto death.
Nikech Nyasaye en Nyasachwa manyaka chiengʼ obiro bedo jaritwa nyaka chop giko ndalowa e piny.
