Proverbs 25
1 These also are proverbs of Solomon, which the men of Hezekiah king of Judah copied out.
Magi e ngeche mamoko mag Solomon, mane jo-Hezekia ruodh Juda ondiko.
2 It is the glory of God to conceal a thing; but the glory of kings is to search out a matter.
Wamiyo Nyasaye duongʼ kuom gik ma opando; to lero tiend weche en duongʼ ni ruodhi.
3 The heaven for height, and the earth for depth, and the heart of kings is unsearchable.
Mana kaka polo bor kendo piny tut, e kaka chuny ruodhi ngʼeyo tek.
4 Take away the dross from the silver, and there cometh forth a vessel for the refiner;
Ka ogol chilo kuom fedha, to jatheth koro nigi gimoro mar theth;
5 Take away the wicked from before the king, and his throne shall be established in righteousness.
ka ogol ngʼat marach e nyim ruoth, eka kom ruodhe ibiro guro motegno e tim makare.
6 Glorify not thyself in the presence of the king, and stand not in the place of great men;
Kik imiri duongʼ iwuon e nyim ruoth, kata bedo kar jomadongo,
7 For better is it that it be said unto thee: 'Come up hither', than that thou shouldest be put lower in the presence of the prince, whom thine eyes have seen.
nimar ber moloyo owachni niya, “Bi ka,” moloyo ka igoli e nyim jomadongo.
8 Go not forth hastily to strive, lest thou know not what to do in the end thereof, when thy neighbour hath put thee to shame.
Gima wangʼi oseneno kik ikel mapiyo kirikni e nyim od bura; nimar ibiro timo angʼo achien ka jabuti oketi e wichkuot?
9 Debate thy cause with thy neighbour, but reveal not the secret of another;
Ka iloso wach manie kindi gi jabuti, to kik idhi ihul wach malingʼ-lingʼ mar ngʼato;
10 Lest he that heareth it revile thee, and thine infamy turn not away.
nono to ngʼat moro mowinji biro keti e wichkuot; mi huma mari marach ok nogiki.
11 A word fitly spoken is like apples of gold in settings of silver.
Wach mowach e kinde mowinjore, chalo gi olemo mar dhahabu moketie tawo molos gi fedha.
12 As an ear-ring of gold, and an ornament of fine gold, so is a wise reprover upon an obedient ear.
Mana kaka tere mar dhahabu kata tigo mar dhahabu maber e kaka siem mar ngʼat mariek mokwerogo ngʼat machiko ite.
13 As the cold of snow in the time of harvest, so is a faithful messenger to him that sendeth him; for he refresheth the soul of his master.
Mana kaka ngʼich mar pe e kinde mar keyo, e kaka jaote ma ja-adiera chalo ne ngʼat moore, omoro chuny ruodhe.
14 As vapours and wind without rain, so is he that boasteth himself of a false gift.
Kaka boche polo gi yamo maonge koth, e kaka ngʼat mawuorore gi mich ma ok dochiw.
15 By long forbearing is a ruler persuaded, and a soft tongue breaketh the bone.
Horuok mos nyalo loko chuny ruoth, to lep mamuol nyalo toyo chogo.
16 Hast thou found honey? eat so much as is sufficient for thee, lest thou be filled therewith, and vomit it.
Ka iyudo mor kich, to cham mana moromo, mathoth ahinya, nyalo miyo ingʼogi.
17 Let thy foot be seldom in thy neighbour's house; lest he be sated with thee, and hate thee.
Kik iter tiendi pile e od jabuti, dhiyo kuno pile, biro miyo ochayi.
18 As a maul, and a sword, and a sharp arrow, so is a man that beareth false witness against his neighbour.
Mana kaka arungu kata ligangla; kata asere mabith, e kaka ngʼatno machiwo neno ma ok adiera kuom ngʼat ma gidakgo machiegni.
19 Confidence in an unfaithful man in time of trouble is like a broken tooth, and a foot out of joint.
Mana kaka lak marach kata tielo mongʼol e kaka keto geno kuom jogo ma ok jo-adiera e kinde mag chandruok.
20 As one that taketh off a garment in cold weather, and as vinegar upon nitre, so is he that singeth songs to a heavy heart.
Mana ka ngʼat ma lonyo law midongʼ duk e ndalo ngʼich, kata kaka olo chumbi e adhola, e kaka ngʼat ma wero wende ne chuny mool.
21 If thine enemy be hungry, give him bread to eat, and if he be thirsty, give him water to drink;
Ka jasiki odenyo, to miye chiemo ocham; ka riyo oloye, miye pi omodhi.
22 For thou wilt heap coals of fire upon his head, and the LORD will reward thee.
Ka itimo kamano, ibiro choko chuk mach maliel e wiye, kendo Jehova Nyasaye biro miyi pok.
23 The north wind bringeth forth rain, and a backbiting tongue an angry countenance.
Kaka yamb nyandwat kelo koth, e kaka lep mafuongʼo wach kelo miero.
24 It is better to dwell in a corner of the housetop, than in a house in common with a contentious woman.
Ber dak e kona mar wi ot moloyo dak gi dhako maralep.
25 As cold waters to a faint soul, so is good news from a far country.
Mana kaka pi mangʼich chalo ne chuny mool, e kaka wach maber moa e piny mabor chalo.
26 As a troubled fountain, and a corrupted spring, so is a righteous man that giveth way before the wicked.
Mana kaka soko motimo chwodho kata aora moduwore chalo e kaka ngʼat makare machiwo thuolo ne jaricho.
27 It is not good to eat much honey; so for men to search out their own glory is not glory.
Ok ber chamo mor kich mathoth, kata ok en gima longʼo mondo ngʼato odwar luor monego miye owuon.
28 Like a city broken down and without a wall, so is he whose spirit is without restraint.
Mana kaka dala maduongʼ ma ohingane omukore mogore piny e kaka ngʼatno ma ok nyal ritore owuon.
