Proverbs 20
1 Wine is a mocker, strong drink is a brawler, and whoever is led astray by them is not wise.
Mpaniratsira ny divay, ary mpitabataba ny toaka, Koa izay miraikiraiky azon’ izany dia tsy hendry.
2 The terror of a king is like the roar of a lion; whoever provokes him forfeits his own life.
Ny fampitahoran’ ny mpanjaka dia toy ny fieron’ ny liona tanora; Izay mampahatezitra azy dia mankahà-doza hihatra amin’ ny ainy,
3 It is honorable for a man to resolve a dispute, but any fool will quarrel.
Voninahitry ny olona ny hanalavitra ny ady; Fa ny adala rehetra kosa misafoaka.
4 The slacker does not plow in season; at harvest time he looks, but nothing is there.
Ny malaina tsy mety miasa amin’ ny ririnina, Ka dia hangataka izy raha fararano, fa tsy hahazo.
5 The intentions of a man’s heart are deep waters, but a man of understanding draws them out.
Rano lalina ny hevitra ao am-pon’ ny olona; Fa izay manan-tsaina dia mahay manovo azy ihany,
6 Many a man proclaims his loving devotion, but who can find a trustworthy man?
Maro ny olona samy midera ny soa ataon’ ny tenany avy; Fa izay olo-mahatoky, iza moa no mahita azy?
7 The righteous man walks with integrity; blessed are his children after him.
Izay olona marina mandeha amin’ ny fahitsiany Sambatra ny zanany mandimby azy.
8 A king who sits on a throne to judge sifts out all evil with his eyes.
Mipetraka eo amin’ ny seza fitsarana ny mpanjaka, Ka mikororoka manaisotra ny ratsy rehetra ny masony.
9 Who can say, “I have kept my heart pure; I am cleansed from my sin”?
Iza no mahazo manao hoe: Efa nahadio ny foko aho Ka madio tsy manana ota?
10 Differing weights and unequal measures — both are detestable to the LORD.
Ny vato mizana samy hafa sy ny vata famarana samy hafa Dia samy fahavetavetana eo imason’ i Jehovah.
11 Even a young man is known by his actions— whether his conduct is pure and upright.
Na dia ny zaza aza dia mampiseho amin’ ny fanaony Na madio sy mahitsy ny fitondran-tenany.
12 Ears that hear and eyes that see— the LORD has made them both.
Ny sofina mandre sy ny maso mahita Dia samy nataon’ i Jehovah avokoa.
13 Do not love sleep, or you will grow poor; open your eyes, and you will have plenty of food.
Aza tia torimaso ianao, fandrao tonga malahelo; Ahirato ny masonao, dia ho voky hanina ianao.
14 “Worthless, worthless!” says the buyer, but on the way out, he gloats.
Ratsy! ratsy! hoy ny mpividy; Kanjo nony lasa izy, dia mandoka tena.
15 There is an abundance of gold and rubies, but lips of knowledge are a rare treasure.
Ao ihany ny volamena sy ny voahangy betsaka; Fa ny molotra misy fahalalana no ravaka soa.
16 Take the garment of the one who posts security for a stranger; get collateral if it is for a foreigner.
Alao ny lambany, fa efa niantoka olon-kafa izy, Ary tano ho solon’ ny vahiny niantohany.
17 Food gained by fraud is sweet to a man, but later his mouth is full of gravel.
Mamin’ ny olona ny hanina azo amin’ ny fitaka; Kanjo ho feno fasika ny vavany any am-parany.
18 Set plans by consultation, and wage war under sound guidance.
Ny hevitra rehetra dia aorin’ ny fisainana, Ary ny fahaizana mandamina tsara no entonao miady.
19 He who reveals secrets is a constant gossip; avoid the one who babbles with his lips.
Izay mandehandeha manaratsy dia manambara ny hevitra afenina, Koa aza miraharaha amin’ izay mibedibedy foana.
20 Whoever curses his father or mother, his lamp will be extinguished in deepest darkness.
Izay manozona ny rainy na ny reniny, Dia ho faty ao amin’ ny alim-pito ny jirony.
21 An inheritance gained quickly will not be blessed in the end.
Ny harena malaky azo foana eo am-boalohany Dia tsy hotahina any am-parany.
22 Do not say, “I will avenge this evil!” Wait on the LORD, and He will save you.
Aza manao hoe: Hamaly ny ratsy nataony aho; Fa andraso Jehovah, fa Izy no hamonjy anao.
23 Unequal weights are detestable to the LORD, and dishonest scales are no good.
Fahavetavetana eo imason’ i Jehovah ny vato samy hafa, Ary ny mizana mandainga dia tsy tsara.
24 A man’s steps are from the LORD, so how can anyone understand his own way?
Avy amin’ i Jehovah ny dian’ ny olona, Ary hataon’ izay olombelona ahoana no hahafantatra ny lalany?
25 It is a trap for a man to dedicate something rashly, only later to reconsider his vows.
Fandrika amin’ ny olona ny malaky manao hoe: Zavatra masìna ity; Ka nony vita ny voady, vao mamototra.
26 A wise king separates out the wicked and drives the threshing wheel over them.
Ny mpanjaka hendry mikororoka manaisotra ny ratsy fanahy Sady mitarika ny kodia fivelezana eo amboniny.
27 The spirit of a man is the lamp of the LORD, searching out his inmost being.
Jiron’ i Jehovah ny fanahin’ ny olona, Itsilovana ny efitrefitra rehetra ao am-po.
28 Loving devotion and faithfulness preserve a king; by these he maintains his throne.
Famindram-po sy fahamarinana no miaro ny mpanjaka, Ary ampitoeriny amin’ ny famindram-po ny seza fiandrianany.
29 The glory of young men is their strength, and gray hair is the splendor of the old.
Voninahitry ny zatovo ny fahatanjahany, Ary ravaky ny anti-panahy ny volo fotsy.
30 Lashes and wounds scour evil, and beatings cleanse the inmost parts.
Ny fampangirifiriana dia mahafaka ny faharatsiana, Ary ny kapoka mahadio ny efitrefitra ao an-kibo.
