Psalms 97
1 The LORD reigns; let the earth rejoice; let the multitude of isles be glad thereof.
Yave weti yala, bika ntoto wuyangalala. Bika bisanga biobi bidi thama bimona nkini.
2 Clouds and darkness are round about him: righteousness and judgment are the habitation of his throne.
Matuti ayi tombi kinkobo binzungididi. Busonga ayi bufuana biawu fundasio yi kundu kiandi ki kipfumu.
3 A fire goes before him, and burns up his enemies round about.
Mbazu yeti kuenda ku ntualꞌandi ayi yeti zinisa batu bobo beti kunlenda ku kadika ndambu
4 His lightnings enlightened the world: the earth saw, and trembled.
Zitsiemo ziandi zieti kienzula nza, ntoto weti mona ayi weti tita.
5 The hills melted like wax at the presence of the LORD, at the presence of the Lord of the whole earth.
Miongo misiuta banga mafuta momo beti vinda mu bikundu va ntuala Yave, va ntuala Yave wu ntoto wumvimba.
6 The heavens declare his righteousness, and all the people see his glory.
Diyilu dieti yamikina busonga buandi ayi batu boso beti mona nkembo andi.
7 Confounded be all they that serve graven images, that boast themselves of idols: worship him, all you gods.
Babo bobo bambuongiminanga zimfikula beti fua tsoni; bobo beti kukiniemisa mu diambu di bitumba. Lumbuongimina, beno zinzambi zioso.
8 Zion heard, and was glad; and the daughters of Judah rejoiced because of your judgments, O LORD.
Sioni weti wa ayi weti mona khini ayi bana ba baketo ba Yuda beti yangalala mu diambu di zinzengolo ziaku, a Yave.
9 For you, LORD, are high above all the earth: you are exalted far above all gods.
Bila ngeyo Yave, widi Nzambi yizangama va ntoto wumvimba. Ngeyo widi wuyayusu ngolo va yilu zinzambi zioso.
10 All of you that love the LORD, hate evil: he perserves the souls of his saints; he delivers them out of the hand of the wicked.
Bika babo beti zola Yave, balenda mambimbi. Bila weti keba luzingu lu banlongo bandi. Niandi wukubakulanga mu mioko mi batu bambimbi.
11 Light is sown for the righteous, and gladness for the upright in heart.
Kiezila kieti totuka mu diambu di batu basonga ayi khini mu diambu di bobo badi lulama mu mintima.
12 Rejoice in the LORD, all of you righteous; and give thanks at the remembrance of his holiness.
Bika lumona khini mu Yave, beno luidi basonga ayi luzitisa dizina diandi di nlongo.
