Psalms 26

1 Of David. Vindicate me, O LORD! For I have walked with integrity; I have trusted in the LORD without wavering.

Ra Anumzamoka nagrira nenagenka fatgo vahe mani'nane hunka huo. Na'ankure nomaniza'nifina fatgo navu'nava'za hu'na e'noe. Ana nehu'na rukrahe osu hankaveti'na kagrite namentintia hu'noe.

2 Test me, O LORD, and try me; examine my heart and mind.

Ra Anumzamoka nagrira renahenka nenagenka, nagu'ane antahintahi zani'a rezaganenka ko.

3 For Your loving devotion is before my eyes, and I have walked in Your truth.

Na'ankure vagaore kavesi zamo'a navuga me'nege'na nege'na, maka zupa tamage nagu'areti hu'na kamagera ante vava nehue.

4 I do not sit with deceitful men, nor keep company with hypocrites.

Nagra havigema nehaza vahe'enena vano nosu'na, tavre vahe'mofo amu'nompina nomanue.

5 I hate the mob of evildoers, and refuse to sit with the wicked.

Havi zamavu zamava'ma nehaza vahe'mo'zama atruma haza atrugura navesra hunezmante'na, havi zamavu zamava'ma nehaza vahe'ma manizafina omanigahue.

6 I wash my hands in innocence that I may go about Your altar, O LORD,

Ra Anumzamoka nagri'ma hazenkeni'a omane'ne hu'na kaveri'ma hanuana timpi nazana sese nehu'na, Kresramanama vu itakarera neoe.

7 to raise my voice in thanksgiving and declare all Your wonderful works.

Ana nehu'na ranke hu'na muse zagamera hu'na Kagri kagia ahentesga nehu'na, mika knare'nare kagu'vazama hu'nana zankura, huama hu'na vahera zamasamigahue.

8 O LORD, I love the house where You dwell, the place where Your glory resides.

Ra Anumzamoka kagrama mani'nankeno, kagri masa zamo'ma me'nea mono nonka'agura navesi navesi nehie.

9 Do not take my soul away with sinners, or my life with men of bloodshed,

Hagi kumi'ma nehaza vahe'ma zamazeri havizama hanampina, nagrira nazeri haviza osuo. Ana nehunka vahe'ma zamahe'zama korama eri tagi netraza vahe'ma zamahe frisnampina, nahe ofrio.

10 in whose hands are wicked schemes, whose right hands are full of bribes.

Ana vahe zamazampina kefo avu'avazamo avinetegeno, tamaga kaziga zamazampina zagore'ma masave hu'za mago'aza eri'zamo avite'ne.

11 But I will walk with integrity; redeem me and be merciful to me.

Hianagi nagrani'a fatgo navu'nava zanke nehugu, kasunku hunantenka ete navro.

12 My feet stand on level ground; in the congregations I will bless the LORD.

Nagra agupo hu'nea mopare oti'noanki'na, kagri vahe kerfamo'zama atruma hanafina, kagri kagia ahentesga hugahue.