Genesis 11
1 And the whole earth was of one language and of one speech.
Zvino nyika yose yakanga ino rurimi rumwe chete nokutaura kwakafanana.
2 And it came to pass, as they journeyed east, that they found a plain in the land of Shinar; and they dwelt there.
Vanhu vakati vachitamira kumabvazuva, vakawana bani romuShinari vakagaramo.
3 And they said one to another: 'Come, let us make brick, and burn them thoroughly.' And they had brick for stone, and slime had they for mortar.
Vakataurirana vakati, “Uyai, ngatiitei zvidhina tigozvipisa kwazvo.” Vakashandisa zvidhina pachinzvimbo chamabwe, uye bhitumini ikava dhaka ravo.
4 And they said: 'Come, let us build us a city, and a tower, with its top in heaven, and let us make us a name; lest we be scattered abroad upon the face of the whole earth.'
Ipapo vakati, “Uyai, ngatizvivakirei guta neshongwe inosvika kudengadenga, kuti tizviitire mukurumbira uye kuti tirege kupararira panyika yose.”
5 And the LORD came down to see the city and the tower, which the children of men builded.
Asi Jehovha akaburuka pasi kuti azoona guta neshongwe yakanga ichivakwa navanhu.
6 And the LORD said: 'Behold, they are one people, and they have all one language; and this is what they begin to do; and now nothing will be withholden from them, which they purpose to do.
Jehovha akati, “Kana vanhu ava vava somunhu mumwe, vachitaura rurimi rumwe chete, vakatanga kuita izvi, zvino hapana chinhu chavanoronga kuti vachiite chichavaomera.
7 Come, let us go down, and there confound their language, that they may not understand one another's speech.'
Uyai, ngatiburukei tindovapesanisa mutauro wavo kuti varege kunzwisisana.”
8 So the LORD scattered them abroad from thence upon the face of all the earth; and they left off to build the city.
Saka Jehovha akavaparadzira pamusoro penyika yose ipapo, uye vakarega kuvaka guta.
9 Therefore was the name of it called Babel; because the LORD did there confound the language of all the earth; and from thence did the LORD scatter them abroad upon the face of all the earth.
Ndokusaka nzvimbo iyo yakanzi Bhabheri, nokuti ipapo Jehovha akapesanisa mutauro wenyika yose. Kubva ipapo Jehovha akavaparadzira pamusoro penyika yose.
10 These are the generations of Shem. Shem was a hundred years old, and begot Arpachshad two years after the flood.
Iyi ndiyo rondedzero yamarudzi aShemu. Makore maviri shure kwamafashamu, Shemu paakanga ava namakore zana okuberekwa, akabereka Afakisadhi.
11 And Shem lived after he begot Arpachshad five hundred years, and begot sons and daughters.
Uye shure kwokubereka Afakisadhi, Shemu akararama kwamakore mazana mashanu uye akava navamwe vanakomana navanasikana.
12 And Arpachshad lived five and thirty years, and begot Shelah.
Afakisadhi akati ava namakore makumi matatu namashanu okuberekwa, akabereka Shera.
13 And Arpachshad lived after he begot Shelah four hundred and three years, and begot sons and daughters.
Uye shure kwokubereka kwake Shera, Afakisadhi akararama kwamakore mazana mana namatatu uye akazova navamwe vanakomana navanasikana.
14 And Shelah lived thirty years, and begot Eber.
Shera akati ava namakore makumi matatu okuberekwa, akabereka Ebheri.
15 And Shelah lived after he begot Eber four hundred and three years, and begot sons and daughters.
Uye shure kwokubereka kwake Ebheri, Shera akararama kwamakore mazana mana namatatu uye akazova navamwe vanakomana navanasikana.
16 And Eber lived four and thirty years, and begot Peleg.
Ebheri akati ava namakore makumi matatu namana okuberekwa, akabereka Peregi.
17 And Eber lived after he begot Peleg four hundred and thirty years, and begot sons and daughters.
Uye shure kwokubereka kwake Peregi, Ebheri akararama kwamakore mazana mana namakumi matatu uye akazova navamwe vanakomana navanasikana.
18 And Peleg lived thirty years, and begot Reu.
Peregi akati ava namakore makumi matatu, okuberekwa akabereka Reu.
19 And Peleg lived after he begot Reu two hundred and nine years, and begot sons and daughters.
Uye shure kwokubereka kwake Reu, Peregi akararama kwamakore mazana maviri namapfumbamwe uye akazova navamwe vanakomana navanasikana.
20 And Reu lived two and thirty years, and begot Serug.
Reu akati ava namakore makumi matatu namaviri okuberekwa, akabereka Serugi.
21 And Reu lived after he begot Serug two hundred and seven years, and begot sons and daughters.
Uye shure kwokubereka kwake Serugi, Reu akararama kwamakore mazana maviri namanomwe uye akazova navamwe vanakomana navanasikana.
22 And Serug lived thirty years, and begot Nahor.
Serugi akati ava namakore makumi matatu okuberekwa, akabereka Nahori.
23 And Serug lived after he begot Nahor two hundred years, and begot sons and daughters.
Uye shure kwokubereka kwake Nahori, Serugi akararama kwamakore mazana maviri uye akazova navamwe vanakomana navanasikana.
24 And Nahor lived nine and twenty years, and begot Terah.
Nahori akati ava namakore makumi maviri namapfumbamwe okuberekwa, akabereka Tera.
25 And Nahor lived after he begot Terah a hundred and nineteen years, and begot sons and daughters.
Uye shure kwokubereka kwake Tera, Nahori akazorarama kwamakore zana negumi namapfumbamwe uye akazova navamwe vanakomana navanasikana.
26 And Terah lived seventy years, and begot Abram, Nahor, and Haran.
Shure kwokunge Nahori ava namakore makumi manomwe okuberekwa, akabereka Abhurama, Nahori naHarani.
27 Now these are the generations of Terah. Terah begot Abram, Nahor, and Haran; and Haran begot Lot.
Iyi ndiyo rondedzero yavana vaTera. Tera akabereka Abhurama, Nahori naHarani. Uye Harani akabereka Roti.
28 And Haran died in the presence of his father Terah in the land of his nativity, in Ur of the Chaldees.
Baba vake Tera vachiri vapenyu Harani akafira muUri ravaKaradhea, munyika yaakaberekerwa,
29 And Abram and Nahor took them wives: the name of Abram's wife was Sarai; and the name of Nahor's wife, Milcah, the daughter of Haran, the father of Milcah, and the father of Iscah.
vose vari vaviri Abhurama naNahori vakawana. Zita romukadzi waAbhurama rainzi Sarai, uye zita romukadzi waNahori rainzi Mirika; akanga ari mwanasikana waHarani, baba vaMirika naIsika.
30 And Sarai was barren; she had no child.
Zvino Sarai akanga asingabereki; akanga asina vana.
31 And Terah took Abram his son, and Lot the son of Haran, his son's son, and Sarai his daughter-in-law, his son Abram's wife; and they went forth with them from Ur of the Chaldees, to go into the land of Canaan; and they came unto Haran, and dwelt there.
Tera akatora mwanakomana wake Abhurama, muzukuru wake Roti, mwanakomana waHarani, nomuroora wake Sarai, mukadzi womwanakomana wake Abhurama, uye vakaenda kuUri yavaKaradhea pamwe chete kuti vaende kuKenani. Asi vakati vasvika paHarani, vakagara ipapo.
32 And the days of Terah were two hundred and five years; and Terah died in Haran.
Tera akararama kwamakore mazana maviri namashanu, uye akafira paHarani.
