Psalms 129

1 A Song of the going up. Great have been my troubles from the time when I was young (let Israel now say);

Thaburi ya Agendi Maanahinyĩrĩria mũno kuuma ũnini-inĩ wakwa, Isiraeli nĩmakiuge ũguo,

2 Great have been my troubles from the time when I was young, but my troubles have not overcome me.

maanahinyĩrĩria mũno kuuma ũnini-inĩ wakwa, no rĩrĩ, matirĩ maahota kũndooria.

3 The ploughmen were ploughing on my back; long were the wounds they made.

Andũ arĩa marĩmaga na mũraũ marĩmĩte ngʼongʼo wakwa, magatema mĩtaro mĩraihu.

4 The Lord is true: the cords of the evil-doers are broken in two.

No rĩrĩ, Jehova nĩ mũthingu; nĩanjohorithĩtie harĩ mĩhĩndo ya andũ arĩa aaganu.

5 Let all the haters of Zion be shamed and turned back.

Andũ arĩa othe mathũire Zayuni marocookio na thuutha maconokete.

6 Let them be like the grass on the house-tops, which is dry before it comes to full growth.

Marohaana ta nyeki ĩrĩ nyũmba igũrũ, ĩrĩa ĩhoohaga ĩtanamera;

7 He who gets in the grain has no use for it; and they do not make bands of it for the grain-stems.

mũmĩtui ndangĩmĩiyũria hĩ-inĩ ciake, o na kana ũrĩa ũmĩũnganagia amĩiyũrie moko-inĩ make.

8 And those who go by do not say, The blessing of the Lord be on you; we give you blessing in the name of the Lord.

Andũ arĩa mahĩtũkagĩra kuo maroaga kuuga atĩrĩ, “Kĩrathimo kĩa Jehova kĩrogĩa igũrũ rĩanyu; nĩtwamũrathima thĩinĩ wa rĩĩtwa rĩa Jehova.”