Psalms 121

1 A Canticle in steps. I have lifted up my eyes to the mountains; from thence help will come to me.

Nzembo ya mobembo tango bazalaki kokende na Tempelo ya Yawe. Natomboli miso na ngai na ngambo ya bangomba: lisungi na ngai ekowuta wapi?

2 My help is from the Lord, who made heaven and earth.

Lisungi na ngai ewutaka na Yawe oyo akela likolo mpe mabele.

3 May he not allow your foot to be moved, and may he not slumber, who guards you.

Akotika te ete lokolo na yo eselumuka; Ye oyo abatelaka yo animbaka te.

4 Behold, he who guards Israel will neither sleep, nor slumber.

Te, Ye oyo abatelaka Isalaele animbaka te mpe alalaka pongi te!

5 The Lord is your keeper, the Lord is your protection, above your right hand.

Yawe azali mobateli na yo; Yawe azali, na ngambo ya loboko na yo ya mobali, lokola elili oyo ebatelaka yo.

6 The sun will not burn you by day, nor the moon by night.

Ezala na moyi to na butu, moyi mpe sanza ekosala yo mabe ata moke te!

7 The Lord guards you from all evil. May the Lord guard your soul.

Yawe akobatela yo na mabe nyonso, akobatela bomoi na yo;

8 May the Lord guard your entrance and your exit, from this time forward and even forever.

Yawe akobatela kokende mpe kozonga na yo, sik’oyo mpe libela na libela.