1 Chronicles 16

1 And they brought in the ark of God, and set it in the midst of the tent that David had pitched for it, and they offered burnt-offerings and peace-offerings before God.

Negikelo Sandug Muma mar Nyasaye mi gikete ei hema mane Daudi ogurone, bangʼe negitimo misengini miwangʼo pep kod misengini mag lalruok e nyim Nyasaye.

2 And when David had made an end of offering the burnt-offering and the peace-offerings, he blessed the people in the name of the LORD.

Kane Daudi osetieko chiwo misango miwangʼo pep kod misango mar lalruok, ne ogwedho jo-Israel ka oluongo nying Jehova Nyasaye.

3 And he dealt to every one of Israel, both man and woman, to every one a loaf of bread, and a cake made in a pan, and a sweet cake.

Bangʼe ngʼato ka ngʼato ma ja-Israel, dhako kata dichwo nomiyo makati achiel, gi ringʼo mayom kod olembe motwo mongʼin.

4 And he appointed certain of the Levites to minister before the ark of the LORD, and to celebrate and to thank and praise the LORD, the God of Israel:

Noyiero jo-Lawi moko mondo oti e nyim Sandug Muma mar Jehova Nyasaye, mondo olem kendo ogo erokamano ka gipako Jehova Nyasaye ma Nyasach Israel.

5 Asaph the chief, and second to him Zechariah, Jeiel, and Shemiramoth, and Jehiel, and Mattithiah, and Eliab, and Benaiah, and Obed-edom, and Jeiel, with psalteries and with harps; and Asaph with cymbals, sounding aloud;

Asaf ne jatendgi, Zekaria jalupne, kiluwogi kod Jeyel, Shemiramoth, Jehiel, Matithia, Eliab, Benaya, Obed-Edom gi Jeyel mane jogo orutu gi nyatiti ka Asaf to ne dwongʼo ongengʼo

6 and Benaiah and Jahaziel the priests with trumpets continually, before the ark of the covenant of God.

to Benaya kod Jahaziel ma jodolo to ne goyo turumbete e sa ka sa e nyim sanduk singruok mar Nyasaye.

7 Then on that day did David first ordain to give thanks unto the LORD, by the hand of Asaph and his brethren.

Chiengʼno ema ne Daudi omiyo Asaf kod jowetene zaburini mar goyo erokamano ni Jehova Nyasaye kama:

8 O give thanks unto the LORD, call upon His name; make known His doings among the peoples.

Pakuru Jehova Nyasaye, luonguru nyinge, landuru ne ogendini duto gima osetimo.

9 Sing unto Him, sing praises unto Him; speak ye of all His marvellous works.

Werneuru, pakeuru gi wende, nyisuru kuom tijene duto miwuoro.

10 Glory ye in His holy name; let the heart of them rejoice that seek the LORD.

Nyinge maler nigi duongʼ, chuny joma manyo Jehova Nyasaye mondo obed mamor.

11 Seek ye the LORD and His strength; seek His face continually.

Ranguru Jehova Nyasaye gi tekone, dwaruru wangʼe kinde duto.

12 Remember His marvellous works that He hath done, His wonders, and the judgments of His mouth;

Paruru gik miwuoro mosetimo, honni mage kod buche mosengʼado,

13 O ye seed of Israel His servant, ye children of Jacob, His chosen ones.

yaye, un nyikwa Israel jatichne, yaye, un yawuot Jakobo joge moyiero.

14 He is the LORD our God; His judgments are in all the earth.

En e Jehova Nyasaye ma Nyasachwa; buchene ni e piny duto.

15 Remember His covenant for ever, the word which He commanded to a thousand generations;

Oparo singruokne nyaka chiengʼ, weche mane osingo e tienge tara,

16 The covenant which He made with Abraham, and His oath unto Isaac;

Singruok mane otimo gi Ibrahim, muma mane okwongʼorego ni Isaka.

17 And He established it unto Jacob for a statute, to Israel for an everlasting covenant;

Ne ogure ne Jakobo kaka chik, kendo nogure ni Israel kaka singruok mochwere:

18 Saying: 'Unto thee will I give the land of Canaan, the lot of your inheritance.'

Nowacho niya, “Anamiyi piny Kanaan kaka girkeni mari.”

19 When ye were but a few men in number, yea, very few, and sojourners in it,

Kane pod gin ji manok e kar rombgi, ne ginok ahinya kendo ne gin welo e pinyno,

20 And when they went about from nation to nation, and from one kingdom to another people,

ne giwuotho e kind ogendini mopogore, ka gidhi e pinyruodhi mopogore opogore.

21 He suffered no man to do them wrong, yea, for their sake He reproved kings:

Ne ok oyie mondo ngʼato osandgi, nokwero ruodhi kowachonegi niya,

22 'Touch not Mine anointed ones, and do My prophets no harm.'

“Kik umul joga ma awiro, kik uhiny jonabi maga.”

23 Sing unto the LORD, all the earth; proclaim His salvation from day to day.

Weruru ne Jehova Nyasaye un ji duto modak e piny, landuru warruokne odiechiengʼ kodiechiengʼ.

24 Declare His glory among the nations, His marvellous works among all the peoples.

Huluru duongʼne e kind ogendini kendo landuru tijene miwuoro ne ji duto.

25 For great is the LORD, and highly to be praised; He also is to be feared above all gods.

Nimar Jehova Nyasaye duongʼ kendo owinjore gi pak; onego omiye luor moloyo nyiseche mamoko duto.

26 For all the gods of the peoples are things of nought; but the LORD made the heavens.

Nikech nyiseche duto mag ogendini gin mana gik ma dhano oloso, to Jehova Nyasaye ema nochweyo polo.

27 Honour and majesty are before Him; strength and gladness are in His place.

Duongʼ kod pak nitiere e nyime; teko kod mor nitiere kar dakne.

28 Ascribe unto the LORD, ye kindreds of the peoples, ascribe unto the LORD glory and strength.

Pakuru Jehova Nyasaye, yaye ogendini manie piny, wachuru ni Jehova Nyasaye duongʼ kendo en gi teko.

29 Ascribe unto the LORD the glory due unto His name; bring an offering, and come before Him; worship the LORD in the beauty of holiness.

Miuru Jehova Nyasaye duongʼ mowinjore gi nyinge. Keluru chiwo kendo ubi ire mondo. Ulam Jehova Nyasaye e lerne marieny mar berne.

30 Tremble before Him, all the earth; the world also is established that it cannot be moved.

Un ji duto manie piny, beduru gi e nyime! Piny osegur motegno kendo ok noyienge.

31 Let the heavens be glad, and let the earth rejoice; and let them say among the nations: 'The LORD reigneth.'

Polo mondo obed moil, piny mondo obed mamor, we mondo giwachne e dier ogendini niya, “Jehova Nyasaye olocho!”

32 Let the sea roar, and the fulness thereof; let the field exult, and all that is therein;

Nam kod gik moko duto man e iye bende omor, beduru mamor un pewe kod gik manie iwu.

33 Then shall the trees of the wood sing for joy, before the LORD, for He is come to judge the earth.

Bangʼe yiende manie bungu nower, giniwer gi mor e nyim Jehova Nyasaye, nikech obiro ngʼadone piny bura.

34 O give thanks unto the LORD; for He is good; for His mercy endureth for ever.

Gouru erokamano ne Jehova Nyasaye nikech ober; kendo herane osiko manyaka chiengʼ.

35 And say ye: 'Save us, O God of our salvation, and gather us together and deliver us from the nations, that we may give thanks unto Thy holy name, that we may triumph in Thy praise.'

Ywaguru niya, “Reswa aa Nyasaye ma Jawarwa, chokwa kendo reswa kuom ogendini, mondo mi wadwok erokamano ne nyingi maler kendo wabed mamor kwapaki.”

36 Blessed be the LORD, the God of Israel, from everlasting even to everlasting. And all the people said: 'Amen,' and praised the LORD.

Pakuru Jehova Nyasaye, ma Nyasach Israel mochwere manyaka chiengʼ. Eka ji duto nowacho niya, “Amin” kendo ni “Opak Jehova Nyasaye.”

37 So he left there, before the ark of the covenant of the LORD, Asaph and his brethren, to minister before the ark continually, as every day's work required;

Daudi ne oweyo Asaf kod jotich kaachiel kode e nyim Sandug Singruok mar Jehova Nyasaye mondo giti kanyo ndalo duto mana kaka ne dwarore pile ka pile kendo odiechiengʼ ka odiechiengʼ.

38 and Obed-edom with their brethren, threescore and eight; Obed-edom also the son of Jedithun and Hosah to be door-keepers;

Ne oweyo bende Obed-Edom kod jowetene piero auchiel gaboro mondo joti kodgi. Obed-Edom wuod Jeduthun to gi Hosa bende ne jorit rangeye.

39 and Zadok the priest, and his brethren the priests, before the tabernacle of the LORD in the high place that was at Gibeon,

Daudi noweyo Zadok jadolo kod jowetene ma jodolo e nyim hekalu mar Jehova Nyasaye e kama otingʼore gi malo man Gibeon,

40 to offer burnt-offerings unto the LORD upon the altar of burnt-offering continually morning and evening, even according to all that is written in the Law of the LORD, which He commanded unto Israel;

mondo gichiwne Jehova Nyasaye misengini pile pile e kendo mar misango miwangʼo pep, gitim kamano okinyi kod odhiambo mana kaka ondikgi duto e Chik Jehova Nyasaye mano mi jo-Israel.

41 and with them Heman and Jeduthun, and the rest that were chosen, who were mentioned by name, to give thanks to the LORD, because His mercy endureth for ever;

Kaachiel kodgi ne gin Heman gi Jeduthun kod joma moko manoyier kendo oluong gi nyingegi mondo gi dwokne Jehova Nyasaye erokamano, “nikech herane osiko manyaka chiengʼ.”

42 and with them Heman and Jeduthun, to sound aloud with trumpets and cymbals, and with instruments for the songs of God; and the sons of Jeduthun to be at the gate.

Heman kod Jeduthun to ne tijgi en goyo turumbete kod ongengʼo kod goyo thumbe mamoko mag wend Nyasaye. Yawuot Jeduthun to ne rito rangach.

43 And all the people departed every man to his house; and David returned to bless his house.

Eka ji duto noa ka ngʼato ka ngʼato dok e dalane, kendo Daudi bende nodhi dalane mondo ogwedh joge.