Psalms 78
1 Maschil of Asaph. Give ear, O my people, to my teaching; incline your ears to the words of my mouth.
Oluyimba lwa Asafu. Muwulire okuyigiriza kwange mmwe abantu bange, musseeyo omwoyo ku bye njogera.
2 I will open my mouth with a parable; I will utter dark sayings concerning days of old;
Ndyogerera mu ngero, njogere ebintu eby’ekyama ebyaliwo edda,
3 That which we have heard and known, and our fathers have told us,
ebintu bye twawulira ne tumanya; ebintu bajjajjaffe bye baatutegeeza.
4 We will not hide from their children, telling to the generation to come the praises of the LORD, and His strength, and His wondrous works that He hath done.
Tetuubikisenga baana baabwe, naye tunaabuuliranga buli mulembe ogunnaddangawo ebikolwa bya Mukama eby’ekitalo, n’amaanyi ge n’ebyamagero bye yakola.
5 For He established a testimony in Jacob, and appointed a law in Israel, which He commanded our fathers, that they should make them known to their children;
Yawa Yakobo ebiragiro, n’ateeka amateeka mu Isirayiri; n’alagira bajjajjaffe babiyigirizenga abaana baabwe,
6 That the generation to come might know them, even the children that should be born; who should arise and tell them to their children,
ab’omu mulembe oguliddirira nabo babimanye, n’abaana abalizaalibwa, nabo babiyigirize abaana baabwe,
7 That they might put their confidence in God, and not forget the works of God, but keep His commandments;
balyoke beesigenga Katonda, era balemenga okwerabira ebyo byonna Katonda bye yakola; naye bagonderenga ebiragiro bye.
8 And might not be as their fathers, a stubborn and rebellious generation; a generation that set not their heart aright, and whose spirit was not stedfast with God.
Baleme okuba nga bajjajjaabwe, omulembe ogw’abakakanyavu era abajeemu abatali bawulize, ab’emyoyo egitali myesigwa eri Katonda.
9 The children of Ephraim were as archers handling the bow, that turned back in the day of battle.
Abaana ba Efulayimu abaalina obusaale obw’okulwanyisa, naye ne badduka mu lutalo,
10 They kept not the covenant of God, and refused to walk in His law;
tebaatuukiriza ndagaano ya Katonda; ne bagaana okugondera amateeka ga Mukama.
11 And they forgot His doings, and His wondrous works that He had shown them.
Beerabira ebyo bye yakola, n’ebyamagero bye yabalaga.
12 Marvellous things did He in the sight of their fathers, in the land of Egypt, in the field of Zoan.
Yakola ebyamagero mu maaso ga bajjajjaabwe nga bali mu nsi y’e Misiri, mu kitundu kya Zowani.
13 He cleaved the sea, and caused them to pass through; and He made the waters to stand as a heap.
Ennyanja yajaawulamu, amazzi ne geetuuma ebbali n’ebbali ng’ebisenge.
14 By day also He led them with a cloud, and all the night with a light of fire.
Emisana yabakulemberanga n’ekire, n’ekiro n’abakulemberanga n’empagi ey’omuliro.
15 He cleaved rocks in the wilderness, and gave them drink abundantly as out of the great deep.
Yayasa enjazi mu ddungu, n’abawa amazzi amangi agaali ng’agava mu buziba bw’ennyanja.
16 He brought streams also out of the rock, and caused waters to run down like rivers.
Yaggya ensulo mu lwazi, n’akulukusa amazzi ng’emigga.
17 Yet went they on still to sin against Him, to rebel against the Most High in the desert.
Naye bo ne beeyongera bweyongezi okwonoona, ne bajeemera Oyo Ali Waggulu Ennyo nga bali mu ddungu.
18 And they tried God in their heart by asking food for their craving.
Ne bagezesa Katonda mu bugenderevu, nga bamusaba emmere gye baalulunkanira.
19 Yea, they spoke against God; they said: 'Can God prepare a table in the wilderness?
Era ne boogera ku Katonda; nga bagamba nti, “Katonda asobola okutuliisiza mu ddungu?
20 Behold, He smote the rock, that waters gushed out, and streams overflowed; can He give bread also? or will He provide flesh for His people?'
Weewaawo yakuba olwazi, amazzi ne gakulukuta ng’emigga; naye anaatuwa emmere? Anaawa abantu be ennyama?”
21 Therefore the LORD heard, and was wroth; and a fire was kindled against Jacob, and anger also went up against Israel;
Awo Mukama bwe yawulira ebyo n’asunguwala nnyo; omuliro gwe ne gwaka ku Yakobo, n’obusungu bwe ne bubuubuukira ku Isirayiri.
22 Because they believed not in God, and trusted not in His salvation.
Kubanga tebakkiriza Katonda, era tebeesiga maanyi ge agalokola.
23 And He commanded the skies above, and opened the doors of heaven;
Naye era n’alagira eggulu; n’aggulawo enzigi z’omu ggulu.
24 And He caused manna to rain upon them for food, and gave them of the corn of heaven.
N’abaweereza maanu okuva mu ggulu balye. Yabawa emmere eyava mu ggulu.
25 Man did eat the bread of the mighty; He sent them provisions to the full.
Abantu ne balya emmere ya bamalayika; Mukama n’abawanga emmere nnyingi eyabamaliranga ddala.
26 He caused the east wind to set forth in heaven; and by His power He brought on the south wind.
N’akunsa empewo ey’Ebuvanjuba okuva mu ggulu, era n’aweereza empewo okuva obukiika obwaddyo n’amaanyi ge.
27 He caused flesh also to rain upon them as the dust, and winged fowl as the sand of the seas;
Yatonnyesa ennyama okuva mu ggulu ennyingi ennyo ng’enfuufu; n’abaweereza n’obunyonyi enkumu ennyo ng’omusenyu gw’okulubalama lw’ennyanja.
28 And He let it fall in the midst of their camp, round about their dwellings.
Ebyokulya ebyo n’abisuula wakati mu lusiisira lwabwe; okwetooloola eweema zaabwe.
29 So they did eat, and were well filled; and He gave them that which they craved.
Awo ne balya ne bakkuta nnyo; kubanga yabawa kye baali bayaayaanira.
30 They were not estranged from their craving, their food was yet in their mouths,
Naye bwe baali nga bakyalulunkana, nga n’emmere ekyali mu kamwa kaabwe,
31 When the anger of God went up against them, and slew of the lustieth among them, and smote down the young men of Israel.
obusungu bwa Mukama ne bubabuubuukirako, n’abattamu abasajja abasinga amaanyi; abavubuka ba Isirayiri ne bazikirizibwa.
32 For all this they sinned still, and believed not in His wondrous works.
Naye newaakubadde ebyo byonna byabatuukako, kyokka beeyongera okwonoona; newaakubadde nga yabakolera ebyamagero, naye tebakkiriza.
33 Therefore He ended their days as a breath, and their years in terror.
Mukama kyeyava asala ku myaka gyabwe, n’abaleetako okuzikirizibwa okw’amangu era okw’entiisa.
34 When He slew them, then they would inquire after Him, and turn back and seek God earnestly.
Bwe yattanga abamu ku bo, ne balyoka bamunoonya, ne beenenya ne badda gy’ali.
35 And they remembered that God was their Rock, and the Most High God their redeemer.
Ne bajjukira nti Katonda lwe Lwazi lwabwe; era nti Katonda Ali Waggulu Ennyo ye Mununuzi waabwe.
36 But they beguiled Him with their mouth, and lied unto Him with their tongue.
Kyokka baamuwaananga n’emimwa gyabwe, nga bwe bamulimba n’ennimi zaabwe,
37 For their heart was not stedfast with Him, neither were they faithful in His covenant.
so tebaali beesigwa mu mitima gyabwe, era nga tebatuukiriza ndagaano ye.
38 But He, being full of compassion, forgiveth iniquity, and destroyeth not; yea, many a time doth He turn His anger away, and doth not stir up all His wrath.
Naye ye n’abakwatirwanga ekisa n’abasonyiwanga, n’atabazikiriza; emirundi n’emirundi ng’akoma ku busungu bwe, n’atabamalirako kiruyi kye okubazikiririza ddala.
39 So He remembered that they were but flesh, a wind that passeth away, and cometh not again.
Yajjukira nga baali mubiri bubiri; ng’empewo egenda n’etedda!
40 How oft did they rebel against Him in the wilderness, and grieve Him in the desert!
Baamujeemeranga nnyo bwe baali mu ddungu; ne banakuwaza nnyo omutima gwe.
41 And still again they tried God, and set bounds to the Holy One of Israel.
Ne baddamu ne bakema Katonda, ne banyiiza Omutukuvu wa Isirayiri.
42 They remembered not His hand, nor the day when He redeemed them from the adversary.
Tebajjukira buyinza bwe; wadde olunaku lwe yabanunulirako mu mikono gy’omulabe;
43 How He set His signs in Egypt, and His wonders in the field of Zoan;
bwe yalaga obubonero bwe mu Misiri, n’ebyamagero bye mu kitundu kya Zowani,
44 And turned their rivers into blood, so that they could not drink their streams.
yafuula amazzi g’emigga gyabwe omusaayi, ne batanywa mazzi gaagyo.
45 He sent among them swarms of flies, which devoured them; and frogs, which destroyed them.
Yabaweereza agabinja g’ensowera ne zibaluma, n’abaweereza n’ebikere ne bibadaaza.
46 He gave also their increase unto the caterpillar, and their labour unto the locust.
Ebirime n’ebibala byabwe yabiwa enzige ne bulusejjera.
47 He destroyed their vines with hail, and their sycamore-trees with frost.
Yazikiriza emizabbibu gyabwe n’omuzira, era ne gukuba n’emisukomooli gyabwe.
48 He gave over their cattle also to the hail, and their flocks to fiery bolts.
Yatta ente zaabwe n’amayinja g’omuzira; n’ebisibo byabwe ne bittibwa eraddu.
49 He sent forth upon them the fierceness of His anger, wrath, and indignation, and trouble, a sending of messengers of evil.
Obusungu bwe obungi bwababuubuukirako, n’ekiruyi kye n’obukambwe ne bibamalamu ensa. N’alyoka abasindikira ekibinja kya bamalayika okubazikiriza.
50 He levelled a path for His anger; He spared not their soul from death, but gave their life over to the pestilence;
Yabalaga obusungu bwe, n’atabasonyiwa kufa, n’abasindikira kawumpuli.
51 And smote all the first-born in Egypt, the first-fruits of their strength in the tents of Ham;
Yatta ababereberye bonna ab’omu Misiri, nga be bavubuka ab’ebibala ebibereberye eby’omu nnyumba ya Kaamu.
52 But He made His own people to go forth like sheep, and guided them in the wilderness like a flock.
N’alyoka afulumya abantu be ng’endiga, n’abatambuza mu ddungu ng’ekisibo.
53 And He led them safely, and they feared not; but the sea overwhelmed their enemies.
N’abaluŋŋamya mu mirembe nga tebatya, ennyanja n’esaanyaawo abalabe baabwe.
54 And He brought them to His holy border, to the mountain, which His right hand had gotten.
N’abatuusa ku nsalo y’ensi entukuvu; ku lusozi lwe yeewangulira, n’omukono gwe ogwa ddyo.
55 He drove out the nations also before them, and allotted them for an inheritance by line, and made the tribes of Israel to dwell in their tents.
Yagobamu amawanga nga balaba, n’abagabanyiza ebitundu by’ensi eyo; n’atuuza bulungi ebika bya Isirayiri mu maka gaabyo.
56 Yet they tried and provoked God, the Most High, and kept not His testimonies;
Naye era ne bakema Katonda; ne bamujeemera oyo Ali Waggulu Ennyo, ne bagaana okugondera ebiragiro bye.
57 But turned back, and dealt treacherously like their fathers; they were turned aside like a deceitful bow.
Ne bamuvaako ne baba bakuusa nga bajjajjaabwe bwe baali, ne baggwaamu obwesigwa ng’omutego gw’obusaale omukyamu.
58 For they provoked Him with their high places, and moved Him to jealousy with their graven images.
Kubanga baasunguwaza Katonda olw’ebifo ebigulumivu bo bye beegunjira okusinzizangamu, ne bamukwasa obuggya olwa bakatonda baabwe abalala.
59 God heard, and was wroth, and He greatly abhorred Israel;
Katonda bwe yabiraba n’asunguwala nnyo, n’aviira ddala ku Isirayiri.
60 And He forsook the tabernacle of Shiloh, the tent which He had made to dwell among men;
N’ava mu weema ey’omu Siiro, eweema mwe yabeeranga ng’ali mu bantu be.
61 And delivered His strength into captivity, and His glory into the adversary's hand.
N’awaayo amaanyi ge mu busibe, n’ekitiibwa kye n’akiwaayo eri omulabe.
62 He gave His people over also unto the sword; and was wroth with His inheritance.
Abantu be yabaleka ne battibwa n’ekitala, n’asunguwalira omugabo gwe.
63 Fire devoured their young men; and their virgins had no marriage-song.
Omuliro ne gusaanyaawo abavubuka baabwe abalenzi, ne bawala baabwe ne babulwa ow’okubawasa.
64 Their priests fell by the sword; and their widows made no lamentation.
Bakabona baabwe battibwa n’ekitala, ne bannamwandu baabwe tebaasobola kubakungubagira.
65 Then the Lord awaked as one asleep, like a mighty man recovering from wine.
Awo Mukama n’alyoka agolokoka ng’ali nga ava mu tulo, ng’omusajja omuzira azuukuka mu tulo ng’atamidde.
66 And He smote His adversaries backward; He put upon them a perpetual reproach.
N’akuba abalabe be ne badduka; n’abaswaza emirembe gyonna.
67 Moreover He abhorred the tent of Joseph, and chose not the tribe of Ephraim;
Mukama yaleka ennyumba ya Yusufu, n’ekika kya Efulayimu n’atakironda;
68 But chose the tribe of Judah, the mount Zion which He loved.
naye n’alonda ekika kya Yuda, lwe lusozi Sayuuni lwe yayagala.
69 And He built His sanctuary like the heights, like the earth which He hath founded for ever.
N’azimba awatukuvu we ne wagulumira ng’ensozi empanvu; ne waba ng’ensi gye yanyweza emirembe gyonna.
70 He chose David also His servant, and took him from the sheepfolds;
Yalonda Dawudi omuweereza we; n’amuggya mu kulunda endiga.
71 From following the ewes that give suck He brought him, to be shepherd over Jacob His people, and Israel His inheritance.
Ave mu kuliisa endiga, naye alundenga Yakobo, be bantu be, era alabirirenga Isirayiri omugabo gwe, gwe yeerondera.
72 So he shepherded them according to the integrity of his heart; and lead them by the skilfulness of his hands.
N’abalabirira n’omutima ogutaliimu bukuusa, n’abakulembera n’amagezi g’emikono gye.
