Psalms 37
1 Fret not thyself because of evildoers, neither be thou envious against the workers of iniquity.
Zaburi mar Daudi. Kik chunyi chandre nikech joma richo bende chunyi kik gomb gige joma timo gik maricho;
2 For they shall soon be cut down like the grass, and wither as the green herb.
nikech gibiro ner mapiyo mana kaka lum ner; gibiro tho mi gilal nono mapiyo mana kaka yiende mangʼich.
3 Trust in YHWH, and do good; so shalt thou dwell in the land, and verily thou shalt be fed.
Gen kuom Jehova Nyasaye kendo tim maber. Eka inidag e piny kendo inichiem gi mor e lek maber.
4 Delight thyself also in YHWH; and he shall give thee the desires of thine heart.
Bed mamor kuom Jehova Nyasaye eka obiro miyi gik moko duto ma chunyi dwaro.
5 Commit thy way unto YHWH; trust also in him; and he shall bring it to pass.
Ket yoreni kuom Jehova Nyasaye; ket genoni kuome eka obiro timo kama:
6 And he shall bring forth thy righteousness as the light, and thy judgment as the noonday.
Obiro miyo timni makare rieny ka ler mar okinyi, kendo obiro miyo ratiro mari bed machalo gi wangʼ chiengʼ marieny odiechiengʼ tir.
7 Rest in YHWH, and wait patiently for him: fret not thyself because of him who prospereth in his way, because of the man who bringeth wicked devices to pass.
Bed mos e nyim Jehova Nyasaye, kendo rite kihori mos; kik chunyi chandre ka joma moko dhi nyime maber, ka gitimo chenrogi maricho.
8 Cease from anger, and forsake wrath: fret not thyself in any wise to do evil.
Ritri kik ibed gi mirima kendo lokri iwe ich wangʼ kik ibed gi ich wangʼ nikech okelo mana rach.
9 For evildoers shall be cut off: but those that wait upon YHWH, they shall inherit the earth.
Nikech joma richo ibiro ngʼad kargi oko, to joma oketo genogi kuom Jehova Nyasaye piny biro bedo margi.
10 For yet a little while, and the wicked shall not be: yea, thou shalt diligently consider his place, and it shall not be.
Kinde matin nono to joma timbegi richo ok nobedie; kata obedo ni unumanygi to ok unuyudgi.
11 But the meek shall inherit the earth; and shall delight themselves in the abundance of peace.
To joma muol piny biro bedo margi kendo gibiro winjo maber ka gin gi kwe maduongʼ.
12 The wicked plotteth against the just, and gnasheth upon him with his teeth.
Joma timbegi richo chano timo marach ni joma kare kendo gimwodo lekegi ka gin gi mirima;
13 YHWH shall laugh at him: for he seeth that his day is coming.
to Ruoth Nyasaye nyiero joma timbegi richo, nimar ongʼeyo ni odiechieng-gi biro.
14 The wicked have drawn out the sword, and have bent their bow, to cast down the poor and needy, and to slay such as be of upright conversation.
Joma timbegi richo wuodho liganglagi kendo gidolo atungegi, mondo gichiel joma odhier gi jochan piny, mondo gineg joma yoregi oriere tir.
15 Their sword shall enter into their own heart, and their bows shall be broken.
To ligengligi biro chwoyo adundogi giwegi, kendo atungegi biro tur.
16 A little that a righteous man hath is better than the riches of many wicked.
Gima tin ma ngʼat makare nigo ber moloyo mwandu mathoth mag joma timbegi richo;
17 For the arms of the wicked shall be broken: but YHWH upholdeth the righteous.
nikech teko mar joma timbegi richo ibiro kethi, to Jehova Nyasaye tingʼo ngʼat makare malo.
18 YHWH knoweth the days of the upright: and their inheritance shall be for ever.
Ndalo mag joma kare ongʼere ni Jehova Nyasaye, kendo girkeni margi biro siko nyaka chiengʼ.
19 They shall not be ashamed in the evil time: and in the days of famine they shall be satisfied.
E kinde mag masira mopore ok ginibed moner, bende gibiro bedo gi chiemo mathoth ndalo kech.
20 But the wicked shall perish, and the enemies of YHWH shall be as the fat of lambs: they shall consume; into smoke shall they consume away.
To joma timbegi richo biro lal nono: Wasik Jehova Nyasaye biro chalo gi ber mar thiepe manie pap, gibiro lal nono, adier gibiro lal nono kaka iro.
21 The wicked borroweth, and payeth not again: but the righteous sheweth mercy, and giveth.
Joma timbegi richo holo ji gik moko to ok chul, to joma kare to chiwo gi ngʼwono;
22 For such as be blessed of him shall inherit the earth; and they that be cursed of him shall be cut off.
piny biro bedo girkeni mar joma Jehova Nyasaye ogwedho, to joma okwongʼo ibiro ngʼad kargi oko.
23 The steps of a good man are ordered by YHWH: and he delighteth in his way.
Ka Jehova Nyasaye mor gi yor ngʼato, to omiyo yorene bedo mopie;
24 Though he fall, he shall not be utterly cast down: for YHWH upholdeth him with his hand.
kata ka ochwanyore to ok obi podho; nikech Jehova Nyasaye omako lwete.
25 I have been young, and now am old; yet have I not seen the righteous forsaken, nor his seed begging bread.
Nyaka aa e tin-na mi koro adoko ngʼama duongʼ pok aneno ka joma kare ojwangʼ, kata ka nyithindgi kwayo chiemo.
26 He is ever merciful, and lendeth; and his seed is blessed.
Kinde duto gingʼwon kendo giholo ji gigegi nono; nyithindgi ibiro gwedhi.
27 Depart from evil, and do good; and dwell for evermore.
Lokri iwe timo marach mondo itim maber; eka inidag e piny nyaka chiengʼ.
28 For YHWH loveth judgment, and forsaketh not his saints; they are preserved for ever: but the seed of the wicked shall be cut off.
Nikech Jehova Nyasaye ohero joma joratiro, kendo ok obi jwangʼo joge ma jo-adiera. Ibiro ritgi maber nyaka chiengʼ, to koth joma timbegi richo, ibiro ngʼad kargi oko;
29 The righteous shall inherit the land, and dwell therein for ever.
joma kare piny biro bedo margi kendo gibiro dak e piny nyaka chiengʼ.
30 The mouth of the righteous speaketh wisdom, and his tongue talketh of judgment.
Dho ngʼat makare hulo rieko kendo lewe wacho gima ratiro.
31 The law of his Elohim is in his heart; none of his steps shall slide.
Chik mar Nyasache ni e chunye; omiyo tiendene ok kier.
32 The wicked watcheth the righteous, and seeketh to slay him.
Joma timbegi richo pondo karito joma kare ka gidwaro tieko ngimagi;
33 YHWH will not leave him in his hand, nor condemn him when he is judged.
to Jehova Nyasaye ok bi weyogi e lwetgi kata yie bura logi sa ma iyalogi.
34 Wait on YHWH, and keep his way, and he shall exalt thee to inherit the land: when the wicked are cut off, thou shalt see it.
Bed gi geno kuom Jehova Nyasaye kendo luw yore. Obiro tingʼi malo mi omi piny bed mari; ka joma richo ongʼad kargi oko to ibiro neno gi wangʼi.
35 I have seen the wicked in great power, and spreading himself like a green bay tree.
Aseneno ngʼama timbene richo kendo makwiny kadhi maber mana ka yien mangʼich moti e lowo mowinjore kode.
36 Yet he passed away, and, lo, he was not: yea, I sought him, but he could not be found.
To ne okalo kamano piyo piyo nono kendo ne ok ochak onene, kata ne omanye to ne ok nyal yude.
37 Mark the perfect man, and behold the upright: for the end of that man is peace.
Ne kit ngima joma onge ketho, non chal joma ngimagi oriere tir, ngʼama ohero kwe nigi geno mar dak amingʼa.
38 But the transgressors shall be destroyed together: the end of the wicked shall be cut off.
To joricho duto ibiro tieki, joma timbegi richo ibiro ngʼad ndalogi oko.
39 But the salvation of the righteous is of YHWH: he is their strength in the time of trouble.
Warruok mar joma kare aa mana kuom Jehova Nyasaye; En e kar pondo margi e ndalo mar chandruok.
40 And YHWH shall help them and deliver them: he shall deliver them from the wicked, and save them, because they trust in him.
Jehova Nyasaye konyogi kendo resogi oresogi e lwet joma timbegi richo, kendo owarogi, nikech gipondo kuome.
