Psalms 96

1 Sing to the LORD a new song; sing to the LORD, all the earth.

Weruru ne Jehova Nyasaye wer manyien; piny duto mondo ower ne Jehova Nyasaye.

2 Sing to the LORD, bless His name; proclaim His salvation day after day.

Weruru ne Jehova Nyasaye, pakuru nyinge; landuru warruokne odiechiengʼ kodiechiengʼ.

3 Declare His glory among the nations, His wonderful deeds among all peoples.

Huluru duongʼne e kind ogendini, kendo landuru tijene miwuoro ne ji duto.

4 For great is the LORD, and greatly to be praised; He is to be feared above all gods.

Nimar Jehova Nyasaye duongʼ kendo owinjore gi pak; onego omiye luor moloyo nyiseche mamoko duto.

5 For all the gods of the nations are idols, but it is the LORD who made the heavens.

Nikech nyiseche duto mag ogendini gin mana gik ma dhano oloso to Jehova Nyasaye ema nochweyo polo.

6 Splendor and majesty are before Him; strength and beauty fill His sanctuary.

Duongʼ kod pak nitiere e nyime; teko kod duongʼ nitiere e kare maler mar lemo.

7 Ascribe to the LORD, O families of the nations, ascribe to the LORD glory and strength.

Pakuru Jehova Nyasaye, yaye ogendini manie piny, wachuru ni Jehova Nyasaye duongʼ kendo en gi teko.

8 Ascribe to the LORD the glory due His name; bring an offering and enter His courts.

Miuru Jehova Nyasaye duongʼ mowinjore gi nyinge; kelneuru mich kendo biuru e laru mage.

9 Worship the LORD in the splendor of His holiness; tremble before Him, all the earth.

Lamuru Jehova Nyasaye kaka Ngʼama Ler man-gi duongʼ mangʼongo; beduru maluor ahinya e nyime, un piny duto.

10 Declare among the nations: “The LORD reigns!” The world is firmly established; it cannot be moved; He will judge the peoples with equity.

Wachuru e dier ogendini niya, “Jehova Nyasaye olocho.” Piny osegur motegno, ok nyal yienge; obiro ngʼado ne ji bura maonge dewo wangʼ.

11 Let the heavens be glad and the earth rejoice; let the sea resound, and all that fills it.

Polo mondo obed moil, piny mondo obed mamor; nam mondo owuo kaachiel gi gik moko duto manie iye;

12 Let the fields exult, and all that is in them. Then all the trees of the forest will sing for joy

pewe mondo okog gi mor, kod gik moko duto manie igi. Eka yiende duto manie bungu nower gi mor;

13 before the LORD, for He is coming— He is coming to judge the earth. He will judge the world in righteousness and the peoples in His faithfulness.

giniwer e nyim Jehova Nyasaye, nimar obiro, adier obiro mondo ongʼad ne piny bura. Obiro ngʼado ne piny bura e yo makare, ee, obiro yalo ji gi adierane.