John 14
1 “Don't let your minds be anxious. Trust in God, trust in me as well.
୧ୟୀଶୁ କାଜିକେଦାଏ, “ଆପେୟାଃ ମନ୍ ଆଲକା ଆକ୍ବାକାଅଃକା, ଆପେ ପାର୍ମେଶ୍ୱାର୍ରେ ବିଶ୍ୱାସେପେ ଆଡଃ ଆଇଙ୍ଗ୍ରେୟ ବିଶ୍ୱାସେପେ ।
2 In my Father's house there are many rooms. If this wasn't so I would have told you. I'm going to prepare a place for you.
୨ଆଇଁୟାଃ ଆପୁଇଁୟାଃ ଅଡ଼ାଃରେ ପୁରାଃ ତାଇନଃତେ ଠାୟାଦ୍ ମେନାଃ, ଆଡଃ କା'ତାଇନ୍କାରେଦ ଆଇଙ୍ଗ୍ ଆପେନାଙ୍ଗ୍ ଠାୟାଦ୍ ବାଇବାଇତେ ସେନ୍ତାନାଇଙ୍ଗ୍ ମେନ୍ତେ କାଜିୟାପେତେୟାଃଇଙ୍ଗ୍ ।
3 Once I've gone and prepared a place for you, I will come again and take you back with me, so that you can be there with me too.
୩ଆଡଃ ଆଇଙ୍ଗ୍ ସେନ୍କେଦ୍ତେ ଆପେନାଙ୍ଗ୍ ଠାୟାଦ୍ ବାଇସେକାଡ଼୍ଲେରେ ଆଡଃମିସା ହିଜୁଃଆଇଙ୍ଗ୍ ଆଡଃ ଆଇଙ୍ଗ୍ ତାଇନଃତାଃରେ ଆପେୟ ତାଇନଃ ନାଗେନ୍ତେ ଆଇଙ୍ଗ୍ତାଃତେ ଆପେକେ ଇଦିପେୟାଇଙ୍ଗ୍ ।
4 You know the way to where I'm going.”
୪ଆଇଙ୍ଗ୍ ଅକ୍ତାଃତେ ସେନଃତାନାଇଙ୍ଗ୍ ଏନ୍ ଠାୟାଦ୍ରାଃ ହରା ଆପେ ସାରିୟାଃପେ ।”
5 Thomas said to him, “Lord, we don't know where you're going. How can we know the way?”
୫ଥୋମା ଇନିଃକେ କାଜିକିୟାଏ, “ହେ ପ୍ରାଭୁ, ଆମ୍ କତାଃତେମ୍ ସେନଃତାନା ଏନା ଆଲେ କାଲେ ସାରିୟା, ଏନ୍ତେ ଚିଲ୍କାତେ ହରାଲେ ସାରି ଦାଡ଼ିୟା?”
6 Jesus replied, “I am the way and the truth and the life. No one comes to the Father except through me.
୬ୟୀଶୁ ଇନିଃକେ କାଜିକିୟାଏ, “ଆଇଙ୍ଗ୍ଗି ତାନିଙ୍ଗ୍ ହରା, ସାର୍ତି ଆଡଃ ଜୀଦାନ୍, ଆଇଙ୍ଗ୍କେ ବାଗିକେଦ୍ତେ ଜେତାଏ ଆପୁତାଃ କାକ ସେଟେର୍ ଦାଡ଼ିୟା ।”
7 If you had known me, you would know my Father as well. From now on, you do know him and you have seen him.”
୭ଇନିଃ ମେତାଦ୍କଆଏ, “ଆପେ ଆଇଙ୍ଗ୍କେ ସାର୍ତିଗି ସାରିକାଇଙ୍ଗ୍ରେଦ ଆପୁଇଙ୍ଗ୍କେହ ସାରିକାଇତେୟାଃପେ, ନାହାଃଁଏତେ ଆପେ ଇନିଃକେପେ ସାରିତାନା ଆଡଃ ଇନିଃକେପେ ନେଲାକାଇଜାଃ ।”
8 Philip said, “Lord, show us the Father, and we'll be convinced.”
୮ଫିଲିପ୍ ୟୀଶୁକେ କାଜିକିୟାଏ, “ହେ ପ୍ରାଭୁ, ଆଲେକେ ଆପୁକେ ଉଦୁବାଲେମେ, ଇମ୍ନାଙ୍ଗ୍ଗି ଆଲେୟାଃ ସାନାଙ୍ଗ୍ ତାନାଃ ।”
9 Jesus replied, “Have I been with you such a long time, Philip, and yet you still don't know me? Anyone who has seen me has seen the Father. How can you say, ‘Show us the Father’?
୯ୟୀଶୁ କାଜିରୁହାଡ଼୍କିୟାଏ, “ଏ ଫିଲିପ୍, ନିମିନ୍ ମାହାଁଏତେ ଆଇଙ୍ଗ୍ ଆପେଲଃ ମେନାଇୟାଃଁ ଚିୟାଃ ଆମ୍ ଆଇଙ୍ଗ୍କେ କାମ୍ ସାରିକାଦିଁୟାଃ, ଜେତାଏ ଆଇଙ୍ଗ୍କେ ନେଲାକାଦିଙ୍ଗ୍ନିଃ ଆପୁକେ ନେଲାକାଇଜାଏ, ଆଲେକେ ଆପୁକେ ଉଦୁବାଲେମେ ମେନ୍ତେ ଚିଲ୍କାତେମ୍ କାଜିତାନା?”
10 Don't you believe that I live in the Father and the Father lives in me? The words I speak are not mine; it's the Father living in me who is doing his work.
୧୦ଆଇଙ୍ଗ୍ ଆପୁତାଃରେ ମେନାଇୟାଃଁ ଆଡଃ ଆପୁ ଆଇଙ୍ଗ୍ରିୟା, ଚିୟାଃ ନେଆଁଁ ଆମ୍ କାମ୍ ପାତିୟାରେତାନା, ଆଇଙ୍ଗ୍ ଆପେକେ କାଜିୟାପେତାନ୍ କାଜିକ ଆଇଙ୍ଗ୍ତାଃଏତେ କାଇଙ୍ଗ୍ କାଜିୟାଃ ମେନ୍ଦ ଆପୁ ଆଇଙ୍ଗ୍ରେ ତାଇନ୍କେଦ୍ତେ ଆୟାଃ କାମିକ କାମିତାନାଏ ।
11 Believe me when I tell you that I live in the Father, and the Father lives in me, or at least believe because of the evidence provided by all that I've done.
୧୧ଆଇଙ୍ଗ୍ ଆପୁତାଃରେ ମେନାଇୟାଃଁ ଆଡଃ ଆପୁ ଆଇଙ୍ଗ୍ରିୟାଃ ଏନା ବିଶ୍ୱାସେପେ, ଏନା କା'ରେଦ, ଆଇଙ୍ଗ୍ କାମିକାଦ୍ କାମିକ ନାଗେନ୍ତେ ପାତିୟାରିଙ୍ଗ୍ପେ ।
12 I tell you the truth, anyone who trusts in me will do the same things I am doing. In fact they will do even greater things because I am going to the Father.
୧୨ଆଇଙ୍ଗ୍ ସାର୍ତିଗି କାଜିୟାପେ ତାନାଇଙ୍ଗ୍, ଆଇଙ୍ଗ୍ରେ ବିଶ୍ୱାସେତାନ୍କ, ଆଇଙ୍ଗ୍ କାମିକାଦ୍ କାମିକ କାମିୟା ଆଡଃ ଏନାଏତେ ଆଦ୍କା ମାପ୍ରାଙ୍ଗ୍ କାମିକ କାମିୟା, ଚିୟାଃଚି ଆଇଙ୍ଗ୍ଦ ଆପୁତାଃତେ ସେନଃତାନାଇଙ୍ଗ୍ ।
13 I'll do whatever you ask in my name, so that the Father may be glorified through the Son.
୧୩ଆଡଃ ଆଇଁୟାଃ ନୁତୁମ୍ତେ ସବେନାଃ ଆସିତେୟାଃ ଆଇଙ୍ଗ୍ ଆପେନାଙ୍ଗ୍ କାମିୟାଇଙ୍ଗ୍, ଏନାତେ ଆପୁଆଃ ମାଇନାନ୍ ହନ୍ଆଃ ହରାତେ ଉଦୁବଃଆ ।
14 Whatever you ask for in my name, I will do it.
୧୪ଆପେ ଆଇଁୟାଃ ନୁତୁମ୍ତେ ଜେତ୍ନାଃପେ ଆସିରେଦ ଏନାଇଙ୍ଗ୍ ରିକାୟା ।
15 If you love me, you will keep my commands.
୧୫ଆପେ ଆଇଙ୍ଗ୍କେ ଦୁଲାଡ଼ିଙ୍ଗ୍ରେଦ ଆଇଁୟାଃ ଆନ୍ଚୁପେ ମାନାତିଙ୍ଗ୍ୟାଁଃ ।
୧୬ଆଇଙ୍ଗ୍ ଆପୁକେଇଙ୍ଗ୍ ବିନ୍ତିୟା ଆଡଃ ଇନିଃ ଆପେଲଃ ଜାନାଅ ଜାନାଅ ତାଇନଃ ନାଗେନ୍ତେ ଏଟାଃ ଜୀଉରାଡ଼େଃ ଏମଃନିଃକେ ଏମାପେୟାଏ । (aiōn g165)
17 the Spirit of truth, who will always be with you. The world cannot accept him because it isn't looking for him and does not know him. But you know him because he lives with you and will be in you.
୧୭ଇନିଃ ସାର୍ତି ଆତ୍ମା ତାନିଃ, ଆଡଃ ପାର୍ମେଶ୍ୱାର୍ରାଃ ସାର୍ତି ବିଷାଏକେ ଉଦୁବେୟାଏ । ଅତେଦିଶୁମ୍ ଇନିଃକେ କାଏ ସାରିୟାଃ, ଚିୟାଃଚି ଅତେଦିଶୁମ୍ ଇନିଃକେ କାଏ ନେଲ୍ ଦାଡ଼ିୟାଃ ଚାଏ କାଏ ନାମ୍ ଦାଡ଼ିୟାଃ । ମେନ୍ଦ ଆପେ ଇନିଃକେ ସାରିୟାଃପେ ଚିୟାଃଚି ଇନିଃ ଆପେଲଃ ମେନାଇୟା ଆଡଃ ଆପେରେ ତାଇନଃଆଏ ।
18 I will not abandon you like orphans: I will come back to you.
୧୮“ଆଇଙ୍ଗ୍ ସେନଃୟାନ୍ ତାୟମ୍ତେ, ଆଇଙ୍ଗ୍ ଆପେକେ ଟୁଆର୍ଲେକା କାଇଙ୍ଗ୍ ବାଗିପେୟା, ଆଇଙ୍ଗ୍ ଆପେତାଃତେ ରୁହାଡ଼୍ ହିଜୁଃଆଇଙ୍ଗ୍ ।
19 Soon the world will not see me anymore, but you will see me. Because I live, you will live too.
୧୯ଆଡଃ କାଟିଃ ଘାଡ଼ିକାଦ୍ରେ ଅତେଦିଶୁମ୍ ଆଇଙ୍ଗ୍କେ କାଏ ନେଲିୟାଃଁ, ମେନ୍ଦ ଆପେ ଆଇଙ୍ଗ୍କେ ନେଲିୟାଃଁପେ, ଚିୟାଃଚି ଆଇଙ୍ଗ୍ଦ ଜୀହିଦ୍ ମେନାଇୟାଃଁ ଆଡଃ ଆପେୟ ଜୀହିଦ୍ଗି ତାଇନାଃପେ ।
20 On that day you will know that I live in the Father, you live in me, and I live in you.
୨୦ଆଇଙ୍ଗ୍ ଆପୁଲଃ ମେନାଇୟାଃଁ ଆଡଃ ଆଇଙ୍ଗ୍ ଆପେରେ ମେନାଇଙ୍ଗ୍ ଲେକା ଆପେ ଆଇଁୟାଃରେ ମେନାପେୟା ଏନା ଏନ୍ ହୁଲାଙ୍ଗ୍ ହିଜୁଃରେପେ ସାରିୟାଃ ।
21 Those who keep my commands are the ones who love me, those who love me will be loved by my Father. I will love them too, and will reveal myself to them.”
୨୧“ଜେତାଏ ଆଇଁୟାଃ ଆନ୍ଚୁ ନାମ୍କେଦ୍ତେ ମାନାତିଙ୍ଗ୍ନିଃ ଆଇଙ୍ଗ୍କେ ଦୁଲାଡ଼ାଃଏ, ଆଡଃ ଆଇଙ୍ଗ୍କେ ଦୁଲାଡ଼ିଙ୍ଗ୍ନିଃକେ ଆପୁଇଙ୍ଗ୍ ଦୁଲାଡ଼ିୟାଏ ଆଡଃ ଆଇଙ୍ଗ୍ହଁ ଇନିଃକେ ଦୁଲାଡ଼ିୟାଇଙ୍ଗ୍ ଆଡଃ ଇନିଃତାଃରେ ଉଦୁବେନାଇଙ୍ଗ୍ ।”
22 Judas (not Iscariot) responded, “Lord, why would you reveal yourself to us and not to the world?”
୨୨ଇଷ୍କାରିୟତ୍ ଯିହୁଦା କାହା, ଏଟାଃ ଯିହୁଦା ୟୀଶୁକେ କାଜିକିୟାଏ, “ହେ ପ୍ରାଭୁ, ନେଆଁଁ ଚିଲ୍କା ହବାଅଆଃ? ଚିନାଃମେନ୍ତେ ଆମ୍ ଅତେଦିଶୁମ୍ରେ କା ଉଦୁବେନ୍କେଦ୍ତେ ଆଲେତାଃରେ ଉଦୁବେନ୍ ସାନାଙ୍ଗ୍ତାନାମ୍?”
23 Jesus replied, “Those who love me will do as I say. My Father will love them, and we will come and make our home with them.
୨୩ୟୀଶୁ ଇନିଃକେ କାଜିରୁହାଡ଼୍କିୟାଏ, “ଜେତାଏ ଆଇଙ୍ଗ୍କେ ଦୁଲାଡ଼ିଙ୍ଗ୍ରେଦ ଇନିଃ ଆଇଁୟାଃ କାଜି ମାନାତିୟାଁଏ ଆଡଃ ଆପୁଇଙ୍ଗ୍ ଇନିଃକେ ଦୁଲାଡ଼ିୟାଏ ଆଡଃ ଆପୁଇଙ୍ଗ୍ ଆଡଃ ଆଇଙ୍ଗ୍ ହିଜୁଃକେଦ୍ତେ ଇନିଃଲଃ ତାଇନାଃଲିଙ୍ଗ୍ ।
24 Those who don't love me don't do what I say. These words don't come from me, they come from the Father who sent me.
୨୪ଆଇଙ୍ଗ୍କେ କାଏ ଦୁଲାଡ଼ିଙ୍ଗ୍ନିଃ ଆଇଁୟାଃ କାଜି କାଏ ମାନାତିୟାଃଁ ଆଡଃ ଆପେ ଆୟୁମ୍ତାନ୍ କାଜି ଆଇଁୟାଃ ନାହାଁଲାଃ, ମେନ୍ଦ ଆଇଙ୍ଗ୍କେ କୁଲାକାଇଙ୍ଗ୍ନିଃ ଆପୁଇଁୟାଃ ତାନାଃ ।
25 I'm explaining this to you while I'm still here with you.
୨୫“ଆଇଙ୍ଗ୍ ଆପେଲଃ ତାଇକେନ୍ ଇମ୍ତା ନେ କାଜିକ କାଜିୟାପେ ତାନାଇଙ୍ଗ୍ ।
26 But when the Father sends the Comforter, the Holy Spirit, in my place, he will teach you everything and remind you of all that I told you.
୨୬ମେନ୍ଦ ଏନ୍ ଜୀଉରାଡ଼େଃ ଏମଃ ପାବିତାର୍ ଆତ୍ମାକେ ଆପୁ ଆଇଁୟାଃ ନୁତୁମ୍ତେ କୁଲିୟାଏ ଇନିଃ ଆପେକେ ସବେନାଃ ଇତୁପେୟାଏ ଆଡଃ ଆପେକେ କାଜିକାଦ୍ପେତେୟାଃ, ପାହାମ୍ ରିକାପେୟାଏ ।
27 Peace I leave you; my peace I'm giving you. The peace I give you is nothing like what the world gives. Don't let your minds be anxious, and don't be afraid.
୨୭“ଆଇଙ୍ଗ୍ ଆପେକେ ଜୀଉସୁକୁ ବାଗିୟାପେତାନାଇଙ୍ଗ୍, ଆଇଁୟାଃ ଜୀଉସୁକୁ ଏମାପେତାନାଇଙ୍ଗ୍, ଅତେଦିଶୁମ୍ ଏମ୍ଲେକା କାଇଙ୍ଗ୍ ଏମାପେତାନା, ଆପେୟାଃ ମନ୍ ଆଲକାଏ ଆକ୍ବାକାଅଃକା ଆଡଃ ଆଲକାଏ ବରଏକା ।
28 You've heard me tell you, ‘I am going away, but I will come back to you.’ If you really loved me, you would be happy because I'm going to the Father, for the Father is greater than I.
୨୮‘ଆଇଙ୍ଗ୍ ସେନଃତାନାଇଙ୍ଗ୍ ଆଡଃ ଆପେତାଃତେଇଙ୍ଗ୍ ହିଜୁଃରୁହାଡ଼ାଃ’ ମେନ୍ତେ ଆପେକେ କାଜିକାଦ୍ପେତେୟାଃ ଆୟୁମ୍କାଦାଃପେ । ଆପେ ଆଇଙ୍ଗ୍କେ ଦୁଲାଡ଼ିଙ୍ଗ୍ତେୟାଃପେ ରେଦ ଆଇଙ୍ଗ୍ ଆପୁତାଃତେଇଙ୍ଗ୍ ସେନଃତାନା ମେନ୍ତେ ରାସ୍କାଅଃତେୟାଃପେ, ଚିୟାଃଚି ଆପୁଦ ଆଇଙ୍ଗ୍ଏତେ ମାରାଙ୍ଗ୍ଆଃଏ ।
29 I've explained this to you now before it happens so that when it does happen you will be convinced.
୨୯ଏନା ହବାଃଅ ଦିପିଲିରେ ଆପେ ଜେ'ଲେକା ବିଶ୍ୱାସେ ନାଗେନ୍ତେ ଏନା ଆଉରି ହବାଃଅ ସିଦାରେ ଆପେକେ କାଜିୟାପେ ତାନାଇଙ୍ଗ୍ ।
30 I can't talk to you much longer, for the prince of this world is coming. He has no power to control me,
୩୦ଆଇଙ୍ଗ୍ ଆପେଲଃ ପୁରାଃ କାଇଙ୍ଗ୍ ଜାଗାରେୟା, ନେ ଅତେଦିଶୁମ୍ରେନ୍ ଗମ୍କେ ହିଜୁଃତାନାଏ ଆଡଃ ଆଇଙ୍ଗ୍ରେ ଇନିୟାଃ ଜେତାନ୍ ପେଡ଼େଃ ବାନଆଃ ।
31 but I'm doing what my Father told me to do so that the world will know that I love the Father. Now get up. Let's go.”
୩୧ମେନ୍ଦ ଆପୁ ଆଚୁକାଦ୍ ଲେକାଇଙ୍ଗ୍ କାମିୟାଃ, ଏନାତେ ଆଇଙ୍ଗ୍ ଆପୁକେଇଙ୍ଗ୍ ଦୁଲାଡ଼ାଃ ମେନ୍ତେ ଅତେଦିଶୁମ୍ ଆଟ୍କାରେକାଏ । “ବିରିଦ୍ପେ, ଦଲା ନେତାଃଏତେବୁ ସେନଃଆ ।
