Proverbs 20
1 Wine is a mocker, strong drink is riotous; and whosoever reeleth thereby is not wise.
Omwenge mukudaazi, ekitamiiza muleekaanyi, era buli alaga mu kkubo ekyamu olw’ebyo talina magezi.
2 The terror of a king is as the roaring of a lion: he that provoketh him to anger forfeiteth his life.
Obusungu bwa kabaka buli ng’okuwuluguma kw’empologoma, n’oyo amusunguwaza yeefiiriza bulamu bwe.
3 It is an honour for a man to keep aloof from strife; but every fool will be snarling.
Kya kitiibwa omuntu okwewala entalo, naye buli musirusiru ayagala okuyomba.
4 The sluggard will not plow when winter setteth in; therefore he shall beg in harvest, and have nothing.
Omugayaavu talima mu budde butuufu, kyanaavanga anoonya eby’amakungula nga talina kantu.
5 Counsel in the heart of man is like deep water; but a man of understanding will draw it out.
Ebigendererwa ebiba mu mutima gw’omuntu biba ng’amazzi ag’ebuziba, naye omuntu alina okutegeera alibiggyayo.
6 Most men will proclaim every one his own goodness; but a faithful man who can find?
Abantu bangi bagamba nti balina okwagala okutaggwaawo, naye ani ayinza okuzuula omuntu omwesigwa?
7 He that walketh in his integrity as a just man, happy are his children after him.
Omuntu omutuukirivu, atambulira mu bulamu obutaliiko kyakunenyezebwa; ba mukisa abaana be abalimuddira mu bigere.
8 A king that sitteth on the throne of judgment scattereth away all evil with his eyes.
Kabaka bw’atuula ku ntebe ye ey’obwakabaka ng’asala emisango, amaaso ge gasunsulamu ne gaggyamu ebibi byonna.
9 Who can say: 'I have made my heart clean, I am pure from my sin'?
Ani ayinza okugamba nti, “Ntukuzza omutima gwange, ndi mulongoofu era sirina kibi?”
10 Divers weights, and divers measures, both of them alike are an abomination to the LORD.
Ebipima obuzito ebitatuuka n’ebigera ebikyamu, byombi bya muzizo eri Mukama.
11 Even a child is known by his doings, whether his work be pure, and whether it be right.
Omuvubuka naye amanyibwa olw’ebikolwa bye, obanga birongoofu era nga birungi.
12 The hearing ear, and the seeing eye, the LORD hath made even both of them.
Okutu okuwulira n’eriiso eriraba byombi Mukama ye y’abikola.
13 Love not sleep, lest thou come to poverty; open thine eyes, and thou shalt have bread in plenty.
Toyagalanga kwebaka oleme kwavuwala, tunula, obeerenga n’ebyokulya bingi.
14 'It is bad, it is bad', saith the buyer; but when he is gone his way, then he boasteth.
“Si kirungi, si kirungi,” bw’ayogera agula; naye bw’agenda n’alyoka yeenyumiririza mu ky’aguze.
15 There is gold, and a multitude of rubies; but the lips of knowledge are a precious jewel.
Zaabu n’amayinja ag’omuwendo weebiri, naye emimwa egyogera eby’amagezi kye ky’omuwendo ekisingako.
16 Take his garment that is surety for a stranger; and hold him in pledge that is surety for an alien woman.
Omuntu bw’aleeta ekyambalo kye ne yeeyimiririra gw’atamanyi, kitwalire ddala, na ddala bw’abanga yeeyimiririra omukazi omubambaavu.
17 Bread of falsehood is sweet to a man; but afterwards his mouth shall be filled with gravel.
Emmere enfune mu bukyamu ewooma mu kulya, naye emufuukira amayinja mu kamwa.
18 Every purpose is established by counsel; and with good advice carry on war.
Kola entegeka nga weebuuza ku magezi, bw’oba onoolangirira olutalo sooka weebuuze.
19 He that goeth about as a talebearer revealeth secrets; therefore meddle not with him that openeth wide his lips.
Oyo agenda ng’asaasaanya olugambo abotola ebyama, noolwekyo weewale omuntu ayogerayogera ennyo ebitaliimu.
20 Whoso curseth his father or his mother, his lamp shall be put out in the blackest darkness.
Omuntu akolimira kitaawe oba nnyina, ettabaaza ye erizikizibwa n’asigala mu kizikiza ekikutte ennyo.
21 An estate may be gotten hastily at the beginning; but the end thereof shall not be blessed.
Eby’obusika ebifune ng’ekiseera kyabyo tekinnatuuka, ku nkomerero tebiba na mukisa.
22 Say not thou: 'I will requite evil'; wait for the LORD, and He will save thee.
Toyogera nti, “Nzija kukusasula olw’ekibi kino!” Lindirira Mukama alikuyamba.
23 Divers weights are an abomination to the LORD; and a false balance is not good.
Ebipima ebikyamu bya muzizo eri Mukama, ne minzaani ez’obulimba tezisanyusa.
24 A man's goings are of the LORD; how then can man look to his way?
Amakubo g’omuntu gategekebwa Mukama, omuntu ayinza atya okutegeera ekkubo lya Mukama?
25 It is a snare to a man rashly to say: 'Holy', and after vows to make inquiry.
Kyambika eri omuntu okwanguyiriza okweyama eri Mukama, naye oluvannyuma n’afumiitiriza ku bye yeeyamye.
26 A wise king sifteth the wicked, and turneth the wheel over them.
Kabaka omugezi asengejja n’aggyamu abakozi b’ebibi, n’ababonereza awatali kusaasira.
27 The spirit of man is the lamp of the LORD, searching all the inward parts.
Ettabaaza ya Mukama ekebera omwoyo gw’omuntu, n’enoonya mu bitundu eby’omunda ennyo.
28 Mercy and truth preserve the king; and his throne is upheld by mercy.
Okwagala n’obwesigwa bikuuma kabaka mu butebenkevu, era obufuzi bwe bunywezebwa na kwagala.
29 The glory of young men is their strength; and the beauty of old men is the hoary head.
Amaanyi kye kitiibwa ky’abavubuka, envi kye kitiibwa ky’abakadde.
30 Sharp wounds cleanse away evil; so do stripes that reach the inward parts.
Emiggo n’ebiwundu biggyawo ebibi, n’embooko zitereeza ebifo eby’omunda ennyo.
