Job 38

1 But the Lord, responding to Job from a whirlwind, said:

Hagi tusi'a kagigagi zaho erino efi Anumzamo'a mani'neno, Jopuna amanage huno kenona hunte'ne,

2 Who is this that wraps sentences in unskilled words?

Jopuga kagrira knare antahi'zana omane'ne. Ana hu'neankinka Nagrama eri'zama erinaku'ma retro'ma hua zankura neginagi nanekea nehane.

3 Gird your waist like a man. I will question you, and you must answer me.

Nagra menina kagenoka hu'za huanki, vene'ne antahi'za erinka oti hankavetio. Ana nehunka Nagri kere'ma kenonama hananku trotra huo.

4 Where were you, when I set the foundations of the earth? Tell me, if you have understanding.

Kagra iga mani'nankena ama mopamofona tra'a eri agafa hu'na trora hu'noe? Kagra e'i anazama antahi ama'ma hu'nesunka nasamio.

5 Who set its measurements, if you know, or who stretched a line over it?

Ama mopamofo za'za'ane atupa'ane amu'noma'anema nofi'ma (measurement) avazu huno ke nofira iza tro hunte'ne? E'i ana zana kagra ko kenka antahinka hu'nampi?

6 Upon what have its bases been grounded, and who set forth its cornerstone,

Ama mopamo'ma agofetu'ma me'nea trara na'amo azeri hanavenetigeno, ome renage eme renage huntete'ma me'nea haveramina, ome regari eme regari hunte'ne?

7 when the morning stars praised me together, and all the sons of God made a joyful noise?

Hagi kotu ofumo'za anazama nege'za magoka zamagira ante'za zagamera nehazage'za, ankero ramimo'zanena ranke hu'za kezati'za musenkasea hu'naze.

8 Who enclosed the sea with doors, when it broke forth as if issuing from the womb,

Hagerimo'ma ruvarehiramino mopafima ezankura ama anante megahane huno iza huntegeno me'ne?

9 when I stationed a cloud as its garment and wrapped it in a mist as if swaddling an infant?

Hagerimofona hamponteti Nagra kukenama hiaza hu'na eri ano vazinente'na, hagerina kumazu haninu eri anakinte'noe.

10 I encircled it with my limits, and I positioned its bars and doors.

Ana nehu'na hagerimoka agaterenka ovunka, amare megahane nehu'na, hagerimo'ma ome atre eme atrema hu'nea ankina ankina, kafa erigi'na rentarako hunte'noe.

11 And I said: “This far you will approach, and you will proceed no further, and here you will break your swelling waves.”

Ana nehu'na amanage hu'na asami'noe. Kavufgama erisgama nehana hagerimoka amare marenka eme netrenka, mago'enena agatarenka ovuo hu'na asami'noe.

12 Did you, after your birth, command the birth of the sun and show the sunrise its place?

Hagi Jopuga mago zupa masa huo hunka hankeno nanterana rumsa nehigenka, kotu masagura hunka remasa hunka marerio hunka hankeno anara hu'nefi?

13 And did you hold the extremities of the earth, shaking them, and have you shaken the impious out of it?

Hagi kagra mago zupa huntankeno nanterama remasama hia masazamo'a, ama mopama ometre eme trema hu'nerega vuno eno huvaga nereno, havi avu'ava zama nehaza vahera zamazeri ama hige'za tavimofo korora hu'za fre'nazafi?

14 The seal will be restored like clay, and it will remain in place like a garment.

Zagema marerino rumasama higeno'a, kokamo'a ruzahe huno ama tfaza higeno, avonkrenankre tvaravemo'ma nehiaza huno avasese'amo'a so'e zantfa nehie.

15 From the impious, the light will be taken away, and the exalted arm will be broken.

Hagi zagema marerino remsama hige'za, kefo zamavu'zmava zama nehaza vahe'mo'zama hanimpima vano nehu'za, vahe'ma zamazeri havizama nehaza vahe'mo'za zamazana ruhantgi trege'za anara nosaze.

16 Have you entered the depths of the sea, and have you taken a walk in the uttermost parts of the abyss?

Kagra Jopuga hagerimpina uraminka hagerimo'ma agafa huno ne-ea kampuira ome negenka, hagerimo'ma amefenkame'ma urami'neama'a ome keme vunka kevaga re'nampi?

17 Have the gates of death been opened to you, and have you seen the doors of darkness?

Fri vahe'mokizmi kuma kafaramima me'neama'a ko negenka, hanintirima hu'nea hanizamofo kafantamina ko ke'nampi?

18 Have you considered the breadth of the earth? If you know all things, reveal them to me.

Ama mopamo'ma ra huno vuno eno'ma hu'neana kagra kenka antahinka hu'nampi? Kagrama ana maka zantamima ko'ma antahi vagare'nesunka nasamio.

19 Which is the way that holds the light, and which is the place of darkness?

Masamo'ma mani'neno'ma ne-ea kumara kagra kenampi? Hanimo'ma nemania kumara iga me'ne?

20 In this way, you might lead each thing to its final place, and understand the paths of its house.

Kagra kana ke'nana zanaveri hanankeke masamo'ene, hanimokea zanagrama nemani'a nonkumatega vuke eke hugahapi?

21 So then, did you know when you were to be born? And did you know the number of your days?

Kagra ko antahi'nane, na'ankure maka zana forera osu'negenka kagra ko fore hugota hu'nanankino, kafukamo'a rama'a hu'negahie!

22 Have you been admitted into the storehouses of the snows, and have you gazed upon the stockpile of the brimstone,

Aisimo'ma aviteno me'neno eneramia nona ome negenka, ko'mopa ko'mo'ma aviteno me'neno eneramia nona ke'nano?

23 which I have prepared for the time of the enemy, for the day of the battle and the war?

E'i ana zantamima retro huntogeno'ma me'neana, hazenke knama esanige'nama ha'ma hanuaza retro huntogeno me'ne.

24 In what way is the light scattered, and the heat distributed, over the earth?

Kopsinamo'ma ruganini huno vuno eno'ma nehia kana iga me'ne? Zage hanati kazigati zaho'ma erino vuno enoma nehia nonkuma'a iga me'ne?

25 Who gave a course to the rainstorms, and a path to the resounding thunder,

Monafinti'ma avune ko'mo'ma herafi ramino'ma eneramia tinkana iza tro hunte'ne? Monamo'ma monagema huteno agasasama runo'ma vuno eno'ma hania kana iza varinte'ne?

26 so that it would rain on the earth far from man, in the wilderness where no mortal lingers,

Vahe'ma omani hagege ka'ma kokampina, iza kora atregeno runente?

27 so that it would fill impassable and desolate places, and would bring forth green plants?

Ana mopafina kora, zafane trazanena omanenegeno mago zana omanetfa hu'neane. Hianagi iza kora atregeno eno mopa eme rufru higeno, trazamo'a ete hageno marenerie?

28 Who is the father of rain, or who conceived the drops of dew?

Ko'mofona nafa'a mani'nefi? Iza ata komofona nafa'a mani'neno atregeno eneramie?

29 From whose womb did the ice proceed, and who created the frost from the air?

Aisimofona iza anta'a mani'ne? Hagi iza monafintira aisi atakora kase atregeno eneramie?

30 The waters are hardened to become like stone, and the surface of the abyss freezes over.

Zasi ko'matia knafina, tintamimo'a hankavetino havegna nehigeno, hagerimofo agofetu'ma aisima neramino'a azeri karagenefe.

31 Will you have the strength to join together the sparkling stars of the Pleiades, or are you able to disperse the circling of Arcturus?

Hagi Pleiadesie nehaza hanafitamima, monare'ma me'nea zana Jopuga seni nofitetira magopi anaki nezmantenka, Orioniema nehaza hnafitamima anaki zmante'nea nofira ahekanora hugahampi?

32 Can you bring forth the morning star, in its time, and make the evening star rise over the sons of the earth?

Ana nehunka kagra ana hanafitamina hananke'za, mago kafufina kna'zamire efore hutere nehanagenka, Beane mofavre naga'anema hu'za nehaza hanafitamina kagra kegava huzmantegahampi?

33 Do you know the order of heaven, and can you explain its rules here on the earth?

Monafima ruzahu ruzahu zantamima me'naza zamo'za amage'ma nentaza kasegea kagra antahi'nampi? Ana'ma hu'nesnunka kagra hananke'za ama mopafi maka zantamimo'zanena ana kasegea amage antegahazafi?

34 Can you lift up your voice to the clouds, so that an onslaught of waters will cover you?

Kagra monafima me'nea hampona kezati misankeno, kora atrenigeno eramino kora kahegahifi?

35 Can you send forth lightning bolts, and will they go, and on returning, say to you: “Here we are?”

Kopasi'nagu'ma hunka mago kaziga vuo hunka'ma huntesnankeno'ma nevuno'a, e'ina huoma hunka hunantana zana hugahue hunora hugahifi?

36 Who placed discernment in the guts of man, or who gave the rooster intelligence?

Iza knare antahi'zana, vahe agu'afina nenteno, ama' antahi'zana vahe'mofo antahi'zampina ante'ne?

37 Who can describe the rules of the heavens, or who can put to rest the harmony of heaven?

Iza knare antahi'zampina avite'nesnimo maka hampontamina hamprigara hu'ne? Ana nehuno monafima me'negeno anampinti'ma ko'ma neria mopa kavoa eriragisigeno ko'mo'a herafiramigahie?

38 When was the dust cast to become the earth, and when were its clods fastened together?

Anama higeno'a kugusopamo'a ome runtrako huno eme hanavetigeno, hihi huno magopi marenerie.

39 Will you seize prey for the lioness, and will you sustain the lives of her young,

Zamagama netegenka Laioni anenta'a ramine, laioniraminena zagagafa ahezminke'za nenazafi?

40 as they rest in their dens or lie in wait in pits?

Ana laioniramimo'za havegampine, kafoma ante'za nemaniza trazampinti etirami'za zamagra'a anara nosazafi?

41 Who provides the raven with its meal, when her chicks cry out to God, as they wander around because they have no food?

Kotkotiema nehaza namaramimo'za ne'zanku'ma hake'za vano vanoma nehazageno, anenta'arimo'za ne'zama nesaza zanku'ma Anumzamo'naregama krafama nehazageno'a, iza ne'zana nezamie?