Proverbs 13
1 A wise son hears his father's instruction: but a scorner hears not rebuke.
Mwanakomana akachenjera anoteerera kurayira kwababa vake, asi mudadi haateereri kana achitsiurwa.
2 A man shall eat good by the fruit of his mouth: but the soul of the transgressors shall eat violence.
Kubva pazvibereko zvomuromo wake munhu achadya zvinhu zvakanaka, asi vasina kutendeka vanofarira kumanikidza.
3 He that keeps his mouth keeps his life: but he that opens wide his lips shall have destruction.
Uyo anobata muromo wake anochengeta upenyu hwake, asi uyo anokurumidzira kutaura achaparadzwa.
4 The soul of the sluggard desires, and has nothing: but the soul of the diligent shall be made fat.
Simbe inopanga asi igoshayiwa chinhu, asi zvishuvo zvavanoshingaira zvichazadziswa.
5 A righteous man hates lying: but a wicked man is loathsome, and comes to shame.
Vakarurama vanovenga nhema, asi vakaipa vanouyisa kunyadziswa nokunyangadza.
6 Righteousness keeps him that is upright in the way: but wickedness overthrows the sinner.
Kururama kunorinda munhu ane unhu hwakanaka, asi kuipa kunowisira mutadzi pasi.
7 There is that makes himself rich, yet has nothing: there is that makes himself poor, yet has great riches.
Mumwe munhu anozviti mupfumi, asi asina chinhu; mumwewo anozviti murombo, asi aine upfumi huzhinji.
8 The ransom of a man's life are his riches: but the poor hears not rebuke.
Upfumi hwomunhu hunogona kudzikinura upenyu hwake, asi murombo haana chinomutyisidzira.
9 The light of the righteous rejoices: but the lamp of the wicked shall be put out.
Chiedza cheakarurama chinopenya kwazvo; asi mwenje woakaipa uchadzimwa.
10 Only by pride comes contention: but with the well advised is wisdom.
Kuzvikudza kunongouyisa kukakavara chete, asi uchenjeri hunowanikwa mune avo vanogamuchira kurayirwa.
11 Wealth got by vanity shall be diminished: but he that gathers by labour shall increase.
Mari yakawanikwa zvisakarurama ichakurumidza kupera, asi uyo anounganidza mari zvishoma nezvishoma achaita kuti iwande.
12 Hope deferred makes the heart sick: but when the desire comes, it is a tree of life.
Tariro kana ichinonoka inoodza mwoyo, asi chishuvo chazadziswa muti woupenyu.
13 Whoso despises the word shall be destroyed: but he that fears the commandment shall be rewarded.
Uyo anozvidza kurayirwa achazozviripira izvozvo, asi uyo anokudza murayiro achawana mubayiro.
14 The law of the wise is a fountain of life, to depart from the snares of death.
Kudzidzisa kwowakachenjera itsime roupenyu, rinobvisa munhu pamusungo worufu.
15 Good understanding gives favour: but the way of transgressors is hard.
Kunzwisisa kwakanaka kunowanisa nyasha, asi nzira yavasina kutendeka ihukutu.
16 Every prudent man deals with knowledge: but a fool lays open his folly.
Munhu wose akachenjera anoita zvinhu noruzivo, asi benzi rinoratidza upenzi hwaro.
17 A wicked messenger falls into mischief: but a faithful ambassador is health.
Nhume yakaipa inowira munjodzi, asi munyai akatendeka anouya nokuporesa.
18 Poverty and shame shall be to him that refuses instruction: but he that regards reproof shall be honoured.
Uyo anozvidza kurayirwa achava murombo uye achanyadziswa, asi ani naani anoteerera kurayirwa achakudzwa.
19 The desire accomplished is sweet to the soul: but it is abomination to fools to depart from evil.
Chishuvo chazadziswa chinozipa pamweya, asi mapenzi anovenga kusiya zvakaipa.
20 He that walks with wise men shall be wise: but a companion of fools shall be destroyed.
Uyo anofamba navakachenjera achachenjerawo, asi shamwari yamapenzi ichakuvadzwa.
21 Evil pursues sinners: but to the righteous good shall be repaid.
Zvakaipa zvinotevera mutadzi, asi kubudirira ndiwo mugove wavakarurama.
22 A good man left an inheritance to his children's children: and the wealth of the sinner is laid up for the just.
Munhu akanaka anosiyira vana vevana vake nhaka, asi upfumi hwomutadzi hunounganidzirwa vakarurama.
23 Much food is in the tillage of the poor: but there is that is destroyed for lack of judgment.
Munda womurombo ungabereka zvokudya zvakawanda, asi kusaruramisira kunozvitsvairira kure.
24 He that spares his rod hates his son: but he that loves him chastens him early.
Anorega kushandisa shamhu anovenga mwanakomana wake, asi uyo anomuda anochenjerera kumuranga.
25 The righteous eats to the satisfying of his soul: but the belly of the wicked shall lack.
Vakarurama vanodya zvinogutsa mwoyo yavo, asi dumbu reakaipa richanzwa nzara.
