Psalms 8

1 For the choirmaster. According to Gittith. A Psalm of David. O LORD, our Lord, how majestic is Your name in all the earth! You have set Your glory above the heavens.

Thaburi ya Daudi Wee Jehova, o Wee Mwathani witũ, kaĩ rĩĩtwa rĩaku nĩ inene gũkũ thĩ yothe-ĩ! Nĩũigĩte riiri waku o igũrũ matu-inĩ.

2 From the mouths of children and infants You have ordained praise on account of Your adversaries, to silence the enemy and avenger.

Nĩũtũmĩte rũgooco ruume tũnua-inĩ twa ciana na twa ngenge, nĩ tondũ wa thũ ciaku, nĩguo ũkirie ũrĩa ũrĩ muku nawe o na mwĩrĩhĩria.

3 When I behold Your heavens, the work of Your fingers, the moon and the stars, which You have set in place—

Rĩrĩa ndecũũrania ũhoro ũkoniĩ igũrũ rĩu rĩaku, ngoona wĩra wa ciara ciaku, mweri na njata icio wĩkĩrĩte kuo-rĩ,

4 what is man that You are mindful of him, or the son of man that You care for him?

mũndũ akĩrĩ kĩ tondũ ũikaraga ũkĩmwĩciiragia, nake mũrũ wa mũndũ akĩrĩ kĩ atĩ nĩkĩo ũmũmenyagĩrĩra?

5 You made him a little lower than the angels; You crowned him with glory and honor.

Watũmire atigie o hanini aiganane nawe, na ũkĩmũhumba thũmbĩ ya riiri o na gĩtĩĩo.

6 You made him ruler of the works of Your hands; You have placed everything under his feet:

Wamũtuire wa gwathaga mawĩra ma moko maku; ũkĩiga indo ciothe rungu rwa makinya make:

7 all sheep and oxen, and even the beasts of the field,

ndũũru ciothe cia mbũri na cia ngʼombe, na nyamũ cia gĩthaka,

8 the birds of the air and the fish of the sea, all that swim the paths of the seas.

na nyoni cia rĩera-inĩ, na thamaki cia iria-inĩ, na kĩrĩa gĩothe kĩgeragĩra kũu iria-inĩ thĩinĩ.

9 O LORD, our Lord, how majestic is Your name in all the earth!

Wee Jehova, o Wee Mwathani witũ, kaĩ rĩĩtwa rĩaku nĩ inene gũkũ thĩ yothe-ĩ!