Psalms 97

1 This is to David, when his land was restored to him. The Lord has reigned, let the earth exult. Let the many islands rejoice.

Jehova nĩarathamaka, thĩ nĩĩgĩkene; mabũrũri marĩa marĩ ndwere-inĩ cia iria nĩmacanjamũke.

2 Clouds and mist are all around him. Justice and judgment are corrections from his throne.

Athiũrũrũkĩirio nĩ matu na nduma ndumanu; ũthingu na kĩhooto nĩcio mũthingi wa gĩtĩ gĩake kĩa ũnene.

3 A fire will precede him, and it will enflame his enemies all around.

Mwaki ũmũthiiaga mbere ũgĩcinaga thũ ciake na mĩena yothe.

4 His lightnings have enlightened the whole world. The earth saw, and it was shaken.

Heni ciake imũrĩkaga thĩ yothe; thĩ ĩcionaga ĩkainaina.

5 The mountains flowed like wax before the face of the Lord, before the face of the Lord of all the earth.

Irĩma itwekaga o ta mũhũra mbere ya Jehova, igatweka irĩ mbere ya Mwathani wa thĩ yothe.

6 The heavens announced his justice, and all peoples saw his glory.

Igũrũ rĩanagĩrĩra ũthingu wake, nao andũ othe makoona riiri wake.

7 May all those who adore graven images be confounded, along with those who glory in their false images. All you his Angels: Adore him.

Andũ arĩa othe mahooyaga mĩhianano mĩicũhie nĩmaconorithagio, acio meerahaga na mĩhianano: inyuĩ ngai ici, mũinamĩrĩrei mũmũhooe.

8 Zion heard, and was glad. And the daughters of Judah exulted because of your judgments, O Lord.

Zayuni ĩiguaga ũguo ĩgakena, namo matũũra ma Juda magacanjamũka, tondũ wa matuĩro maku ma ciira, Wee Jehova.

9 For you are the Most High Lord over all the earth. You are greatly exalted above all gods.

Nĩgũkorwo Wee Jehova, nĩwe Ũrĩa-Ũrĩ-Igũrũ-Mũno wa thĩ yothe; wee nĩũtũũgĩrĩtio mũno igũrũ rĩa ngai ciothe.

10 You who love the Lord: hate evil. The Lord watches over the souls of his holy ones. He will free them from the hand of the sinner.

Arĩa endi Jehova nĩmathũũre ũũru, nĩgũkorwo nĩagitagĩra mĩoyo ya arĩa ake ehokeku, na akamateithũra kuuma moko-inĩ ma arĩa aaganu.

11 The light has risen for the just, and joy for the upright of heart.

Ũtheri nĩwarĩire arĩa athingu na arĩa arũngĩrĩru ngoro makaiyũrwo nĩ gĩkeno.

12 Rejoice in the Lord, you just ones, and confess to the memory of his sanctuary.

Kenerai Jehova, inyuĩ arĩa athingu, mũkĩgooce rĩĩtwa rĩake rĩamũre.