Proverbs 17
1 Better to eat a dry scrap in peace than to feast in a house full of people arguing.
Okulya akamere akaluma awali emirembe, kisinga okuba mu nnyumba ejjudde ebyassava nga mulimu entalo.
2 A servant who acts wisely will be put in charge of a disgraced son, and will share the family inheritance with the brothers.
Omuddu omugezi alifuga omwana wa bowo akwasa ensonyi, era alifuna ebyobusika ng’omu ku baana b’awaka.
3 A crucible tests silver, and a furnace tests gold, but the Lord tests the attitude of mind.
Entamu erongoosa yakolebwa lwa ffeeza, n’ekikoomi ky’okulongoosa lwa zaabu, naye Mukama agezesa emitima.
4 Evil people listen to spiteful talk, and liars pay attention to malicious words.
Omubi assaayo omwoyo eri eby’obulimba, era n’omulimba awuliriza olulimi olukuusa.
5 Anyone who oppresses the poor insults their Maker, and anyone who enjoys the suffering of others will be punished.
Oyo akudaalira omwavu avvoola eyamutonda, n’oyo asanyukira obuyinike bw’abalala talirema kubonerezebwa.
6 Old people are proud of their grandchildren, and children are proud of their parents.
Abazzukulu ngule ya bajjajjaabwe, era n’abaana beenyumiririza mu bakadde baabwe.
7 Fine words don't suit stupid people, how much less are lies suited to a ruler.
Enjogerannungi teba ya musirusiru, ng’oweekitiibwa bw’atasaana kwogera bya bulimba.
8 Whoever gives a bribe thinks it's a magical stone—that wherever they turn they'll have success!
Enguzi eri ng’ejjinja ery’omufuusa mu maaso g’oyo agigaba, alowooza nti buli gy’akyukira eneemuyamba.
9 If you forgive a wrong you encourage friendship, but if you keep talking about it you'll lose your friend.
Okwagala tekulondoola nsobi, naye oyo atasonyiwa nsobi akyawaganya ab’omukwano enfirabulago.
10 A reprimand hits a thinking person more than one hundred blows hit someone stupid.
Okunenya kuyamba nnyo omuntu ategeera, okusinga okukuba omusirusiru embooko ekikumi.
11 Evil people are only looking to rebel, so a cruel messenger will be sent to attack them.
Omukozi w’ebibi anoonya bujeemu bwereere, era kyaliva asindikirwa omubaka omukambwe.
12 Better to meet a she-bear robbed of her cubs than a stupid person and their foolishness.
Okusisinkana eddubu enyagiddwako abaana baayo, kisinga okusisinkana omusirusiru mu busirusiru bwe.
13 If you repay evil for good, evil will never leave your house.
Omuntu bw’asasula ekibi olw’obulungi, ekibi tekiriva mu nnyumba ye.
14 The beginning of a quarrel is like the first leak in a water dam, so drop it before a major argument bursts out.
Okutandika oluyombo kuli ng’omuntu bw’asumulula omudumu gw’amazzi, noolwekyo vvaawo ng’oluyombo terunnatandika.
15 The Lord hates it when the wicked are acquitted and the innocent condemned.
Eyejjeereza omukozi w’ebibi n’oyo avumirira omutuukirivu, bombi ba muzizo eri Mukama.
16 Is there any point in stupid people trying to buy wisdom when they don't want to learn?
Omusirusiru agasibwa ki okuba ne ssente ezisasulibwa amagezi, ng’ate ye talina mutima gwegomba magezi?
17 A true friend is always there to love you, and family provides help when troubles come.
Omukwano ogw’amagezi guba gwa lubeerera, era owooluganda yeesigibwa mu biro eby’ennaku.
18 It's not a wise idea to make a pledge and guarantee a neighbor's debt.
Omuntu atalina magezi awa obweyamo ne yeetema okusasula amabanja ga muliraanwa we.
19 People who love sin like to argue; those who build high gates invite destruction.
Oyo ayagala ekibi anyumirwa ennyombo, n’oyo akola omulyango omunene ogw’omu maaso gwa bbugwe ye nga guyitiridde obunene gulimuteganya nnyo.
20 People with warped minds don't succeed; those who tell lies get into trouble.
Omuntu ow’omutima omubambaavu takulaakulana, n’oyo ow’olulimi olulimba agwa mu katyabaga.
21 A stupid son brings grief to his father; the father of a child who does stupid things has no joy.
Omwana omusirusiru aleetera kitaawe obuyinike, kitaawe w’omusirusiru taba na ssanyu.
22 A cheerful attitude is like good medicine, but discouragement makes you sick.
Omutima ogw’essanyu ddagala ddungi, naye omwoyo omunyiikaavu gukozza omubiri.
23 The wicked take hidden bribes to pervert the course of justice.
Omuntu omubi alya enguzi mu kyama, alyoke aziyize amazima okweyoleka.
24 Sensible people focus on wisdom, but the eyes of stupid people are always wandering.
Omuntu omutegeevu, ebirowoozo abissa eri amagezi, naye amaaso g’omusirusiru gasamaalirira ensi gy’ekoma.
25 A stupid son brings grief to his father and sadness to his mother who gave birth to him.
Omwana omusirusiru buyinike eri kitaawe, era aleeta ennaku eri nnyina eyamuzaala.
26 It's not right to impose a fine on someone who's innocent or to flog good leaders for their honesty.
Si kirungi okuweesa omutuukirivu engassi ey’obwereere wadde okukuba ab’ekitiibwa embooko olw’obwesimbu bwabwe.
27 If you're wise, you'll be careful what you say; and if you're sensible, you'll keep your temper.
Omuntu omwegendereza mu bigambo bye abeera n’okutegeera, n’oyo alina omwoyo omuteefu aba muntu wa magezi.
28 Even stupid people who keep quiet are considered wise; if they don't say anything they appear intelligent.
Omusirusiru bw’asirika alowoozebwa okuba n’amugezi, era aba mutegeevu bw’afuga akamwa ke.
