Job 18

1 Then answered Bildad the Shuhite, and said,

Hagi anante Suha kumate ne' Bildati'a amanage hu'ne,

2 When will yee make an ende of your words? cause vs to vnderstande, and then wee will speake.

Jopuga zazate nanekea hunka vane. Kagrama tagriku'ma kenonama hurantesiema hanunka kagesa antahinka nanekea huo.

3 Wherefore are wee counted as beastes, and are vile in your sight?

Hanki kagrama antahinana, tagra bulimakao afu mani'nompi? Hagi kagrama antahinana tagra kagri kavurera antahi'za omane vahe mani'none.

4 Thou art as one that teareth his soule in his anger. Shall the earth bee forsaken for thy sake? or the rocke remoued out of his place?

Hagi kagrira tusi krimpa ahenigenka kazokara vararegahananagi, e'i ana krimpa ahe'zamo'a, mopa eri rukrahera osugahie. Huge ana krimpa ahe'zamo'a, have agona erinkria osegahie.

5 Yea, the light of the wicked shalbe quenched, and the sparke of his fire shall not shine.

Tamage huno kefo avu'ava'ma nehaze vahetmimofo tavi'mo'a asu hanigeno, akrukruma huno nerea tevemo'a ru'enena akrukru hunora ontegosie.

6 The light shalbe darke in his dwelling, and his candle shalbe put out with him.

Hanki seli noma'afima neresia tavi'mo'a ome hanintiri nehanigeno, ana nompima hantinte'neni'a tavimo'a asu hugahie.

7 The steps of his strength shalbe restrained, and his owne counsell shall cast him downe.

Hanki kefo avu'ava'ma nehia vahe'mo'ma ko'ma hanave'a me'negeno'ma afete'ma agiama renakenerea zana osugahianki, tava'onte renakeregahie. Hanki ru vahe'ma zamazeri haviza hu' antahintahima retro'ma nehia antahintahimo, agrira azeri haviza hugahie.

8 For hee is taken in the net by his feete, and he walketh vpon the snares.

Kefo avu'ava'ma nehia vahera kukomo azenerigeno, agri'a agiamo avreno vigeno kerifina uneramie.

9 The grenne shall take him by the heele, and the theefe shall come vpon him.

Hagi krifuma anaginte'naza zamo'a, agiamerumparera azeri'neno azeri antrako hugahie.

10 A snare is layed for him in the ground, and a trappe for him in the way.

Hanki ana krifuma anaginte'neana zagaruruma hu'neama'a mopafi eri franekino azeri'niama'a, kama vanoma nehifi krifua hunte'ne.

11 Fearefulnesse shall make him afrayde on euery side, and shall driue him to his feete.

Kefo avu'ava'ma nehia vahera korozamo azeri kagintegeno, hazenke zamo'a avaririno nevie.

12 His strength shalbe famine: and destruction shalbe readie at his side.

Hagi menina zamagate'zamo higeno hanavezmi nomnegeno, hazenke zamo'a zamazeri haviza hunaku, tanafa'ma hanagu zamavega ante'ne.

13 It shall deuoure the inner partes of his skinne, and the first borne of death shall deuoure his strength.

Hagi krimo'a zamavufaga zamazeri haviza nehigeno, zamagia zamazamo'a kasrino nevie.

14 His hope shalbe rooted out of his dwelling, and shall cause him to go to the King of feare.

Kefo avu'ava zama nehaza vahera nonkuma zamifintira ame huno zamazeri atresige'za, fri'za fri vahe'ma kegava hu'nea kini ne'mofo kvafi umanigahaze.

15 Feare shall dwell in his house (because it is not his) and brimstone shalbe scattered vpon his habitation.

Hagi ana vahe'mofo nonkumara, Salfae nehaza tevenefa'ane haveramimo tefanane hugahie.

16 His rootes shalbe dryed vp beneath, and aboue shall his branche be cut downe.

Hagi ana vahe'mo'za zafa rafu'namo'ma hagegema hiankna hu'za hagege nehanageno, zafa azanku'namo amagino hagege hiankna hu'za, amagi'za osapa regahaze.

17 His remembrance shall perish from the earth, and he shall haue no name in the streete.

Hanki ana vahetmina ru'enena zamagesa antahi ozmisage'za fri'za fanane hanageno, ama mopafintira zamagimo'a fanane hugahie.

18 They shall driue him out of the light vnto darkenesse, and chase him out of the world.

Hagi masafintira zamahe kasopenige'za hanimpi umanigahaze. Hagi ama mopafintira zmahenati atrenige'za ru'enena ama mopafina omanigahaze.

19 Hee shall neither haue sonne nor nephewe among his people, nor any posteritie in his dwellings.

Hagi ana mofavrea kaseozmantesage'za, zamagehe'ina kaseozmantegahaze. Huge zamagrama ko'ma nemaniza kumapina mago vahera omanifta hugahie.

20 The posteritie shalbe astonied at his day, and feare shall come vpon the ancient.

Hagi ana vahetaminte'ma fore'ma hiazankura zage fre kazigama nemaniza vahe'mo'za antri hu'za zamagogogu nehazageno, zage hanati kazigama nemaniza vahe'mo'za zamagranena antri nehu'za tusi'a zamagogogu nehaze.

21 Surely such are the habitations of the wicked, and this is the place of him that knoweth not God.

Ana nehu'za amanage hugahaze, kefo avu'ava'ma nehia vahe'mofo nonkuma'mo amanahura hie nehu'za, zamagra Anumzamofona zamefi'ma hunemiza vahetmimofo nonkumakino havizana hie, hu'za hugahaze.