Job 39

1 Knowest thou the time when the wild goats bring forth among the rocks, or hast thou observed the hinds when they fawn?

Hagi agonafima nemaniza afi meme afutamimo'za anenta'ma nentaza kna fatgoa kagra antahi'nampi? Kagra nezmaganke'za afi dia afu'mo'za anentara nentazafi?

2 Hast thou numbered the months of their conceiving, or knowest thou the time when they bring forth?

Memene dia afumofo anentamo'zama nezmarera arimpafima nemaniza ikama'a antahi'nano? Nezamarera'ma kase zamantesnia kna kagra kenka antahinka hu'nampi?

3 They bow themselves to bring forth young, and they cast them, and send forth roarings.

Memene dia afumo'zama anenta'ma antenakura, zamaga renamagi'za mopare manine'za anentara antazageno zamatazamo'a amne nehie.

4 Their young are weaned and go to feed: they go forth, and return not to them.

Ana hutazage'za ana anentatamimo'za ta'nopafi mani'ne'za nena hute'za, nezamarerana atre'zama nevu'za ete rukrahera hu'za nomaze.

5 Who hath sent out the wild ass free, and who hath loosed his bonds?

Afi donki afu'ma rente'naza nofira iza katufegeno fru huno vano nehie?

6 To whom I have given a house in the wilderness, and his dwellings in the barren land.

Hagege huno tra'zama omane'nea ka'ma koka zamuge'za nemanizage'na, hagemoke'ma hu'nea mopa Nagra zamuge'za nonkuma zamia ante'za nemanize.

7 He scorneth the multitude of the city, he heareth not the cry of the driver.

Ana donki afutamimo'za ran kumapima nemaniza vahe'mofo zamagasasankegura zamavaresra nehu'za, vahe'mo'zama zamazeri agazonema hunaku'ma kema nehazage'za, kezmia nontahize.

8 He looketh round about the mountains of his pasture, and seeketh for every green thing.

Ana donki afutamimo'za agonaramimpina vano nehu'za, tra'zama nesnagura hake'za vano nehaze.

9 Shall the rhinoceros be willing to serve thee, or will he stay at thy crib?

Afi bulimakaomo'a fru huno mani'neno kagri eri'zana erigahifi? Ana nehuno hanima hanigeno'a bulimakao afu nompina emasegahifi?

10 Canst thou bind the rhinoceros with thy thong to plough, or will he break the clods of the valleys after thee?

Afi bulimakao afu'mofona kare namare zafare nofira rentetenka, hanankeno kamagera nevuno, hozafina mopa rekorino vugahifi?

11 Wilt thou have confidence in his great strength, and leave thy labours to him?

Kagra ana bulimakao afu'mofo hankavegura antahineminka, atresnankeno amuhoma hu'nesia eri'zanka'a eri kantegahifi?

12 Wilt thou trust him that he will render thee the seed, and gather it into thy barnfloor?

Kagra ana afi bulimakao afumofo hankavegu nentahinka atresnankeno, hozakafintira witia erino witi honama neharafina vugahifi?

13 The wing of the ostrich is like the wings of the heron, and of the hawk.

Mananinkna za'za anankene namama Ostritsie nehaza namamo'a, muse nehuno agekona rutafra tafra nehie. Hianagi azokamo'a za'za aginkunane afi patomofo azoka knara osu'ne.

14 When she leaveth her eggs on the earth, thou perhaps wilt warm them in the dust.

Ostriti namamo'za mopamofo agofetu amura antete'za zamatre'za vazageno mopamofo amuhomo zamazeri amuho hige'za nemanize.

15 She forgetteth that the foot may tread upon them, or that the beasts of the field may break them.

Hagi vahe'mo'o, mago afi zagamo'o agiareti amu'ama rempoke zankura Ostritsimo'a agesa nontahie.

16 She is hardened against her young ones, as though they were not hers, she hath laboured in vain, no fear constraining her.

Zamagri'ma zamatama krige'zama kase zamante'naza zankura ontahi'za, ru namamo'ma kase zamante'nea anenta'ma hiaza hu'za kegavahu so'e nosaze.

17 For God hath deprived her of wisdom, neither hath he given her understanding.

Na'ankure Anumzamo'a knare antahi'zana nomino, antahi ama'ma hu'zana agripintira eri atre'negu huno anara nehie.

18 When time shall be, she setteth up her wings on high: she scorneth the horse and his rider.

Hianagi ana Ostritsi namamo'ma otino agama nereana, tusi avune anteno agama nerea hosi afu'ene agumpima mani'nea vahera agatereno nevie.

19 Wilt thou give strength to the horse, or clothe his neck with neighing?

Kagra Jopuga hosi afu'mofona hankavea neminka, anankempima me'nea azokara kagra hankeno fore huno me'nefi?

20 Wilt thou lift him up like the locusts? the glory of his nostrils is terror.

Kagra hosi afu'mofona hankavea aminkeno ranra kenumo'zama nehazaza huno takaunerefi? Hosi afu'mo'zama zamageru'ma nerazazamo'a vahera zamazeri koro nehie.

21 He breaketh up the earth with his hoof, he pranceth boldly, he goeth forward to meet armed men.

Ana hosi afu'mo'za zamagra'a hankavegu nentahi'za, haru hu'za mareri'za tami'za nehu'za zamagareti mopa rentrako nehu'za, hatera zamagare'za nevaze.

22 He despiseth fear, he turneth not his back to the sword,

Hosi afumo'za korora hu'za antahintahi hakarea osu, bainati kazinteti'ma ha'ma nehazage'za hapintira atre'za korora nofraze.

23 Above him shall the quiver rattle, the spear and shield shall glitter.

Ana hosi afumo'za hapima nevazageno kevegumo'a vagare vagare nehigeno, karugaru kevereti'ene keveretira zagemofo masamo'a rumarave nehie.

24 Chasing and raging he swalloweth the ground, neither doth he make account when the noise of the trumpet soundeth.

Ha'ma agafa hunaku nehigeno, paziveteti'ma ufema regeno'a, hosi afumo'a haru huno marerino tamino nehuno manirava oheno, aga zanteti hankavetino mopa nemasagie. Ana nehuno agareno ha'pina unefre.

25 When he heareth the trumpet he saith: Ha, ha: he smelleth the battle afar off, the encouraging of the captains, and the shouting of the army.

Paziveteti'ma ufema neraza krafagema hosimo'ma nentahino'a, oho huno nehuno ha'ma afete ne-egeno'a, ha'mofo mna nentahie. Ana nehuno hate'ma ugotama hu'naza sondia vahe'mokizmi zamagerura nentahino, sondia vahe'mo'zama ivigema hu'za aza zamagasasankea nentahie.

26 Doth the hawk wax feathered by thy wisdom, spreading her wings to the south?

Jopuga kagri antahi'za amage anteno, tumpamo'a ageko'na rutarerino sauti kaziga enevifi?

27 Will the eagle mount up at thy command, and make her nest in high places?

Hagi kagra hankeno tumpamo'a haresga huno marerino vahe'mo'ma mareoriga'afina nona negifi?

28 She abideth among the rocks, and dwelleth among cragged flints, and stony hills, where there is no access.

Ana tumpamo'a have ra'nafi manino vano nehuno, kenagera anampinka nemase. Hagi nozamimo'a hankave kuma'zami me'neanki'za knare hu'za nemanize.

29 From thence she looketh for the prey, and her eyes behold afar off.

Ana kumate'ma manine'za, ahe'zama nenaza zaga afete mani'nazanagi, amne nezamagaze.

30 Her young ones shall suck up blood: and wheresoever the carcass shall be, she is immediately there.

Hagi tumpamo'ma mago zagama aheteno'a, ana zaga erino eno anenta'amofona eme amigeno, korama'a anivazu huno nene. Frino kasri'nesia zagamofo avufgama me'nesirega, tumpamo'za ome atru nehanagenka zamagegahane.