Psalms 149

1 Hallelujah. Sing unto the LORD a new song, and His praise in the assembly of the saints.

Goocai Jehova. Inĩrai Jehova rwĩmbo rwerũ, mũmũgooce mũrĩ kĩũngano-inĩ kĩa arĩa aamũre.

2 Let Israel rejoice in his Maker; let the children of Zion be joyful in their King.

Andũ a Isiraeli nĩmakenere ũcio wamombire; andũ a Zayuni nĩmacanjamũke nĩ ũndũ wa Mũthamaki wao.

3 Let them praise His name in the dance; let them sing praises unto Him with the timbrel and harp.

Nĩmagooce rĩĩtwa rĩake makĩrũgarũgaga, na mamũinĩre na tũhembe, na kĩnanda kĩa mũgeeto.

4 For the LORD taketh pleasure in His people; He adorneth the humble with salvation.

Nĩgũkorwo Jehova nĩakenagio nĩ andũ ake; andũ arĩa ahooreri amahumbaga thũmbĩ ya ũhonokio.

5 Let the saints exult in glory; let them sing for joy upon their beds.

Andũ arĩa aamũre nĩmakenere gĩtĩĩo kĩu, na maine macanjamũkĩte marĩ o marĩrĩ-inĩ mao.

6 Let the high praises of God be in their mouth, and a two-edged sword in their hand;

Ũgooci wa Mũrungu ũrokorwo tũnua-inĩ twao, na rũhiũ rwa njora rũnoore mĩena yeerĩ rũkorwo moko-inĩ mao,

7 To execute vengeance upon the nations, and chastisements upon the peoples;

nĩguo meerĩhĩrie harĩ ndũrĩrĩ, na maherithie kĩrĩndĩ gĩa thĩ,

8 To bind their kings with chains, and their nobles with fetters of iron;

nĩguo moohe athamaki ao na mĩnyororo, na moohe andũ ao arĩa marĩ igweta na bĩngũ cia kĩgera,

9 To execute upon them the judgment written; He is the glory of all His saints. Hallelujah.

nĩguo mamakinyĩrie ituĩro rĩrĩa mandĩkĩirwo. Ũcio nĩguo riiri wa andũ ake othe arĩa aamũre. Goocai Jehova.