Proverbs 29
1 A man who remains stiff-necked after much reproof will suddenly be shattered beyond recovery.
Omuntu akakanyaza omutima gwe oluvannyuma lw’okunenyezebwa emirundi emingi, alizikirira ng’atamanyiridde awatali kuwona.
2 When the righteous flourish, the people rejoice, but when the wicked rule, the people groan.
Abatuukirivu bwe bakulaakulana, abantu basanyuka, naye abakakanyalira mu kukola ebikyamu bwe bafuga abantu babeera mu kusinda.
3 A man who loves wisdom brings joy to his father, but a companion of prostitutes squanders his wealth.
Ayagala amagezi asanyusa kitaawe, naye munne w’abamalaaya ayiwaayiwa obugagga bwe.
4 By justice a king brings stability to the land, but a man who exacts tribute demolishes it.
Kabaka afuga n’obwenkanya, abantu be baba mu butebenkevu, naye oyo alulunkanira enguzi, ensi agyonoona.
5 A man who flatters his neighbor spreads a net for his feet.
Omuntu awaanawaana munne, aba yeetega yekka ekitimba.
6 An evil man is caught by his own sin, but a righteous one sings and rejoices.
Ebibi by’omwonoonyi bye bimutega, naye omutuukirivu abeera mu kuyimba na kusanyuka.
7 The righteous consider the cause of the poor, but the wicked have no regard for such concerns.
Omutuukirivu afaayo ku nsonga z’abaavu, naye abakozi b’ebibi tebakola bwe batyo.
8 Mockers inflame a city, but the wise turn away anger.
Abakudaazi basasamaza ekibuga, naye abantu abalina amagezi baziyiza entalo.
9 If a wise man goes to court with a fool, there will be raving and laughing with no resolution.
Omuntu ow’amagezi bw’awoza n’omusirusiru, omusirusiru ayongera kusunguwala, n’okujerega ne wataba mirembe.
10 Men of bloodshed hate a blameless man, but the upright care for his life.
Abeegomba okuyiwa omusaayi bakyawa omuntu ow’amazima, era banoonya okusaanyaawo obulamu bwe.
11 A fool vents all his anger, but a wise man holds it back.
Omusirusiru alaga obusungu bwe bwonna, naye omuntu ow’amagezi abuziyiza n’abukkakkanya.
12 If a ruler listens to lies, all his officials will be wicked.
Omufuzi bw’awuliriza eby’obulimba, abakungu be bonna bafuuka babi.
13 The poor man and the oppressor have this in common: The LORD gives light to the eyes of both.
Omwavu n’oyo amubonyaabonya balina ekibagatta: Mukama bombi ye yabawa amaaso.
14 A king who judges the poor with fairness— his throne will be established forever.
Kabaka bw’asalira abaavu emisango n’obwesigwa, obufuzi bwe bubeerera emirembe gyonna.
15 A rod of correction imparts wisdom, but a child left to himself disgraces his mother.
Akaggo akakangavvula, kaleeta amagezi, naye omwana alekeddwa awo, aswaza nnyina.
16 When the wicked thrive, rebellion increases; but the righteous will see their downfall.
Abakozi b’ebibi bwe beeyongera obungi, okumenya amateeka kweyongera, naye abatuukirivu baliraba okugwa kwabwe.
17 Discipline your son, and he will give you rest; he will bring delight to your soul.
Kangavvula omwana wo, alikuwa emirembe, alireetera emmeeme yo essanyu.
18 Where there is no vision, the people cast off restraint; but blessed is he who keeps the Law.
Awatali kwolesebwa abantu tebaba beegendereza, naye wa mukisa oyo akuuma amateeka ga Mukama.
19 A servant cannot be corrected by words alone; though he understands, he will not respond.
Omuweereza tayinza kubuulirirwa na bigambo byokka; ne bw’aba ategedde tafaayo.
20 Do you see a man who speaks in haste? There is more hope for a fool than for him.
Olaba omuntu ayanguyiriza ebigambo bye? Omusirusiru alina essuubi okumusinga.
21 A servant pampered from his youth will bring grief in the end.
Atiitiibya omuweereza we ekiyitiridde ng’akyali mwana muto, oluvannyuma omuweereza aleetera mukama we obuyinike.
22 An angry man stirs up dissension, and a hot-tempered man abounds in transgression.
Omuntu ow’obusungu aleeta ennyombo, n’omuntu asunguwala amangu ayonoona nnyo.
23 A man’s pride will bring him low, but a humble spirit will obtain honor.
Amalala g’omuntu galimuleetera okugwa, naye omuntu ow’omwoyo ogwetoowaza alifuna ekitiibwa.
24 A partner to a thief hates his own soul; he receives the oath, but does not testify.
Buli assa ekimu n’omubbi akyawa obulamu bwe ye, era ne bw’alayizibwa tasaanira kubaako ky’ayogera.
25 The fear of man is a snare, but whoever trusts in the LORD is set securely on high.
Okutya omuntu kuleeta ekyambika, naye buli eyeesiga Mukama anaabanga mirembe.
26 Many seek the ruler’s favor, but a man receives justice from the LORD.
Bangi abanoonya okuganja mu maaso g’omufuzi, naye obwenkanya obwa nnama ddala buva eri Mukama.
27 An unjust man is detestable to the righteous, and one whose way is upright is detestable to the wicked.
Atali mutuukirivu wa muzizo eri abatuukirivu; era omwesimbu wa muzizo eri abakozi b’ebibi.
