Psalms 83
1 A song. A Psalm of Asaph. O God, be not silent; be not speechless; be not still, O God.
Nzembo ya Azafi. Oh Nzambe, kovanda nye te! Nzambe, kokanga monoko na Yo te, kotikala kimia te!
2 See how Your enemies rage, how Your foes have reared their heads.
Tala ndenge banguna na Yo bazali kotomboka; tala ndenge bayini na Yo bazali kotombola mito na bango!
3 With cunning they scheme against Your people and conspire against those You cherish,
Bazali kosalela bato na Yo likita, kokanela bato oyo obatelaka.
4 saying, “Come, let us erase them as a nation; may the name of Israel be remembered no more.”
Bazali koloba: « Boya, toboma bango nyonso mpo ete ekolo na bango ezala lisusu te, mpo ete batanga lisusu kombo ya Isalaele te. »
5 For with one mind they plot together, they form an alliance against You—
Basangani mpe bayokani, basali boyokani mpo na kotelemela Yo:
6 the tents of Edom and the Ishmaelites, of Moab and the Hagrites,
bato ya Edomi mpe bato ya Isimaeli, bato ya Moabi mpe bato ya Agari,
7 of Gebal, Ammon, and Amalek, of Philistia with the people of Tyre.
Gebali, Amoni mpe Amaleki, bato ya Filisitia elongo na bato ya Tiri.
8 Even Assyria has joined them, lending strength to the sons of Lot.
Bato ya Asiri mpe basangani elongo na bango mpo na kobakisa bakitani ya Loti makasi.
9 Do to them as You did to Midian, as to Sisera and Jabin at the River Kishon,
Sala bango ndenge osalaki Madiani, ndenge osalaki Sisera mpe Yabini, kuna na mayi ya Kishoni.
10 who perished at Endor and became like dung on the ground.
Babebisamaki na Eyini-Dori, bakomaki lokola matiti ya kopola mpo na mabele.
11 Make their nobles like Oreb and Zeeb, and all their princes like Zebah and Zalmunna,
Sala bato na bango ya lokumu ndenge osalaki Orebi mpe Zeebi; mpe sala bakambi na bango ndenge osalaki Zeba mpe Tsalimuna
12 who said, “Let us possess for ourselves the pastures of God.”
oyo bazalaki koloba: « Tobotola mabele ya Nzambe! »
13 Make them like tumbleweed, O my God, like chaff before the wind.
Nzambe na ngai, balola bango lokola matiti oyo mopepe ezali kopumbwisa.
14 As fire consumes a forest, as a flame sets the mountains ablaze,
Ndenge moto ezikisaka zamba, ndenge moto makasi ezikisaka bangomba,
15 so pursue them with Your tempest, and terrify them with Your storm.
landa bango na nzela ya mopepe na Yo mpe bangisa bango na nzela ya mopepe makasi na Yo!
16 Cover their faces with shame, that they may seek Your name, O LORD.
Yawe, tondisa bilongi na bango na soni mpo ete baluka Kombo na Yo!
17 May they be ever ashamed and terrified; may they perish in disgrace.
Tika ete soni mpe somo makasi elata bango mpo na libela! Tika ete bakufa na soni!
18 May they know that You alone, whose name is the LORD, are Most High over all the earth.
Tika bayeba ete Yo, oyo Kombo na Yo ezali Yawe, ozali Ye-Oyo-Aleki-Likolo kati na mokili mobimba!
