Psalms 93

1 Jehovah reigneth, he hath clothed himself with majesty: Jehovah hath clothed himself, he hath girded himself with strength; yea, the world is established, it shall not be moved.

Jehova Nyasaye olocho kendo orwakore gi duongʼ, Jehova Nyasaye orwakore gi duongʼ, kendo omanore gi teko. Piny ochungʼ mongirore; onge ngʼama nyalo yienge.

2 Thy throne is established of old; thou art from eternity.

Lochni nogur chon gi lala; ionge chakruokni kata gikoni.

3 The floods lifted up, O Jehovah, the floods lifted up their voice; the floods lifted up their roaring waves.

Nembe tingʼore malo, yaye Jehova Nyasaye, nembe dhwolore malo ka giwuo; nembe tingʼore ka apaka gore matek.

4 Jehovah on high is mightier than the voices of many waters, than the mighty breakers of the sea.

Jehova Nyasaye nigi teko maduongʼ moloyo mor mar pige maroteke, en gi teko maduongʼ moloyo apaka ma tekregi ngʼeny, adier Jehova Nyasaye man malo nigi teko maduongʼ.

5 Thy testimonies are very sure: holiness becometh thy house, O Jehovah, for ever.

Bucheni ochungʼ mongirore; kendo ler opongʼo odi, nyaka chiengʼ, yaye Jehova Nyasaye.