Psalms 138

1 [A Psalm] of David. I will give thee thanks with my whole heart; before the gods will I sing psalms of thee.

ElikaDavida. Ngizakudumisa, Thixo, ngenhliziyo yami yonke; phambi kwabo “nkulunkulu” ngizahlabelela udumo lwakho.

2 I will bow down toward the temple of thy holiness, and celebrate thy name for thy loving-kindness and for thy truth; for thou hast magnified thy word above all thy name.

Ngizakhothama ngikhangele ethempelini lakho elingcwele ngidumise ibizo lakho, ngenxa yothando lwakho lokuthembeka kwakho, ngoba uphakamise ngaphezu kwezinto zonke ibizo lakho lelizwi lakho.

3 In the day when I called thou answeredst me; thou didst encourage me with strength in my soul.

Ngabiza wena wangiphendula; wangenza ngaba lesibindi lenhliziyo eqinileyo.

4 All the kings of the earth shall celebrate thee, Jehovah, when they have heard the words of thy mouth;

Sengathi wonke amakhosi omhlaba angakudumisa, Oh Thixo, lapho esizwa amazwi omlomo wakho.

5 And they shall sing in the ways of Jehovah, for great is the glory of Jehovah.

Sengathi bangahlabela ngezindlela zikaThixo ngoba inkazimulo kaThixo inkulu.

6 For Jehovah is high; but he looketh upon the lowly, and the proud he knoweth afar off.

Loba uThixo ephakeme, uyabananza abathobekileyo, kodwa abazigqajayo ubazi ekhatshana labo.

7 Though I walk in the midst of trouble, thou wilt revive me: thou wilt stretch forth thy hand against the anger of mine enemies, and thy right hand shall save me.

Loba ngihamba phakathi kohlupho uyayilondoloza impilo yami; uyaselula isandla sakho ukungivikela elakeni lwezitha zami, ngesandla sakho sokunene uyangisindisa.

8 Jehovah will perfect what concerneth me: thy loving-kindness, O Jehovah, [endureth] for ever; forsake not the works of thine own hands.

UThixo uzagcwalisa icebo lakhe ngami; uthando lwakho, Oh Thixo, lumi laphakade ungawutshiyi umsebenzi wezandla zakho.