Psalms 26

1 Of David. Vindicate me, O LORD! For I have walked with integrity; I have trusted in the LORD without wavering.

Thaburi ya Daudi Wee Jehova, nduĩra itua rĩa kĩhooto, nĩgũkorwo mĩthiĩre yakwa nĩmĩkindĩrĩku; ndũũrĩte ndĩhokete Jehova itegũthangania.

2 Test me, O LORD, and try me; examine my heart and mind.

Wee Jehova, ngeria na ũndorie, tuĩria ngoro yakwa o na meciiria makwa;

3 For Your loving devotion is before my eyes, and I have walked in Your truth.

nĩgũkorwo wendo waku ũkoragwo ũrĩ mbere yakwa, na ngeragĩra njĩra-inĩ yaku ya ũhoro wa ma.

4 I do not sit with deceitful men, nor keep company with hypocrites.

Ndiikaranagia na andũ a maheeni, o na kana ngagwatanĩra na andũ arĩa marĩ ũhinga.

5 I hate the mob of evildoers, and refuse to sit with the wicked.

Nĩthũire kĩũngano kĩa andũ arĩa mekaga ũũru, na ngarega gũikarania na andũ arĩa aaganu.

6 I wash my hands in innocence that I may go about Your altar, O LORD,

Ngwĩthamba moko nyonanie ndirĩ na mahĩtia, thiũrũrũke kĩgongona gĩaku, Wee Jehova,

7 to raise my voice in thanksgiving and declare all Your wonderful works.

nyine nyanĩrĩire rwĩmbo rwa gũcookia ngaatho, na heane ũhoro wa ciĩko ciaku ciothe cia magegania.

8 O LORD, I love the house where You dwell, the place where Your glory resides.

Wee Jehova, nĩnyendete nyũmba ĩrĩa ũtũũraga, o handũ harĩa riiri waku ũikaraga.

9 Do not take my soul away with sinners, or my life with men of bloodshed,

Ndũkeherie ngoro yakwa hamwe na ya arĩa mehagia, kana muoyo wakwa hamwe na wa andũ arĩa maitaga thakame,

10 in whose hands are wicked schemes, whose right hands are full of bribes.

arĩa marĩ na maũndũ ma waganu moko-inĩ mao, o arĩa moko mao ma ũrĩo maiyũrĩte mahaki.

11 But I will walk with integrity; redeem me and be merciful to me.

No niĩ-rĩ, ndũũraga mũtũũrĩre ũtarĩ ũcuuke; kĩngũũre na ũnjiguĩre tha.

12 My feet stand on level ground; in the congregations I will bless the LORD.

Magũrũ makwa marũgamĩte handũ harĩa haigananu; nĩndĩrĩgoocaga Jehova ndĩ kĩũngano-inĩ kĩnene.