Proverbs 6
1 My son, if thou hast become surety for thy friend, if thou hast stricken thy hand for a stranger,
Yaa ilma ko, ati yoo ollaa keetiif wabii taatee harka dhooftee nama ormaatiif kakatte,
2 thou art snared with the words of thy mouth, thou art taken with the words of thy mouth.
yoo waanuma dubbatteen qabamtee dubbuma afaan keetiitiin kiyyoo seente,
3 Do this now, my son, and deliver thyself, since thou hast come into the hand of thy friend: go, humble thyself, and be urgent with thy friend.
yoos yaa ilma ko, ati sababii harka ollaa keetii seentee jirtuuf ati of baasuudhaaf dafii dhaqiitii gad of qabii jabeessiitii ollaa kee kadhadhu!
4 Give not sleep to thine eyes, nor slumber to thine eyelids:
Ija keetiif hirriba, baallee ija keetiitiif immoo mugaatii hin eeyyamin.
5 deliver thyself as a gazelle from the hand [of the hunter], and as a bird from the hand of the fowler.
Ati akkuma kuruphee harka adamsituutii baatuutti, akkuma simbirroo kiyyoo nama ishee qabuu jalaa baatuutti of oolchi.
6 Go to the ant, thou sluggard; consider her ways and be wise:
Yaa dhibaaʼaa nana mee gara goondaa dhaqi; karaa ishee qalbeeffadhuutii ogeessa taʼi!
7 which having no chief, overseer, or ruler,
Inni ajajaa hin qabu; toʼataa yookaan bulchaa hin qabu;
8 provideth her bread in the summer, [and] gathereth her food in the harvest.
taʼu illee inni bona keessa nyaata isaa kuufata; yeroo midhaan galfamutti immoo nyaata isaa walitti qabata.
9 How long, sluggard, wilt thou lie down? When wilt thou arise out of thy sleep?
Yaa dhibaaʼaa nana, ati hamma yoomiitti ciifta? Ati yoomi hirriba keetii kaata?
10 A little sleep, a little slumber, a little folding of the hands to rest!
Hirriba xinnaa, mugaatii xinnaa, xinnoo harka walitti marachuu,
11 So shall thy poverty come as a roving plunderer, and thy penury as an armed man.
hiyyummaanis akkuma hattuutti sitti dhufa; deegummaanis akkuma loltuu hidhateetti sitti dhufa.
12 A man of Belial, a wicked person, is he that goeth about with a perverse mouth;
Namni rakkisaan, namni hamaan, dubbii sobaatiin asii fi achi naannaʼa;
13 he winketh with his eyes, he speaketh with his feet, he teacheth with his fingers;
inni ijaan dhaʼa; miilla isaatiinis mallattoo kenna; quba isaatiin argisiisa;
14 deceits are in his heart; he deviseth mischief at all times, he soweth discords.
inni garaa isaa isa sobaadhaan hammina yaada; yeroo hundas lola kakaasa.
15 Therefore shall his calamity come suddenly: in a moment shall he be broken, and without remedy.
Kanaafuu badiisni yommusuma isatti dhufa; inni akkuma tasaa caba; deebiʼees hin fayyu.
16 These six [things] doth Jehovah hate, yea, seven are an abomination unto him:
Waaqayyo waan jaʼa jibba; waan torba immoo ni xireeffata; isaanis:
17 haughty eyes, a lying tongue, and hands that shed innocent blood;
Ija of tuulu, arraba sobu, harka dhiiga nama balleessaa hin qabnee dhangalaasu,
18 a heart that deviseth wicked imaginations; feet that are swift in running to mischief;
garaa mala hamaa malu, miilla gara jalʼinaatti ariifatu,
19 a false witness that uttereth lies, and he that soweth discords among brethren.
dhuga baatuu sobaa kan soba dhangalaasu, nama obboloota gidduutti lola kakaasuu dha.
20 My son, observe thy father's commandment, and forsake not the teaching of thy mother;
Yaa ilma ko, ajaja abbaa keetii eegi; barsiisa haadha keetii illee hin gatin.
21 bind them continually upon thy heart, tie them about thy neck:
Bara baraan garaa keetti qabadhu; morma keettis hidhadhu.
22 when thou walkest, it shall lead thee; when thou sleepest, it shall keep thee; and [when] thou awakest, it shall talk with thee.
Yeroo ati deemtu isaan si qajeelchu; yeroo ati raftu si eegu; yeroo ati hirribaa kaatu illee si haasofsiisu.
23 For the commandment is a lamp, and the teaching a light, and reproofs of instruction are the way of life:
Ajajni kun ibsaadhaatii; barsiisni kunis ifa; sirreeffamni amalaa immoo karaa jireenyaa ti;
24 to keep thee from the evil woman, from the flattery of the tongue of a strange woman.
isaan dubartii hamtuu irraa, niitii kashlabbee afaan dammaa irraa si eegu.
25 Lust not after her beauty in thy heart, neither let her take thee with her eyelids;
Garaa kee keessatti bareedina ishee hin dharraʼin; yookaan akka isheen ija isheetiin si boojitu hin godhin.
26 for by means of a whorish woman [a man is brought] to a loaf of bread, and another's wife doth hunt for the precious soul.
Sagaagaltuun buddeena tokkoon bitamtiitii; ejjituunis jireenyuma kee adamsiti.
27 Can a man take fire in his bosom, and his garments not be burned?
Namni bobaa jalatti ibidda baadhatee wayyaan isaa hin gubanne jiraa?
28 Can one go upon hot coals, and his feet not be scorched?
Namni ibidda cilee irra ejjetee miilli isaa hin gubanne jiraa?
29 So he that goeth in to his neighbour's wife: whosoever toucheth her shall not be innocent.
Namni niitii nama biraa wajjin ciisus akkasuma taʼa; namni ishee tuqu kam iyyuu utuu hin adabamin hin hafu.
30 They do not despise a thief, if he steal to satisfy his soul when he is hungry:
Yoo hattuun tokko beela baʼuuf jedhee hate, namoonni hin tuffatan.
31 and if he be found, he shall restore sevenfold; he shall give all the substance of his house.
Garuu inni yoo qabame dachaa torba baasa; miʼa mana isaa hundas ni kenna.
32 Whoso committeth adultery with a woman is void of understanding: he that doeth it destroyeth his own soul.
Namni sagaagalu qalbii hin qabu; namni waan akkasii hojjetu ofuma galaafata.
33 A wound and contempt shall he get; and his reproach shall not be wiped away.
Qoodni isaa dhaanamuu fi salphachuu dha; qaaniin isaa yoom iyyuu isa irraa hin haqamu.
34 For jealousy is the rage of a man, and he will not spare in the day of vengeance;
Hinaaffaan aarii dhirsaa kakaasaatii; inni yeroo haaloo baʼutti dhiifama tokko iyyuu hin godhu.
35 he will not regard any ransom, neither will he rest content though thou multipliest [thy] gifts.
Inni beenyaa tokko illee hin fudhatu; hammam baayʼatu iyyuu inni mattaʼaa ni dida.
