Psalms 110

1 Psalm of David. Jehovah said unto my Lord, Sit at my right hand, until I put thine enemies [as] footstool of thy feet.

SI Jeova ilegña ni y señotto, fatachong gui agapa na canaejo, asta qui jupolo y enimigo para fañajangan adengmo.

2 Jehovah shall send the sceptre of thy might out of Zion: rule in the midst of thine enemies.

Si Jeova uninamannae y baran minetgotmo guinin Sion: gobietna gui entalo y enimigumo sija.

3 Thy people shall be willing in the day of thy power, in holy splendour: from the womb of the morning [shall come] to thee the dew of thy youth.

Y taotaomo ufanmalago na ufanmanofrese nu sija gui jaanen y ninasiñamo: gui guinatbon sija y sinantos, guinin y tiyan y agaan, ungae serenon y pinatgonmo.

4 Jehovah hath sworn, and will not repent, Thou art priest for ever after the order of Melchisedek.

Si Jeova manjula ya timañotsot, jago y pale para taejinecog segun y otden Melquisedec.

5 The Lord at thy right hand will smite through kings in the day of his anger.

Si Jeova, gui agapa na canaemo, upanag todo y ray sija gui jaanin y binibuña.

6 He shall judge among the nations; he shall fill [all places] with dead bodies; he shall smite through the head over a great country.

Güiya ufanjusga gui entalo y nasion sija, janabula y sagayan sija ni y tataotao y manmatae; unamagomgom y ilo gui jilo y megae na tano sija.

7 He shall drink of the brook in the way; therefore shall he lift up the head.

Unaguimen y sadog gui chalan: enaomina güiya jumatsa julo y ilo.