Psalms 119
1 ALEPH. Blessed are the perfect in the way, who walk in the law of Jehovah.
Balina omukisa abo abatambulira mu butuukirivu; abatambulira mu mateeka ga Mukama.
2 Blessed are they that observe his testimonies, that seek him with the whole heart;
Balina omukisa abo abagondera ebiragiro bye, era abanoonya Mukama n’omutima gwabwe gwonna.
3 Who also do no unrighteousness: they walk in his ways.
Abo abatasobya, era abatambulira mu makubo ge.
4 Thou hast enjoined thy precepts, to be kept diligently.
Ggwe wateekawo ebiragiro byo; n’olagira bigonderwenga n’obwegendereza bungi.
5 Oh that my ways were directed to keep thy statutes!
Ayi Mukama, nsaba mbeerenga munywevu bulijjo; nga nkuuma bye walagira.
6 Then shall I not be ashamed, when I have respect unto all thy commandments.
Bwe ntyo siriswazibwa, amaaso gange nga ngasimbye ku ebyo bye walagira byonna.
7 I will give thee thanks with uprightness of heart, when I shall have learned thy righteous judgments.
Nga njiga ebiragiro byo ebitukuvu, nnaakutenderezanga n’omutima omulungi.
8 I will keep thy statutes: forsake me not utterly.
Nnaakwatanga amateeka go; Ayi Mukama, tonsuulira ddala.
9 BETH. Wherewithal shall a young man cleanse his path? by taking heed according to thy word.
Omuvubuka anaakuumanga atya ekkubo lye nga ttereevu? Anaalikuumanga ng’agoberera ekigambo kyo nga bwe kiri.
10 With my whole heart have I sought thee: let me not wander from thy commandments.
Nkunoonya n’omutima gwange gwonna; tonzikiriza kuva ku mateeka go.
11 Thy word have I hid in my heart, that I might not sin against thee.
Ntadde ekigambo kyo mu mutima gwange; ndyoke nneme okwonoona.
12 Blessed art thou, Jehovah! teach me thy statutes.
Ogulumizibwe, Ayi Mukama; onjigirize amateeka go.
13 With my lips have I declared all the judgments of thy mouth.
Njatula n’akamwa kange amateeka go gonna ge walagira.
14 I have rejoiced in the way of thy testimonies, as [much as] in all wealth.
Nsanyukira okugondera ebiragiro byo, ng’asanyukira eby’obugagga.
15 I will meditate upon thy precepts, and have respect unto thy paths.
Nnaafumiitirizanga ku biragiro byo, ne nzisaayo omwoyo ku makubo go.
16 I delight myself in thy statutes; I will not forget thy word.
Nnaasanyukiranga amateeka go, era siigeerabirenga.
17 GIMEL. Deal bountifully with thy servant [and] I shall live; and I will keep thy word.
Omuddu wo omukolere ebirungi, mbe omulamu, ngobererenga ekigambo kyo.
18 Open mine eyes, and I shall behold wondrous things out of thy law.
Ozibule amaaso gange, nsobole okulaba eby’ekitalo ebiri mu mateeka go.
19 I am a stranger in the land; hide not thy commandments from me.
Nze ndi muyise ku nsi; tonkisa bye walagira.
20 My soul breaketh for longing after thy judgments at all times.
Bulijjo emmeeme yange eyaayaanira amateeka go.
21 Thou hast rebuked the proud [that are] cursed, who wander from thy commandments.
Onenya ab’amalala, abaakolimirwa, abaleka amateeka go.
22 Roll off from me reproach and contempt; for I observe thy testimonies.
Mponya okuduula kwabwe n’okunyooma kwabwe; kubanga bye walagira mbigondera.
23 Princes also did sit [and] talk together against me: thy servant doth meditate in thy statutes.
Newaakubadde ng’abalangira bansalira enkwe; naye nze, omuweereza wo, nnaafumiitirizanga ku biragiro byo.
24 Thy testimonies also are my delight [and] my counsellors.
Amateeka go lye ssanyu lyange, era ge gannuŋŋamya.
25 DALETH. My soul cleaveth unto the dust: quicken me according to thy word.
Nzigweddemu amaanyi, ndi wansi mu nfuufu; nkusaba onzizeemu endasi ng’ekigambo kyo bwe kiri.
26 I have declared my ways, and thou hast answered me: teach me thy statutes.
Nakutegeeza bye nteesezza okukola, n’onnyanukula; onjigirize amateeka go.
27 Make me to understand the way of thy precepts, and I will meditate upon thy wondrous works.
Njigiriza amateeka go bye gagamba, nange nnaafumiitirizanga ku byamagero byo.
28 My soul melteth for sadness: strengthen me according to thy word.
Emmeeme empweddemu ensa olw’okunakuwala; onzizeemu amaanyi ng’ekigambo kyo bwe kiri.
29 Remove from me the way of falsehood, and graciously grant me thy law.
Nzigiraako ddala ebyo ebitali bya butuukirivu; olw’ekisa kyo njigiriza amateeka go.
30 I have chosen the way of faithfulness; thy judgments have I set [before me].
Nonzeewo okubeera omwesigwa; ntambulire mu ebyo bye walagira.
31 I cleave unto thy testimonies; Jehovah, let me not be ashamed.
Nnyweredde ku biragiro byo, Ayi Mukama, tondeka kuswazibwa.
32 I will run the way of thy commandments when thou shalt enlarge my heart.
Bw’onoosumulula omutima gwange, nnaatambuliranga mu makubo go ng’ebiragiro byo bwe biri.
33 HE. Teach me, O Jehovah, the way of thy statutes, and I will observe it [unto] the end.
Njigiriza, Ayi Mukama, okugonderanga ebiragiro byo; ndyoke mbinywezenga ennaku zonna ez’obulamu bwange.
34 Give me understanding, and I will observe thy law; and I will keep it with [my] whole heart.
Mpa okutegeera ndyoke nkuume amateeka go era ngakwate n’omutima gwange gwonna.
35 Make me to walk in the path of thy commandments; for therein do I delight.
Ntambuliza mu mateeka go, kubanga mwe nsanyukira.
36 Incline my heart unto thy testimonies, and not to gain.
Okyuse omutima gwange ogulaze eri ebyo bye walagira; so si eri eby’okufuna ebitaliimu.
37 Turn away mine eyes from beholding vanity; quicken me in thy way.
Kyusa amaaso gange galeme okunneegombesa ebitaliimu; obulamu bwange obufuule obuggya ng’ekigambo kyo bwe kiri.
38 Establish thy word unto thy servant, who is [devoted] to thy fear.
Tuukiriza kye wasuubiza omuddu wo, kubanga ekyo kye wasuubiza abo abakutya.
39 Turn away my reproach which I fear; for thy judgments are good.
Nziggyako okunyoomebwa kuno kwe ntya, kubanga ebiragiro byo birungi.
40 Behold, I have longed after thy precepts: quicken me in thy righteousness.
Laba, njayaanira ebiragiro byo; onkomyewo mu butuukirivu bwo.
41 VAU. And let thy loving-kindness come unto me, O Jehovah, — thy salvation according to thy word.
Okwagala kwo okutaggwaawo kujje gye ndi, Ayi Mukama; ompe obulokozi bwo nga bwe wasuubiza;
42 So shall I have wherewith to answer him that reproacheth me; for I confide in thy word.
ndyoke mbeere n’eky’okwanukula abo abambonyaabonya; kubanga neesiga kigambo kyo.
43 And take not the word of truth utterly out of my mouth; because I have hoped in thy judgments.
Toganya kigambo ekitali kya mazima okuva mu kamwa kange; kubanga essuubi lyange liri mu ebyo bye walagira.
44 Then will I keep thy law continually, for ever and ever;
Nnaagonderanga amateeka go ennaku zonna, emirembe n’emirembe.
45 And I will walk at liberty, for I have sought thy precepts;
Era nnaatambulanga n’emirembe, kubanga ngoberedde ebyo bye walagira.
46 And I will speak of thy testimonies before kings, and will not be ashamed;
Era nnaayogeranga ku biragiro by’omu maaso ga bakabaka, nga sikwatibwa nsonyi.
47 And I will delight myself in thy commandments, which I have loved;
Kubanga nsanyukira amateeka go, era ngaagala.
48 And I will lift up my hands unto thy commandments, which I have loved, and I will meditate in thy statutes.
Nzisaamu nnyo ekitiibwa ebiragiro byo era mbyagala. Nnaafumiitirizanga ku mateeka go.
49 ZAIN. Remember the word for thy servant, upon which thou hast caused me to hope.
Jjukira ekigambo kye wansuubiza, nze omuddu wo, kubanga gwe wampa essuubi.
50 This is my comfort in mine affliction; for thy word hath quickened me.
Ekiwummuza omutima gwange nga ndi mu bulumi kye kisuubizo kyo ekimpa obulamu.
51 The proud have derided me beyond measure: I have not declined from thy law.
Ab’amalala banduulira obutamala, naye nze siva ku mateeka go.
52 I remembered thy judgments of old, O Jehovah, and have comforted myself.
Bwe ndowooza ku biragiro byo eby’edda, Ayi Mukama, biwummuza omutima gwange.
53 Burning indignation hath taken hold upon me because of the wicked who forsake thy law.
Nkyawa nnyo abakola ebibi, abaleka amateeka go.
54 Thy statutes have been my songs in the house of my pilgrimage.
Ebiragiro byo binfuukidde ennyimba buli we nsula nga ndi mu lugendo lwange.
55 I have remembered thy name, O Jehovah, in the night, and have kept thy law.
Mu kiro nzijukira erinnya lyo, Ayi Mukama, ne neekuuma amateeka go.
56 This I have had, because I have observed thy precepts.
Olw’okukugonderanga nfunye emikisa gyo mingi.
57 CHETH. My portion, O Jehovah, I have said, is to keep thy words.
Ggwe mugabo gwange, Ayi Mukama; nasuubiza okukugonderanga.
58 I have sought thy favour with [my] whole heart: be gracious unto me according to thy word.
Nkwegayirira n’omutima gwange gwonna, ondage ekisa kyo nga bwe wasuubiza.
59 I have thought on my ways, and turned my feet unto thy testimonies.
Bwe ndabye amakubo amakyamu ge nkutte, ne nkyuka okugoberera ebiragiro byo.
60 I have made haste, and not delayed, to keep thy commandments.
Nyanguwa nnyo okugondera amateeka go, so seekunya.
61 The bands of the wicked have wrapped me round: I have not forgotten thy law.
Newaakubadde ng’emiguwa gy’ababi ginsibye, naye seerabirenga mateeka go.
62 At midnight I rise up to give thanks unto thee, because of thy righteous judgments.
Nzuukuka mu ttumbi okukwebaza, olw’ebiragiro byo ebituukirivu.
63 I am the companion of all that fear thee, and of them that keep thy precepts.
Ntambula n’abo abakutya, abo bonna abakwata amateeka go.
64 The earth, O Jehovah, is full of thy loving-kindness: teach me thy statutes.
Ensi, Ayi Mukama, ejjudde okwagala kwo; onjigirize amateeka go.
65 TETH. Thou hast dealt well with thy servant, O Jehovah, according to thy word.
Okoze bulungi omuddu wo, Ayi Mukama, ng’ekigambo kyo bwe kiri.
66 Teach me good discernment and knowledge; for I have believed in thy commandments.
Njigiriza okumanya n’okwawula ekirungi n’ekibi, era ompe okumanya; kubanga nzikiririza mu mateeka go.
67 Before I was afflicted I went astray, but now I keep thy word.
Bwe wali tonnambonereza nakyama nnyo, naye kaakano ŋŋondera ekigambo kyo.
68 Thou art good, and doest good; teach me thy statutes.
Ayi Mukama, oli mulungi era okola ebirungi; onjigirize amateeka go.
69 The proud have forged falsehood against me: I will observe thy precepts with [my] whole heart.
Ab’amalala banjogeddeko nnyo eby’obulimba, naye nze nkwata ebyo bye walagira, n’omutima gwange gwonna.
70 Their heart is as fat as grease: as for me, I delight in thy law.
Omutima gwabwe gugezze ne gusavuwala; naye nze nsanyukira amateeka go.
71 It is good for me that I have been afflicted, that I might learn thy statutes.
Okubonerezebwa kwangasa, ndyoke njige amateeka go.
72 The law of thy mouth is better unto me than thousands of gold and silver.
Amateeka go ge walagira ga mugaso nnyo gye ndi okusinga enkumi n’enkumi eza ffeeza ne zaabu.
73 YOD. Thy hands have made me and fashioned me: give me understanding, and I will learn thy commandments.
Emikono gyo gye gyankola ne gimmumba, mpa okutegeera ndyoke njige amateeka go.
74 They that fear thee will see me, and rejoice; because I have hoped in thy word.
Abo abakutya banandabanga ne basanyuka, kubanga essuubi lyange liri mu kigambo kyo.
75 I know, Jehovah, that thy Judgments are righteousness, and that in faithfulness thou hast afflicted me.
Mmanyi, Ayi Mukama, ng’amateeka go matukuvu, era wali mutuufu okumbonereza.
76 Oh let thy loving-kindness be for my comfort, according to thy word unto thy servant.
Kale okwagala kwo okutaggwaawo kumbeere kumpi kunsanyuse, nga bwe wansuubiza, nze omuddu wo.
77 Let thy tender mercies come unto me, that I may live; for thy law is my delight.
Kkiriza okusaasira kwo kuntuukeko ndyoke mbeere mulamu; kubanga mu mateeka go mwe nsanyukira.
78 Let the proud be ashamed; for they have acted perversely towards me with falsehood: as for me, I meditate in thy precepts.
Ab’amalala baswazibwe, kubanga bampisizza bubi nga siriiko kye nkoze. Naye nze nnaafumiitirizanga ku biragiro byo.
79 Let those that fear thee turn unto me, and those that know thy testimonies.
Abo abakutya bajje gye ndi, abategeera amateeka go.
80 Let my heart be perfect in thy statutes, that I be not ashamed.
Mbeera, omutima gwange guleme kubaako kya kunenyezebwa mu mateeka go, nneme kuswazibwa!
81 CAPH. My soul fainteth for thy salvation; I hope in thy word.
Emmeeme yange erumwa nnyo ennyonta ng’eyaayaanira obulokozi bwo, essuubi lyange liri mu kigambo kyo.
82 Mine eyes fail for thy word, saying, When wilt thou comfort me?
Ntunuulidde ebbanga ddene n’amaaso gange ne ganfuuyirira nga nninda okutuukirira kw’ekisuubizo kyo; ne neebuuza nti, “Olinsanyusa ddi?”
83 For I am become like a bottle in the smoke; I do not forget thy statutes.
Newaakubadde nga nfuuse ng’ensawo ey’eddiba, eya wayini eri mu mukka, naye seerabira bye walagira.
84 How many shall be the days of thy servant? when wilt thou execute judgment on them that persecute me?
Ayi Mukama, nze omuddu wo nnaalindirira kutuusa ddi nga tonnabonereza abo abanjigganya?
85 The proud have digged pits for me, which is not according to thy law.
Abantu ab’amalala abatatya Katonda bansimidde ebinnya mu kkubo; be bo abatagondera mateeka go.
86 All thy commandments are faithfulness. They persecute me wrongfully: help thou me.
Amateeka go gonna geesigibwa; abo abatakwagala banjigganyiza bwereere; nkusaba onnyambe!
87 They had almost consumed me upon the earth; but as for me, I forsook not thy precepts.
Baali kumpi okunzikiririza ddala ku nsi kuno; naye nze sivudde ku ebyo bye walagira.
88 Quicken me according to thy loving-kindness, and I will keep the testimony of thy mouth.
Olw’okwagala kwo okutaggwaawo ndekera obulamu bwange, ndyoke nkuume ebyo bye walagira ebiva mu kamwa ko.
89 LAMED. For ever, O Jehovah, thy word is settled in the heavens.
Ayi Mukama, Ekigambo kyo kinywevu mu ggulu, kya mirembe gyonna.
90 Thy faithfulness is from generation to generation: thou hast established the earth, and it standeth.
Obwesigwa bwo tebuggwaawo emirembe gyonna; watonda ensi era enyweredde ddala.
91 By thine ordinances they stand this day; for all things are thy servants.
Amateeka go na buli kati manywevu; kubanga ebintu byonna bikuweereza.
92 Unless thy law had been my delight, I should then have perished in mine affliction.
Singa nnali sisanyukira mu mateeka go, nandizikiridde olw’obulumi bwe nalimu.
93 I will never forget thy precepts; for by them thou hast quickened me.
Siyinza kwerabira biragiro byo; kubanga mu ebyo obulamu bwange mw’obufuulidde obuggya.
94 I am thine, save me; for I have sought thy precepts.
Ndi wuwo, ndokola, kubanga neekuumye bye walagira.
95 The wicked have awaited me to destroy me; [but] I attend unto thy testimonies.
Newaakubadde ng’abakola ebibi beekukumye nga banteeze okunzikiriza; naye nze nyweredde ku ebyo bye walagira.
96 I have seen an end of all perfection: thy commandment is exceeding broad.
Ebintu byonna biriko we bikoma naye amateeka go tegakugirwa.
97 MEM. Oh how I love thy law! it is my meditation all the day.
Amateeka go nga ngagala nnyo! Ngafumiitirizaako olunaku lwonna.
98 Thy commandments make me wiser than mine enemies; for they are ever with me.
Amateeka go ganfuula mugezi okusinga abalabe bange, kubanga ge gannuŋŋamya bulijjo.
99 I have more understanding than all my teachers; for thy testimonies are my (meditation)
Ntegeera okusinga abasomesa bange bonna, kubanga nfumiitiriza nnyo ebyo bye walagira.
100 I understand more than the aged, because I have observed thy precepts.
Ntegeera okusinga abakadde; kubanga ŋŋondera ebyo bye walagira.
101 I have refrained my feet from every evil path, that I might keep thy word.
Neekuumye obutatambulira mu kkubo lyonna ekyamu, nsobole okugondera ekigambo kyo.
102 I have not departed from thy judgments; for it is thou that hast taught me.
Sivudde ku mateeka go, kubanga ggwe waganjigiriza.
103 How sweet are thy words unto my taste! more than honey to my mouth!
Ebisuubizo byo nga bimpoomera nnyo! Biwoomera akamwa kange okusinga omubisi gw’enjuki.
104 From thy precepts I get understanding; therefore I hate every false path.
Mu biragiro byo mwe nfunira okutegeera; kyenva nkyawa ekkubo lyonna ekyamu.
105 NUN. Thy word is a lamp unto my feet, and a light unto my path.
Ekigambo kyo ye ttaala eri ebigere byange, era kye kimulisa ekkubo lyange.
106 I have sworn, and I will perform it, that I will keep thy righteous judgments.
Ndayidde ekirayiro era nkikakasizza nga nnaakwatanga amateeka ag’obutuukirivu bwo.
107 I am afflicted very much; O Jehovah, quicken me according to thy word.
Nnumizibwa nnyo; nzizaamu obulamu, Ayi Mukama, ng’ekigambo kyo bwe kiri.
108 Accept, I beseech thee, Jehovah, the voluntary-offerings of my mouth, and teach me thy judgments.
Okkirize Ayi Mukama ettendo akamwa kange lye kakuwa; era onjigirize amateeka go.
109 My life is continually in my hand; but I do not forget thy law.
Newaakubadde ng’obulamu bwange ntera okubutambuza nga bwe njagala, naye seerabira mateeka go.
110 The wicked have laid a snare for me; but I have not wandered from thy precepts.
Abakola ebibi banteze omutego, naye sikyamye kuva ku ebyo bye walagira.
111 Thy testimonies have I taken as a heritage for ever; for they are the rejoicing of my heart.
Ebiragiro byo gwe mugabo gwange emirembe gyonna; weewaawo, ebyo bye bisanyusa omutima gwange.
112 I have inclined my heart to perform thy statutes for ever, unto the end.
Omutima gwange gweteeseteese okukwatanga ebiragiro byo ennaku zonna ez’obulamu bwange.
113 SAMECH. The double-minded have I hated; but thy law do I love.
Nkyawa abalina emitima egisagaasagana, naye nze njagala amateeka go.
114 Thou art my hiding-place and my shield: I hope in thy word.
Ggwe kiddukiro kyange era ggwe ngabo yange; essuubi lyange liri mu kigambo kyo.
115 Depart from me, ye evil-doers; and I will observe the commandments of my God.
Muve we ndi mmwe abakola ebitali bya butuukirivu, mundeke nkwate ebiragiro bya Katonda wange.
116 Uphold me according to thy word, that I may live; and let me not be ashamed of my hope.
Onnyweze nga bwe wasuubiza, ndyoke mbeere omulamu; nneme kuswazibwa ne nzigwamu essuubi.
117 Hold thou me up, and I shall be safe; and I will have respect unto thy statutes continually.
Onnyweze ndyoke nfuuke ow’eddembe, era nkwatenga ebiragiro byo bulijjo.
118 Thou hast set at nought all them that wander from thy statutes; for their deceit is falsehood.
Onyooma abo bonna abaleka ebiragiro byo; weewaawo obugezigezi bwabwe tebuliimu kantu.
119 Thou puttest away all the wicked of the earth [like] dross; therefore I love thy testimonies.
Abakola ebibi bonna mu nsi obalaba ng’ebisasiro; nze kyenva njagala ebyo bye walagira.
120 My flesh shuddereth for fear of thee; and I am afraid of thy judgments.
Nkankana nzenna nga nkutya, era ntya amateeka go.
121 AIN. I have done judgment and justice: leave me not to mine oppressors.
Nkoze eby’obwenkanya era eby’obutuukirivu; tondeka mu mikono gy’abo abanjooga.
122 Be surety for thy servant for good; let not the proud oppress me.
Okakase okundaganga ekisa kyo bulijjo, oleme kukkiriza ababi okunjooganga.
123 Mine eyes fail for thy salvation, and for the word of thy righteousness.
Amaaso gange ganfuuyiririra, nga nnindirira obulokozi bwo n’ebyo bye wasuubiza mu butuukirivu bwo.
124 Deal with thy servant according to thy loving-kindness, and teach me thy statutes.
Nze omuddu wo nkolaako ng’okwagala kwo bwe kuli; era onjigirize amateeka go.
125 I am thy servant; give me understanding that I may know thy testimonies.
Ndi muddu wo, mpa okwawula ekirungi n’ekibi; ndyoke ntegeere ebiragiro byo.
126 It is time for Jehovah to work: they have made void thy law.
Ekiseera kituuse, Ayi Mukama, okubaako ky’okola, kubanga amateeka go gamenyeddwa.
127 Therefore I love thy commandments above gold, yea, above fine gold.
Naye nze njagala amateeka go okusinga zaabu, wadde zaabu omulongoose.
128 Therefore I regard all [thy] precepts concerning all things to be right: I hate every false path.
Kubanga mmanyi ng’ebiragiro byo byonna bituufu; nkyawa buli kkubo lyonna ekyamu.
129 PE. Thy testimonies are wonderful; therefore doth my soul observe them.
Ebiragiro byo bya kitalo; kyenva mbigondera.
130 The entrance of thy words giveth light, giving understanding unto the simple.
Ebigambo byo bwe binnyonnyolwa bireeta omusana; n’atategeera bulungi bimugeziwaza.
131 I opened my mouth wide and panted; for I longed for thy commandments.
Njasamya akamwa kange ne mpejjawejja nga njaayaanira amateeka go.
132 Turn unto me, and be gracious unto me, as thou art wont to do unto those that love thy name.
Nkyukira, onkwatirwe ekisa, nga bw’okolera bulijjo abo abaagala erinnya lyo.
133 Establish my steps in thy word; and let not any iniquity have dominion over me.
Oluŋŋamye ebigere byange ng’ekigambo kyo bwe kiri, era tokkiriza kibi kyonna kunfuga.
134 Deliver me from the oppression of man; and I will keep thy precepts.
Mponya okujooga kw’abantu, bwe ntyo nkwatenga ebiragiro byo.
135 Make thy face to shine upon thy servant, and teach me thy statutes.
Ontunuulire, nze omuddu wo, n’amaaso ag’ekisa, era onjigirizenga amateeka go.
136 Mine eyes run down with streams of water, because they keep not thy law.
Amaziga gakulukuta mu maaso gange ng’omugga, olw’abo abatakwata mateeka go.
137 TZADE. Righteous art thou, Jehovah, and upright are thy judgments.
Oli mutuukirivu, Ayi Katonda, era amateeka go matuufu.
138 Thou hast commanded thy testimonies in righteousness and exceeding faithfulness.
Ebiragiro byo bye wateekawo bituukirivu, era byesigibwa.
139 My zeal destroyeth me, because mine oppressors have forgotten thy words.
Nnyiikadde nnyo munda yange, olw’abalabe bange abatassaayo mwoyo eri ebiragiro byo.
140 Thy word is exceeding pure, and thy servant loveth it.
Ebisuubizo byo byetegerezebwa nnyo, kyenva mbyagala.
141 I am little and despised: thy precepts have I not forgotten.
Newaakubadde ndi muntu wa bulijjo era anyoomebwa, naye seerabira biragiro byo.
142 Thy righteousness is an everlasting righteousness, and thy law is truth.
Obutuukirivu bwo bwa lubeerera, n’amateeka go ga mazima.
143 Trouble and anguish have taken hold upon me: thy commandments are my delights.
Newaakubadde nga ndi mu kulumwa n’okutegana okungi, amateeka go ge gansanyusa.
144 The righteousness of thy testimonies is for ever: give me understanding, and I shall live.
Ebiragiro byo bituufu emirembe gyonna; onjigirize okubitegeera ndyoke mbeere omulamu.
145 KOPH. I have called with [my] whole heart; answer me, O Jehovah: I will observe thy statutes.
Nkoowoola n’omutima gwange gwonna, Ayi Mukama, onnyanukule! Nnaagonderanga amateeka go.
146 I call upon thee; save me, and I will keep thy testimonies.
Nkukaabirira, ondokole, nkwate ebiragiro byo.
147 I anticipate the morning-dawn and I cry: I hope in thy word.
Ngolokoka bunatera okukya ne nkukaabirira onnyambe; essuubi lyange liri mu kigambo kyo.
148 Mine eyes anticipate the night-watches, that I may meditate in thy word.
Seebaka ekiro kyonna nga nfumiitiriza ku ebyo bye wasuubiza.
149 Hear my voice according to thy loving-kindness: O Jehovah, quicken me according to thy judgment.
Olw’okwagala kwo okutaggwaawo wulira eddoboozi lyange, Ayi Mukama, ompe obulamu obuggya ng’amateeka go bwe gali.
150 They have drawn nigh that follow after mischief: they are far from thy law.
Abo ab’enkwe era abatakwata mateeka go bansemberedde, kyokka bali wala n’amateeka go.
151 Thou, Jehovah, art near, and all thy commandments are truth.
Naye ggwe, Ayi Mukama, oli kumpi nange, era n’amateeka go gonna ga mazima.
152 From thy testimonies, I have known of old that thou hast founded them for ever.
Okuva edda n’edda nayiga mu biragiro byo, nga wabissaawo bibeerewo emirembe gyonna.
153 RESH. See mine affliction, and deliver me; for I have not forgotten thy law.
Tunuulira okubonaabona kwange omponye, kubanga seerabira mateeka go.
154 Plead my cause, and redeem me: quicken me according to thy word.
Ompolereze, onnunule, onzizeemu obulamu nga bwe wasuubiza.
155 Salvation is far from the wicked; for they seek not thy statutes.
Abakola ebibi obulokozi bubabeera wala, kubanga tebanoonya mateeka go.
156 Many are thy tender mercies, O Jehovah; quicken me according to thy judgments.
Ekisa kyo kinene, Ayi Mukama, onzizeemu obulamu nga bwe wasuubiza.
157 Many are my persecutors and mine oppressors; I have not declined from thy testimonies.
Abalabe abanjigganya bangi, naye nze siivenga ku biragiro byo.
158 I beheld them that deal treacherously, and was grieved; because they kept not thy word.
Nnakuwalira abo abatakwesiga, kubanga tebakwata biragiro byo.
159 See how I have loved thy precepts: quicken me, O Jehovah, according to thy loving-kindness.
Laba, Ayi Mukama, bwe njagala ebiragiro byo! Onkuumenga ng’okwagala kwo bwe kuli.
160 The sum of thy word is truth, and every righteous judgment of thine is for ever.
Ebigambo byo byonna bya mazima meereere; n’amateeka go ga lubeerera.
161 SHIN. Princes have persecuted me without a cause; but my heart standeth in awe of thy word.
Abafuzi banjigganyiza bwereere, naye ekigambo kyo nkissaamu ekitiibwa.
162 I have joy in thy word, as one that findeth great spoil.
Nsanyukira ekisuubizo kyo okufaanana ng’oyo afunye obugagga obungi.
163 I hate and abhor falsehood; thy law do I love.
Nkyawa era ntamwa obulimba, naye amateeka go ngagala.
164 Seven times a day do I praise thee because of thy righteous judgments.
Mu lunaku nkutendereza emirundi musanvu olw’amateeka go amatuukirivu.
165 Great peace have they that love thy law, and nothing doth stumble them.
Abo abaagala amateeka go bali mu ddembe lingi; tewali kisobola kubeesittaza.
166 I have hoped for thy salvation, O Jehovah, and have done thy commandments.
Nnindirira obulokozi bwo, Ayi Mukama, era mu biragiro byo mwe ntambulira.
167 My soul hath kept thy testimonies, and I love them exceedingly.
Ŋŋondera ebiragiro byo, mbyagala nnyo nnyini.
168 I have kept thy precepts and thy testimonies; for all my ways are before thee.
Buli kye nkola okimanyi, era olaba nga bwe nkwata ebiragiro byo.
169 TAU. Let my cry come near before thee, Jehovah: give me understanding according to thy word.
Okukaaba kwange kutuuke gy’oli, Ayi Mukama, ompe okutegeera ng’ekigambo kyo bwe kiri.
170 Let my supplication come before thee: deliver me according to thy word.
Okwegayirira kwange kutuuke gy’oli, onnunule nga bwe wasuubiza.
171 My lips shall pour forth praise when thou hast taught me thy statutes.
Akamwa kange kanaakutenderezanga, kubanga gw’onjigiriza amateeka go.
172 My tongue shall speak aloud of thy word; for all thy commandments are righteousness.
Olulimi lwange lunaayimbanga ekigambo kyo, kubanga bye walagira byonna bya butuukirivu.
173 Let thy hand be for my help; for I have chosen thy precepts.
Omukono gwo gumbeerenga, kubanga nnonzeewo okukwatanga ebiragiro byo.
174 I have longed for thy salvation, O Jehovah, and thy law is my delight.
Neegomba nnyo obulokozi bwo, Ayi Mukama, era amateeka go lye ssanyu lyange.
175 Let my soul live, and it shall praise thee; and let thy judgments help me.
Ompe obulamu nkutenderezenga, era amateeka go gampanirirenga.
176 I have gone astray like a lost sheep: seek thy servant; for I have not forgotten thy commandments.
Ndi ng’endiga ebuze. Onoonye omuddu wo, kubanga seerabidde mateeka go.
