Job 31

1 I made a covenant with mine eyes; how then should I look upon a maid?

Ako nakigsaad sa akong mga mata; Nan unsaon ko man ang pagsud-ong sa usa ka ulay?

2 For what would be the portion of God from above, and the heritage of the Almighty from on high?

Kay unsaon man ang bahin nga gikan sa Dios sa kahitas-an, Ug ang panulondon gikan sa Makagagahum nga atua sa itaas?

3 Is it not calamity to the unrighteous, and disaster to the workers of iniquity?

Dili ba kagul-anan alang sa mga dili matarung, Ug kadautan alang sa mga malinapason?

4 Doth not He see my ways, and count all my steps?

Wala ba siya magasud-ong sa Ug magaihap sa akong tanan nga mga lakang?

5 If I have walked with vanity, and my foot hath hasted to deceit —

Kong ako naglakaw sa kabakakan, Ug ang akong tiil nahamalintak sa limbong

6 Let me be weighed in a just balance, that God may know mine integrity —

(Ipatimbang ako sa usa ka maayong timbangan, Aron ang Dios masayud sa katul-id sa akong kasingkasing);

7 If my step hath turned out of the way, and my heart walked after mine eyes, and if any spot hath cleaved to my hands;

Kong ang akong lakang mingtipas sa dalan, Ug ang akong kasingkasing nagasunod sa akong mga mata, Ug kong aniay buling nga nahitapot sa akong mga kamot:

8 Then let me sow, and let another eat; yea, let the produce of my field be rooted out.

Nan papugasa ako, ug lain ang pakan-a, Oo, ipaibut ang abut sa akong uma.

9 If my heart have been enticed unto a woman, and I have lain in wait at my neighbour's door;

Kong ang akong kasingkasing nahaylo sa lain nga babaye, Ug ako nakaghulat sa pultahan sa akong isigkatawo;

10 Then let my wife grind unto another, and let others bow down upon her.

Nan ang akong asawa pagalinga ngadto sa uban, Ug pasagdi nga ang uban managyukbo kaniya.

11 For that were a heinous crime; yea, it were an iniquity to be punished by the judges.

Kay kana usa ka sala nga makalilisang; Oo, usa ka paglapas nga angayng pagasilotan sa mga maghuhukom:

12 For it is a fire that consumeth unto destruction, and would root out all mine increase.

Kay mao kanay usa ka kalayo nga magasunog hangtud sa Pagkalaglag, Ug arang makag-ibut sa tibook nakong abut.

13 If I did despise the cause of my man-servant, or of my maid-servant, when they contended with me —

Kong ako nakagtamay sa katungod sa akong binatonang lalake ug binatonang babaye, Sa diha nga sila mingsupak kanako;

14 What then shall I do when God riseth up? And when He remembereth, what shall I answer Him?

Unsa man unya ang akong buhaton sa diha nga mobangon ang Dios? Ug sa diha nga siya modu-aw, unsa man ang akong itubag kaniya?

15 Did not He that made me in the womb make him? And did not One fashion us in the womb?

Wala ba magbuhat usab kaniya ang nagbuhat kanako diha sa tagoangkan? Wala ba kaming duha himoa sa sulod sa tagoangkan?

16 If I have withheld aught that the poor desired, or have caused the eyes of the widow to fail;

Kong ang kabus gidid-an ko sa ilang gikinahanglan, Kun gikawang ko ang mga mata sa balo nga babaye,

17 Or have eaten my morsel myself alone, and the fatherless hath not eaten thereof —

Kun ako lamang usara ang nagakaon sa akong hungit, Ug ang mga ilo wala makatilaw niana

18 Nay, from my youth he grew up with me as with a father, and I have been her guide from my mother's womb.

(Dili, sukad sa akong pagkabatan-on siya nagatubo uban kanako nga ingon ako sa amahan niya, Ug ako nagmatoto sa balong babaye sukad pa sa tagoangkan sa akong inahan);

19 If I have seen any wanderer in want of clothing, or that the needy had no covering;

Kong dinhay bisan kinsa nga nakit-an nako nga namatay tungod sa pagkawalay bisti, Kun ang hangul walay saput;

20 If his loins have not blessed me, and if he were not warmed with the fleece of my sheep;

Kong ang iyang hawak wala magpanalangin kanako, Ug kong siya wala kainiti tungod sa balhibo sa akong carnero;

21 If I have lifted up my hand against the fatherless, because I saw my help in the gate;

Kong gibakyaw ko ang akong kamot batok sa mga ilo, Tungod kay nakita ko ang akong magtatabang diha sa ganghaan:

22 Then let my shoulder fall from the shoulder-blade, and mine arm be broken from the bone.

Nan ipatagak ang akong abaga gikan sa balikhaw, Ug ang akong bukton maputol unta gikan sa bukog.

23 For calamity from God was a terror to me, and by reason of His majesty I could do nothing.

Kay ang kagul-anan gikan sa Dios makapahadlok kanako, Ug tungod sa iyang pagkahalangdon ako dili makabuhat bisan unsa.

24 If I have made gold my hope, and have said to the fine gold: 'Thou art my confidence';

Kong ang bulawan maoy gihimo ko nga akong paglaum, Ug giingon ko ang bulawang lunsay: Ikaw mao man ang akong pagsalig;

25 If I rejoiced because my wealth was great, and because my hand had gotten much;

Kong ako nagkasadya tungod kay daghan ang akong bahandi, Ug tungod kay daku ang natigum sa akong kamot;

26 If I beheld the sun when it shined, or the moon walking in brightness;

Kong nakita ko ang adlaw sa diha nga kana minghayag, Kun ang bulan nga nagpanaw sa kadan-ag,

27 And my heart hath been secretly enticed, and my mouth hath kissed my hand;

Ug ang akong kasingkasing nahaylo sa tago, Ug ang akong baba mihalok sa akong kamot:

28 This also were an iniquity to be punished by the judges; for I should have lied to God that is above.

Kini usab maoy usa ka sala nga pagasilotan sa mga maghuhukom; Kay igalimod ko unta ang Dios nga atua sa itaas.

29 If I rejoiced at the destruction of him that hated me, or exulted when evil found him —

Kong gikalipay ko ang pagkalaglag niadtong nagdumot kanako, Kun nagpahataas ako sa akong kaugalingon sa diha nga siya hingkaplagan sa kadautan:

30 Yea, I suffered not my mouth to sin by asking his life with a curse.

(Oo, wala ko pasagdi ang akong baba nga makasala Sa pagpangayo sa iyang kinabuhi uban ang usa ka panghimaraut);

31 If the men of my tent said not: 'Who can find one that hath not been satisfied with his meat?'

Kong ang mga tawo sa akong balong-balong wala manag-ingon: Kinsay makakita ug mausa nga wala mabusog sa iyang makaon?

32 The stranger did not lodge in the street; my doors I opened to the roadside.

(Ang dumuloong wala makapuyo sa dalan; Apan gibuksan ko ang akong mga pultahan alang sa lumalangyaw);

33 If after the manner of men I covered my transgressions, by hiding mine iniquity in my bosom —

Kong ingon kang Adam ako nagtabon sa akong mga kalapasan, Sa pagtago sa akong sala sulod sa akong dughan,

34 Because I feared the great multitude, and the most contemptible among families terrified me, so that I kept silence, and went not out of the door.

Tungod kay nahadlok ako sa daku nga panon sa katawohan, Ug kay nakapalisang kanako ang pagtamay sa mga kabanayan, Busa ako naghilum ug wala gumala sa akong pultahan,

35 Oh that I had one to hear me! — Lo, here is my signature, let the Almighty answer me — and that I had the indictment which mine adversary hath written!

Oh, nga ania untay usa nga magpatalinghug kanako? (Ania karon, ania ang akong timaan, patubaga kanako ang Makagagahum) Ug nga ania unta kanako ang sumbong nga gisulat sa akong kabatok!

36 Surely I would carry it upon my shoulder; I would bind it unto me as a crown.

Sa pagkamatuod akong pas-anon kana unta sa akong abaga; Ibugkos ko kana kanako ingon sa usa ka purongpurong:

37 I would declare unto him the number of my steps; as a prince would I go near unto him.

Kaniya akong ipahayag unta ang gidaghanon sa akong mga lakang; Ingon sa usa ka principe, siya pagaduolon ko.

38 If my land cry out against me, and the furrows thereof weep together;

Kong ang akong yuta nagasinggit batok kanako, Ug ang mga tudling niana managdungan sa pagpanghilak;

39 If I have eaten the fruits thereof without money, or have caused the tillers thereof to be disappointed —

Kong gikaon ko ang mga bunga niana sa walay bayad, Kun gipildi ko ang kinabuhi sa mga tag-iya niana:

40 Let thistles grow instead of wheat, and noisome weeds instead of barley. The words of Job are ended.

Kasampinitan ang patugka ilis sa trigo, Ug kogon ilis sa cebada. Natapus ang mga pulong ni Job.