Job 10
1 I hate my life! Let me speak freely about my complaints—I can't keep my bitterness to myself.
“Abrabɔ afono me; enti mɛka mʼasɛm a meremfa hwee nsie na mɛkasa afiri me kra yeadie mu.
2 I will tell God, “Don't just condemn me—tell me what you have against me.
Mɛka akyerɛ Onyankopɔn sɛ: Mmu me kumfɔ, na mmom kyerɛ kwaadu a wobɔ me.
3 Do you enjoy accusing me? Why do you reject me, someone you made with your own hands, and yet smile on the scheming of the wicked?
Sɛ wohyɛ me so a, ɛdeɛn na wonya? Adɛn enti na wopo wo nsa ano adwuma na wosere hwɛ amumuyɛfoɔ nhyehyɛeɛ?
4 Do you have human eyes? Do you see like human beings do?
Wowɔ ɔhonam mu ani anaa? Wohunu adeɛ te sɛ ɔdasani anaa?
5 Is your life as short as mortal beings? Are your years as brief as those of humanity,
Wo nkwa nna te sɛ ɔdasani anaa wo mfeɛ te sɛ onipa,
6 that you have to examine my wrongs and investigate my sins?
a enti ɛsɛ sɛ wohwehwɛ me mfomsoɔ na wopɛɛpɛɛ me bɔne mu?
7 Even though you know I'm not guilty, no one can save me from you.
Ɛwom sɛ wonim sɛ menni fɔ deɛ, nanso obiara nso rentumi nnye me mfiri wo nsam.
8 You made me and shaped me with your own hands, and yet you destroy me.
“Wo nsa na ɛnwonoo me na ɛbɔɔ me. Afei wobɛdane wo ho asɛe me anaa?
9 Remember that you shaped me like a piece of clay—are you now going to turn me back into dust?
Kae sɛ wonwonoo me sɛ dɔteɛ. Na wobɛdane me ayɛ me mfuturo bio?
10 You poured me out like milk, you curdled me like cheese.
Woanhwie me sɛ nufosuo no womaa me mu piiɛ sɛ kyiisi,
11 You clothed me with skin and flesh; you wove my body together with bones and muscles.
amfa wedeɛ ne honam ankata me ho ankeka nnompe ne ntini antoatoa mu anaa?
12 You granted me life and showed me your kindness; you have taken great care of me.
Womaa me nkwa, yii ayamyɛ kyerɛɛ me, na ɔhwɛsie mu, wohwɛɛ me honhom so.
13 But you kept these things hidden in your heart. I know your purpose was
“Nanso yei na wode siee wʼakoma mu; na menim sɛ na yei wɔ wʼadwene mu.
14 to watch me, and if I sinned, then you would not forgive my wrongs.
Sɛ meyɛɛ bɔne a anka wobɛhwɛ me na wobɛma me ɛso asotwe.
15 If I'm guilty I'm in trouble, if I'm innocent I can't hold my head high because I'm totally disgraced as I look at my sufferings.
Na sɛ medi fɔ a, nnome nka me! Na sɛ mpo medi bem a, merentumi mpagya me ti, ɛfiri sɛ aniwuo ahyɛ me ma na mʼamanehunu amene me.
16 If I do hold my head high you hunt me down like a lion, showing how powerful you are in hurting me.
Na sɛ mepagya me ti a, wodɛɛdɛɛ me sɛ gyata, na bio woda wo tumi nwanwa no adi tia me.
17 You repeat your arguments against me, you pour out more and more of your anger against me, you send fresh armies against me.
Wode adansefoɔ foforɔ bɛtia me na woma wʼabofuo ano yɛ den wɔ me so; wʼakodɔm tu ba me so ɛberɛ biara.
18 So why did you allow me to be born? I wish that I had died, and nobody had ever seen me!
“Adɛn enti na woma wɔwoo me? Ɛkaa me nko a anka mewuiɛ ansa na ani bi rehunu me.
19 It would have been better if I had never existed, taken straight from the womb to the grave.
Anka mamma nkwa yi mu, anaasɛ wosoaa me firi awotwaa mu de me kɔɔ damena mu tee a, anka ɛyɛ.
20 I only have a few days left, so why don't you leave me alone so I can have a little peace
Aka kakra na me nna atwam, gyaa me na menya anigyeɛ ɛberɛ tiawa bi
21 before I go to where I shall never return from, the land of darkness and the shadow of death—
ansa na makɔ koransane kusuuyɛ ne sunsumma kabii asase so,
22 the land of total darkness where death's shadow lies, a place of chaos where light itself is darkness.”
asase a ɛyɛ anadwo sum kabii, sunsumma tumm ne sakasaka, baabi a ɛhɔ hann mpo te sɛ esum.”
