Psalms 50
1 A Psalm of Asaph. God, God, the LORD, hath spoken, and called the earth from the rising of the sun unto the going down thereof.
Zaburi mar Asaf. Jal Manyalo Duto, Nyasaye ma en Jehova Nyasaye, wuoyo kendo luongo ji duto modak e piny mondo ochokrene kaachiel, chakre wuok chiengʼ nyaka podho chiengʼ.
2 Out of Zion, the perfection of beauty, God hath shined forth.
Nyasaye rieny gie Sayun, dala ma berne longʼo chuth.
3 Our God cometh, and doth not keep silence; a fire devoureth before Him, and round about Him it stormeth mightily.
Nyasachwa biro kendo ok obi lingʼ mach ni e nyime mawangʼo gik moko pep, kendo ahiti mager olwore.
4 He calleth to the heavens above, and to the earth, that He may judge His people:
Oluongo joma odak e polo malo kaachiel gi joma odak e piny, mondo oyal joge:
5 'Gather My saints together unto Me; those that have made a covenant with Me by sacrifice.'
“Choknauru joga maler, mane otimo koda singruok e yor misango.”
6 And the heavens declare His righteousness; for God, He is judge. (Selah)
Kendo polo hulo timne makare, nikech Nyasaye owuon e jangʼad bura. (Sela)
7 'Hear, O My people, and I will speak; O Israel, and I will testify against thee: God, thy God, am I.
“Winjuru, yaye joga, mondo awuo kodu, yaye jo-Israel, chiknauru itu mondo atim neno ma akwedougo: An Nyasaye ma Nyasachu.
8 I will not reprove thee for thy sacrifices; and thy burnt-offerings are continually before Me.
Ok akweru nikech wach misengini mutimona, kata nikech misango miwangʼo pep, mosiko ka nitie e nyima.
9 I will take no bullock out of thy house, nor he-goats out of thy folds.
Ok agomb rwath moro amora moa e kundeu kata diek moa e abilni magu,
10 For every beast of the forest is Mine, and the cattle upon a thousand hills.
nikech le moro amora manie bungu en mara, kaachiel gi jamni makwayo ewi gode gana achiel.
11 I know all the fowls of the mountains; and the wild beasts of the field are Mine.
Angʼeyo nying winyo ka winyo manie wi gode, kendo gik mochwe duto manie pewe gin maga.
12 If I were hungry, I would not tell thee; for the world is Mine, and the fulness thereof.
Ka dine bed ni kech kaya to ok dak anyisu, nikech piny en mara, kaachiel gi gik moko duto manie iye.
13 Do I eat the flesh of bulls, or drink the blood of goats?
Uparo ni achamo ring rwedhi kata ni amadho remb diek?
14 Offer unto God the sacrifice of thanksgiving; and pay thy vows unto the Most High;
Chiwuru misango mar goyo erokamano ni Nyasaye, chopuru singruok mau ne Nyasaye Man Malo Moloyo,
15 And call upon Me in the day of trouble; I will deliver thee, and thou shalt honour Me.'
kendo luongauru e kinde ma un e chandruok; to abiro resou e chandruokugo, eka ubiro miya duongʼ.”
16 But unto the wicked God saith: 'What hast thou to do to declare My statutes, and that thou hast taken My covenant in thy mouth?
Joma timbegi richo to Nyasaye wachonegi ni: “Ngʼa momiyou thuolo mar olo chikena kata mondo ukaw singruok maga kaka mau?
17 Seeing thou hatest instruction, and castest My words behind thee.
Ere kaka dutim kamano to uchayo puonjna kendo udiro wechena katoku!
18 When thou sawest a thief, thou hadst company with him, and with adulterers was thy portion.
Ka uneno jakuo to uriworu kode kendo uchodo mana kaka joma moko timo.
19 Thou hast let loose thy mouth for evil, and thy tongue frameth deceit.
Utiyo gi dhou kuom timo richo kendo lewu oikore ne wuond.
20 Thou sittest and speakest against thy brother; thou slanderest thine own mother's son.
Usiko uwuoyo marach kuom joweteu kendo ukuotho koda ka oweteu mahie ma uago e ich achiel.
21 These things hast thou done, and should I have kept silence? Thou hadst thought that I was altogether such a one as thyself; but I will reprove thee, and set the cause before thine eyes.
Gigi duto usetimo ka an to alingʼ; useparo ni an bende achalo kodu. To koro akwerou kendo anyisou e wangʼu ni useketho kuom timo gigo duto.
22 Now consider this, ye that forget God, lest I tear in pieces, and there be none to deliver.
“Paruru matut kuom wachni, un joma wigi wil gi Nyasaye, nono to abiro kidhou matindo tindo, maonge ngʼama diresu:
23 Whoso offereth the sacrifice of thanksgiving honoureth Me; and to him that ordereth his way aright will I show the salvation of God.'
Ngʼat ma timona misango mar erokamano miya duongʼ mondo olos yo moriere tir, kendo anyise kaka warruok mar Nyasaye chalo.”
