Job 9
1 Then Job answered and said:
Yobo azongisaki:
2 Of a truth I know that it is so; and how can man be just with God?
« Ezali ya solo, ezali penza ndenge osili koloba, mpe nayebi yango malamu! Kasi ndenge nini moto oyo asalema na putulu akoki kozala sembo liboso ya Nzambe?
3 If one should desire to contend with Him, he could not answer Him one of a thousand.
Ata, na mbala nkoto moko, ameki kobeta tembe na Nzambe, akotikala kokoka kolonga ata mbala moko te.
4 He is wise in heart, and mighty in strength; who hath hardened himself against Him, and prospered?
Bwanya ya Nzambe ezali na bozindo makasi, mpe nguya na Ye ezali monene; nani asila kotelemela Ye, bongo amona bolamu?
5 Who removeth the mountains, and they know it not, when He overturneth them in His anger.
Alongolaka bangomba na bisika na yango, wana yango moko eyebaka te, mpe, kati na kanda na Ye, akweyisaka yango;
6 Who shaketh the earth out of her place, and the pillars thereof tremble.
aningisaka mabele wuta na esika na yango mpe alengisaka makonzi na yango;
7 Who commandeth the sun, and it riseth not; and sealeth up the stars.
apesaka mitindo na moyi, mpe moyi ebimaka te; atiaka kashe na minzoto.
8 Who alone stretcheth out the heavens, and treadeth upon the waves of the sea.
Atandaki Ye moko Likolo mpe atambolaka likolo ya mbonge ya ebale;
9 Who maketh the Bear, Orion, and the Pleiades, and the chambers of the south.
akelaki bangombolo minene, orioni, masanga ya minzoto mpe minzoto ya sude;
10 Who doeth great things past finding out; yea, marvellous things without number.
asalaka makambo minene oyo elekelaka mayele ya bato, bikamwa ya somo oyo bakokaka kotanga te.
11 Lo, He goeth by me, and I see Him not. He passeth on also, but I perceive Him not.
Soki aleki pene na ngai, nakokoka te komona Ye; soki mpe akei, nakokoka te komona Ye.
12 Behold, He snatcheth away, who can hinder Him? Who will say unto Him: 'What doest Thou?'
Soki azwi eloko, nani akoki kobotola Ye yango? Nani akoki koloba na Ye: ‹ Ozali kosala nini? ›
13 God will not withdraw His anger; the helpers of Rahab did stoop under Him.
Nzambe azongisaka kanda na Ye sima te; liboso na Ye, ezala bato ya lolendo balengaka.
14 How much less shall I answer Him, and choose out my arguments with Him?
Bongo, ngai, nakokoka ndenge nini kobeta tembe na Ye? Nakolonga ndenge nini kopona maloba ya komekana na Ye?
15 Whom, though I were righteous, yet would I not answer; I would make supplication to Him that contendeth with me.
Ezala soki nazalaki moto ya sembo, nalingaki na ngai kokoka te kopesa Ye eyano; nalingaki kokoka nde kaka kosenga mawa ya Mosambisi na ngai.
16 If I had called, and He had answered me; yet would I not believe that He would hearken unto my voice —
Ata nabelelaki Ye, mpe ayanoli ngai, nalingaki na ngai kondima te ete ayoki ngai,
17 He that would break me with a tempest, and multiply my wounds without cause;
pamba te afini ngai na nzela ya mopepe makasi mpe akomisi bapota na ngai ebele na pamba,
18 That would not suffer me to take my breath, but fill me with bitterness.
aboyi kotikela ngai tango ya kopema, wana azali kaka kotondisa ngai na pasi.
19 If it be a matter of strength, lo, He is mighty! and if of justice, who will appoint me a time?
Soki ezali likambo oyo esengi makasi, Ye nde Nkolo-Na-Nguya! Mpe soki ezali likambo ya bosembo, nani akoki kosambisa Ye?
20 Though I be righteous, mine own mouth shall condemn me; though I be innocent, He shall prove me perverse.
Ezala namemaki na ngai ngambo te, monoko na ngai elingaki kaka kokweyisa ngai; ezala nazalaki sembo, monoko na ngai elingaki kaka kolakisa mbeba na ngai.
21 I am innocent — I regard not myself, I despise my life.
Atako nazali sembo, motema na ngai etondi na mawa mpo na ngai moko, nayini bomoi na ngai.
22 It is all one — therefore I say: He destroyeth the innocent and the wicked.
Nyonso ezali kaka ndenge moko! Yango wana nalobi: ‹ Abomaka bato ya sembo mpe bato mabe. ›
23 If the scourge slay suddenly, He will mock at the calamity of the guiltless.
Tango mopepe ya bokono ememaka kufa na mbalakata, Nzambe asekaka komekama ya bato ya sembo.
24 The earth is given into the hand of the wicked; he covereth the faces of the judges thereof; if it be not He, who then is it?
Soki mokili ekweyi na maboko ya bato mabe, Nzambe azipaka miso ya basambisi na yango. Soki ezali Ye te, ezali nani?
25 Now my days are swifter than a runner; they flee away, they see no good.
Mikolo ya bomoi na ngai ezali kokende mbangu koleka mopoti mbangu, ezali kokende mbangu penza, kasi etikali komona esengo te.
26 They are passed away as the swift ships; as the vulture that swoopeth on the prey.
Ezali kokende penza mbangu koleka masuwa oyo esalema na papirisi, koleka mpongo oyo ezali kokitela bilei na yango.
27 If I say: 'I will forget my complaint, I will put off my sad countenance, and be of good cheer',
Soki nalobi: ‹ Nabosana ata pasi na ngai, nabongola elongi na ngai mpe nakoma koseka, ›
28 I am afraid of all my pains, I know that Thou wilt not hold me guiltless.
nazali kaka kobanga pasi na ngai nyonso, pamba te nayebi ete okozwa na Yo ngai te lokola moto ya sembo.
29 I shall be condemned; why then do I labour in vain?
Lokola esili komonana ete nasali mabe, mpo na nini namitungisa lisusu na pamba?
30 If I wash myself with snow water, and make my hands never so clean;
Ezala namisukoli nzoto na sabuni mpe nasukoli maboko na ngai na sabuni ya malonga,
31 Yet wilt Thou plunge me in the ditch, and mine own clothes shall abhor me.
okobwaka ngai kaka na libulu ya potopoto, mpe bilamba na ngai ekoyoka ngai nkele.
32 For He is not a man, as I am, that I should answer Him, that we should come together in judgment.
Azali moto lokola ngai te mpo ete nazongisela Ye eyano to nakende kosamba na Ye liboso ya basambisi.
33 There is no arbiter betwixt us, that might lay his hand upon us both.
Soki ezalaki ata na moto moko oyo akokaki komikotisa kati na likambo na biso mpe kotombola loboko na ye kati na ngai mpe Nzambe,
34 Let Him take His rod away from me, and let not His terror make me afraid;
moto oyo akokaki kolongola fimbu ya Nzambe mosika na ngai mpo ete somo na Ye ebangisa ngai lisusu te,
35 Then would I speak, and not fear Him; for I am not so with myself.
nalingaki kotombola mongongo na ngai liboso na Ye na kobanga te. Kasi ndenge ezali sik’oyo, nakokoka te.
