Psalms 8

1 For the choirmaster. According to Gittith. A Psalm of David. O LORD, our Lord, how majestic is Your name in all the earth! You have set Your glory above the heavens.

Abụ Ọma dịrị onyeisi abụ. Abụ Ọma Devid nʼusoro gittit. O Onyenwe anyị Onyenwe anyị, lee ka ịdị ukwuu nke aha gị si jupụta ụwa niile! I meela ka ebube gị dị elu nʼime eluigwe.

2 From the mouths of children and infants You have ordained praise on account of Your adversaries, to silence the enemy and avenger.

Site nʼotuto ụmụntakịrị na ụmụ na-aṅụ ara, ị tọọla ntọala siri ike megide ndị iro gị, ka e si otu a mechie ọnụ onye iro na onye ahụ na-abọ ọbọ.

3 When I behold Your heavens, the work of Your fingers, the moon and the stars, which You have set in place—

Mgbe ọbụla m lere anya na mbara eluigwe, hụ ọrụ niile nke aka gị rụrụ, mgbe m lere anya nʼelu hụ ọnwa na kpakpando i tinyere nʼọnọdụ ha,

4 what is man that You are mindful of him, or the son of man that You care for him?

gịnị ka mmadụ bụ i ji na-eche banyere ha? Gịnịkwa ka mmadụ bụ iji na-elekọta ha?

5 You made him a little lower than the angels; You crowned him with glory and honor.

I mere ka ha dị ala nwantakịrị nʼebe ndị mmụọ ozi nọ, I jikwa ebube na nsọpụrụ kpube ya nʼisi dịka okpueze.

6 You made him ruler of the works of Your hands; You have placed everything under his feet:

I mekwaala ya ka ọ bụrụ onyeisi nke ihe niile i kere eke, tinyekwa ihe niile nʼokpuru ụkwụ ya.

7 all sheep and oxen, and even the beasts of the field,

Ọ na-achị igwe ewu na atụrụ, na ehi, na ụmụ anụ ọhịa ndị ọzọ niile,

8 the birds of the air and the fish of the sea, all that swim the paths of the seas.

na nnụnụ niile, na azụ niile, na anụ ndị ọzọ na-ebi nʼime mmiri.

9 O LORD, our Lord, how majestic is Your name in all the earth!

O Onyenwe anyị, Onyenwe anyị, lee ka ịdị ukwuu nke aha gị si jupụta ụwa niile.