Psalms 147

1 Praise all of you the LORD: for it is good to sing praises unto our God; for it is pleasant; and praise is comely.

Whakamoemititia a Ihowa; he pai hoki te himene ki to tatou Atua: ahuareka rawa, ataahua tonu te whakamoemiti.

2 The LORD does build up Jerusalem: he gathers together the outcasts of Israel.

Ko Ihowa hei hanga i Hiruharama: mana hoki nga whati o Iharaira e kohikohi.

3 He heals the broken in heart, and binds up their wounds.

Ko ia hei rongoa i te hunga ngakau maru: mana e takai o ratou wahi mamae.

4 He tells the number of the stars; he calls them all by their names.

E taua ana e ia nga whetu, te maha: e huaina ana hoki e ia o ratou ingoa katoa.

5 Great is our Lord, and of great power: his understanding is infinite.

He nui to tatou Ariki, he nui hoki tona kaha: e kore e taea tona matauranga te whakaaro.

6 The LORD lifts up the meek: he casts the wicked down to the ground.

Ko Ihowa te kaitautoko mo te hunga mahaki: ka turakina e ia te hunga kino ki te whenua.

7 Sing unto the LORD with thanksgiving; sing praise upon the harp unto our God:

Waiata, whakawhetai ki a Ihowa: himene i runga i te hapa ki to tatou Atua:

8 Who covers the heaven with clouds, who prepares rain for the earth, who makes grass to grow upon the mountains.

Ko ia nei te kaiuwhi i te rangi ki nga kapua, te kaihanga i te ua mo te whenua: e whakatupu ana ia i te tarutaru ki runga ki nga maunga.

9 He gives to the beast his food, and to the young ravens which cry.

E homai ana e ia he kai ma te kirehe: ma nga pi raweni hoki ina tangi.

10 He delights not in the strength of the horse: he takes not pleasure in the legs of a man.

E kore ia e ahuareka ki te kaha o te hoiho: e kore ia e manako ki nga waewae o te tangata.

11 The LORD takes pleasure in them that fear him, in those that hope in his mercy.

E manako ana a Ihowa ki te hunga e wehi ana i a ia, ki te hunga e tumanako ana ki tona aroha.

12 Praise the LORD, O Jerusalem; praise your God, O Zion.

Whakamoemititia a Ihowa, e Hiruharama: whakamoemititia tou Atua, e Hiona.

13 For he has strengthened the bars of your gates; he has blessed your children within you.

Nana nei hoki i whakakaha nga tutaki o ou tatau: manaakitia ana e ia au tamariki i roto i a koe.

14 He makes peace in your borders, and fills you with the finest of the wheat.

Nana ano i mau ai te rongo i roto i ou rohe: nana koe i makona ai i te witi pai rawa.

15 He sends forth his commandment upon earth: his word runs very swiftly.

E tukua ana e ia tana kupu ki te whenua: tere rawa te rere o tana kupu.

16 He gives snow like wool: he scatters the hoarfrost like ashes.

E homai ana e ia te hukarere ano he huruhuru hipi: e whakatitaritaria ana te haupapa ano he pungarehu.

17 He casts forth his ice like morsels: who can stand before his cold?

Maka mai ana e ia tana hauhunga ano he maramara: ko wai e tu i mua i tana matao?

18 He sends out his word, and melts them: he causes his wind to blow, and the waters flow.

E tukua ana e ia tana kupu, a whakarewaina ana aua mea: ka meinga tana hau kia pupuhi, rere ana nga wai.

19 He shows his word unto Jacob, his statutes and his judgments unto Israel.

E whakakitea ana e ia tana kupu ki a Hakopa; ana tikanga, me ana whakaritenga ki a Iharaira.

20 He has not dealt so with any nation: and as for his judgments, they have not known them. Praise all of you the LORD.

Kahore i pera tana hanga ki tetahi iwi; kihai ano ana whakaritenga i mohiotia e ratou. whakamoemititia a Ihowa.