Psalms 37
1 Of David. Do not fret over those who do evil; do not envy those who do wrong.
Pisarema raDhavhidhi. Usava neshungu nokuda kwavanhu vakaipa, uye usaitira godo avo vanoita zvakaipa;
2 For they wither quickly like grass and wilt like tender plants.
nokuti souswa vachaoma nokukurumidza, somuriwo wakasvibira vachakurumidza kuoma.
3 Trust in the LORD and do good; dwell in the land and cultivate faithfulness.
Vimba naJehovha uite zvakanaka; gara panyika ufarikane pamafuro manyoro.
4 Delight yourself in the LORD, and He will give you the desires of your heart.
Farikana muna Jehovha, uye iye achakupa zvinodikanwa nomwoyo wako.
5 Commit your way to the LORD; trust in Him, and He will do it.
Isa nzira yako kuna Jehovha; uvimbe naye uye iye achaita izvi;
6 He will bring forth your righteousness like the dawn, your justice like the noonday sun.
achaita kuti kururama kwako kupenye samambakwedza, nokururamisirwa kwako sezuva ramasikati.
7 Be still before the LORD and wait patiently for Him; do not fret when men prosper in their ways, when they carry out wicked schemes.
Nyarara pamberi paJehovha, umurindire unyerere; usava neshungu kana vanhu vachibudirira panzira dzavo, pavanoita mano avo akaipa avakaronga.
8 Refrain from anger and abandon wrath; do not fret—it can only bring harm.
Rega kutsamwa, uzvidzore pahasha; usava neshungu zvinokutungamirira mune zvakaipa.
9 For the evildoers will be cut off, but those who hope in the LORD will inherit the land.
Nokuti vasakarurama vachagurwa, asi avo vanomirira Jehovha vachagara nhaka yenyika.
10 Yet a little while, and the wicked will be no more; though you look for them, they will not be found.
Chinguva chiduku duku, vakaipa havachazovapozve; kunyange ukavatsvaka, havazowanikwi.
11 But the meek will inherit the land and delight in abundant prosperity.
Asi vanyoro vachagara nhaka yenyika, uye vachafarikana norugare rukuru.
12 The wicked scheme against the righteous and gnash their teeth at them,
Vakaipa vanofungira vakarurama mano akaipa, uye vanovarumanyira meno avo.
13 but the Lord laughs, seeing that their day is coming.
Asi Ishe anoseka vakaipa nokuti anoziva kuti zuva ravo riri kuuya.
14 The wicked have drawn the sword and bent the bow to bring down the poor and needy, to slay those whose ways are upright.
Vakaipa vanovhomora munondo uye vanowembura uta kuti vawisire pasi varombo navanoshayiwa, kuti vauraye avo vane nzira dzakarurama.
15 But their swords will pierce their own hearts, and their bows will be broken.
Asi minondo yavo ichabaya mwoyo yavo pachavo, uye uta hwavo huchavhunika.
16 Better is the little of the righteous than the abundance of many who are wicked.
Zvishoma zvowakarurama zviri nani kupinda pfuma yavakaipa vazhinji;
17 For the arms of the wicked will be broken, but the LORD upholds the righteous.
nokuti simba ravakaipa richavhuniwa, asi Jehovha anotsigira vakarurama.
18 The LORD knows the days of the blameless, and their inheritance will last forever.
Mazuva avakarurama anozivikanwa naJehovha, uye nhaka yavo ichagara nokusingaperi.
19 In the time of evil they will not be ashamed, and in the days of famine they will be satisfied.
Panguva yamatambudziko, havanganyadziswi; mumazuva enzara ivo vachava nezvakawanda.
20 But the wicked and enemies of the LORD will perish like the glory of the fields. They will vanish; like smoke they will fade away.
Asi vakaipa vachaparara: vavengi vaJehovha vachafanana norunako rweminda, vachanyangarika soutsi.
21 The wicked borrow and do not repay, but the righteous are gracious and giving.
Vakaipa vanokwereta uye havadzori, asi vakarurama vanopa zvakawanda;
22 Surely those He blesses will inherit the land, but the cursed will be destroyed.
avo vanoropafadzwa naJehovha vachagara nhaka yenyika, asi avo vaanotuka vachaparadzwa.
23 The steps of a man are ordered by the LORD who takes delight in his journey.
Kana Jehovha achifarira nzira yomunhu, anosimbisa mafambiro ake;
24 Though he falls, he will not be overwhelmed, for the LORD is holding his hand.
kunyange akagumburwa, haangawi, nokuti Jehovha anomutsigira noruoko rwake.
25 I once was young and now am old, yet never have I seen the righteous abandoned or their children begging for bread.
Ndakanga ndiri muduku uye zvino ndakwegura, asi handina kumboona vakarurama vachiraswa, kana vana vavo vachipemha chingwa.
26 They are ever generous and quick to lend, and their children are a blessing.
Vanogara vachingopa vamwe, uye vachikweretesa pasina muripo; vana vavo vacharopafadzwa.
27 Turn away from evil and do good, so that you will abide forever.
Dzoka pane zvakaipa ugoita zvakanaka; ipapo uchagara panyika nokusingaperi.
28 For the LORD loves justice and will not forsake His saints. They are preserved forever, but the offspring of the wicked will be cut off.
Nokuti Jehovha anoda vanoruramisira uye haangazosiyi vanhu vake vakatendeka. Vachadzivirirwa nokusingaperi; asi vana vowakaipa vachaparadzwa;
29 The righteous will inherit the land and dwell in it forever.
vakarurama vachagara nhaka yenyika uye vachagara mairi nokusingaperi.
30 The mouth of the righteous man utters wisdom, and his tongue speaks justice.
Muromo womunhu akarurama unotaura uchenjeri, uye rurimi rwake runotaura kururamisira.
31 The law of his God is in his heart; his steps do not falter.
Murayiro waMwari wake uri pamwoyo wake; tsoka dzake hadzitedzemuki.
32 Though the wicked lie in wait for the righteous, and seek to slay them,
Vakaipa vanovandira vakarurama, vachitsvaka upenyu hwavo chaihwo;
33 the LORD will not leave them in their power or let them be condemned under judgment.
asi Jehovha haangavasiyi vari musimba ravo, kana kuvarega vachipomerwa kana vamira pakutongwa.
34 Wait for the LORD and keep His way, and He will raise you up to inherit the land. When the wicked are cut off, you will see it.
Rindira Jehovha, uye uchengete nzira yake. Achakusimudzira kuti ugare nhaka yenyika; kana vakaipa voparadzwa, iwe uchazviona.
35 I have seen a wicked, ruthless man flourishing like a well-rooted native tree,
Ndakaona munhu akaipa uye ano utsinye achibudirira somuti wakasvibira pavhu romunyika yawo,
36 yet he passed away and was no more; though I searched, he could not be found.
asi nokukurumidza akapfuura uye akasazovapozve; kunyange ndakamutsvaka, haana kuzowanikwa.
37 Consider the blameless and observe the upright, for posterity awaits the man of peace.
Cherechedza asina mhosva, ongorora akarurama; ane ramangwana rakanaka munhu worugare.
38 But the transgressors will all be destroyed; the future of the wicked will be cut off.
Asi vatadzi vose vachaparadzwa; ramangwana rowakaipa richagurwa.
39 The salvation of the righteous is from the LORD; He is their stronghold in time of trouble.
Ruponeso rwavakarurama runobva kuna Jehovha; ndiye nhare yavo panguva yamatambudziko.
40 The LORD helps and delivers them; He rescues and saves them from the wicked, because they take refuge in Him.
Jehovha anovabatsira uye anovanunura; anovanunura kubva kuna vakaipa uye anovaponesa, nokuti vanovanda maari.
