Psalms 97
1 The LORD reigns, let the earth rejoice; let the distant shores be glad.
Ubangiji yana mulki, bari duniya tă yi murna; bari tsibirai masu nesa su yi farin ciki.
2 Clouds and darkness surround Him; righteousness and justice are His throne’s foundation.
Gizagizai da baƙin duhu sun kewaye shi; adalci da gaskiya su ne tushen kursiyinsa.
3 Fire goes before Him and consumes His foes on every side.
Wuta tana tafiya a gabansa tana kuma cinye maƙiyansa a kowane gefe.
4 His lightning illuminates the world; the earth sees and trembles.
Walƙiyarsa ta haskaka duniya; duniya ta gani ta kuma yi rawar jiki.
5 The mountains melt like wax at the presence of the LORD, before the Lord of all the earth.
Duwatsu sun narke kamar kakin zuma a gaban Ubangiji, a gaban Ubangijin dukan duniya.
6 The heavens proclaim His righteousness; all the peoples see His glory.
Sammai sun yi shelar adalcinsa, dukan mutane kuma suka ga ɗaukakarsa.
7 All worshipers of images are put to shame— those who boast in idols. Worship Him, all you gods!
Dukan waɗanda suke bauta wa siffofi sun sha kunya, waɗanda suke fariya da gumaka, ku yi masa sujada, dukanku alloli!
8 Zion hears and rejoices, and the towns of Judah exult because of Your judgments, O LORD.
Sihiyona ta ji ta kuma yi farin ciki kuma dukan ƙauyukan Yahuda suna murna saboda hukunce-hukuncenka, ya Ubangiji.
9 For You, O LORD, are Most High over all the earth; You are exalted far above all gods.
Gama kai, ya Ubangiji, kai ne Mafi Ɗaukaka a bisa dukan duniya; ana darjanta ka fiye da dukan alloli.
10 Hate evil, O you who love the LORD! He preserves the souls of His saints; He delivers them from the hand of the wicked.
Bari masu ƙaunar Ubangiji su ƙi mugunta, gama yana tsaron rayukan amintattunsa yana kuma kuɓutar da su daga hannun mugaye.
11 Light shines on the righteous, gladness on the upright in heart.
An haskaka haske a kan masu adalci da kuma farin ciki a kan masu gaskiya a zuciya.
12 Rejoice in the LORD, you righteous ones, and praise His holy name.
Ku yi farin ciki a cikin Ubangiji, ku da kuke masu adalci, ku kuma yabi sunansa mai tsarki.
