Psalms 114

1 When Israel went out of Egypt, the house of Jacob from a people of strange language,

Rĩrĩa Isiraeli moimire bũrũri wa Misiri, nyũmba ya Jakubu ĩkiuma kũrĩ andũ a rũthiomi rũngĩ-rĩ,

2 Judah was his sanctuary, Israel his dominion.

Juda gwatuĩkire handũ ha Ngai haamũre, na Isiraeli gũgĩtuĩka nĩkuo arĩathanaga.

3 The sea saw it and fled, the Jordan turned back;

Iria rĩonire ũguo rĩkĩũra, naruo Rũũĩ rwa Jorodani rũgĩcooka na thuutha;

4 The mountains skipped like rams, the hills like lambs.

Irĩma igĩtũhatũũha ta ndũrũme, natuo tũrĩma tũgĩtũhatũũha ta tũgondu.

5 What ailed thee, thou sea, that thou fleddest? thou Jordan, that thou turnedst back?

Kaĩ wonire atĩa, wee iria, nĩguo ũre, nawe Jorodani, tondũ wacookire na thuutha?

6 Ye mountains, that ye skipped like rams? ye hills, like lambs?

Inyuĩ irĩma, muonete kĩ, nĩguo mũtũhatũũhe ta ndũrũme, na inyuĩ tũrĩma, nĩguo mũtũhatũũhe ta tũgondu?

7 Tremble, thou earth, at the presence of the Lord, at the presence of the God of Jacob,

Wee thĩ, ta kĩinaine ũrĩ mbere ya Mwathani, ũrĩ hau mbere ya Ngai ũcio wa Jakubu,

8 Who turned the rock into a pool of water, the flint into a fountain of waters.

o we ũcio wagarũrire rwaro rwa ihiga rũgĩtuĩka karia ka maaĩ, narĩo ihiga rĩũmũ rĩgĩtuĩka ithima cia maaĩ.