Proverbs 14
1 Every wise woman builds her house, but a foolish one tears it down with her own hands.
Mwasi ya bwanya atongaka ndako na ye, kasi mwasi oyo azangi mayele abukaka yango na maboko na ye moko.
2 He who walks in uprightness fears the LORD, but the one who is devious in his ways despises Him.
Moto oyo atambolaka alima atosaka Yawe, kasi moto oyo nzela na ye etengama-tengama atiolaka Ye.
3 The proud speech of a fool brings a rod to his back, but the lips of the wise protect them.
Kati na monoko ya moto oyo azangi mayele, ezalaka na nzete ya lolendo, kasi bibebu ya moto ya bwanya ebatelaka ye.
4 Where there are no oxen, the manger is empty, but an abundant harvest comes through the strength of the ox.
Esika oyo ezalaka na ngombe te, elielo mpe ezalaka na eloko te, pamba te ezali makasi ya bangombe nde epesaka bomengo.
5 An honest witness does not deceive, but a dishonest witness pours forth lies.
Motatoli ya sembo akosaka te, kasi motatoli ya mabe alobaka lokuta.
6 A mocker seeks wisdom and finds none, but knowledge comes easily to the discerning.
Motioli alukaka bwanya mpe azwaka yango te, kasi boyebi eyaka na pete epai na moto ya mayele.
7 Stay away from a foolish man; you will gain no knowledge from his speech.
Zala mosika ya zoba, pamba te okotikala kozwa boyebi te na bibebu na ye.
8 The wisdom of the prudent is to discern his way, but the folly of fools deceives them.
Bwanya ya moto ya mayele esosolisaka ye nzela na ye, kasi bozoba ya bato oyo bazangi mayele: lokuta.
9 Fools mock the making of amends, but goodwill is found among the upright.
Bazoba balingaka te kosenga bolimbisi, kasi ngolu na Nzambe ezalaka kati na bato ya sembo.
10 The heart knows its own bitterness, and no stranger shares in its joy.
Motema eyebaka pasi na yango moko, moko te akoki kokabola na yango esengo.
11 The house of the wicked will be destroyed, but the tent of the upright will flourish.
Ndako ya moto mabe ekobukana, kasi ndako ya kapo ya bayengebene ekofuluka.
12 There is a way that seems right to a man, but its end is the way of death.
Nzela mosusu emonanaka sembo na miso ya bato, nzokande, na suka, ememaka na kufa.
13 Even in laughter the heart may ache, and joy may end in sorrow.
Ezala kati na koseka, motema ekoki kozala na mawa, mpe esengo ekoki kosuka na mawa.
14 The backslider in heart receives the fill of his own ways, but a good man is rewarded for his ways.
Bato oyo batambolaka na boyengebene te bakozwa lifuti kolanda misala na bango, kasi moto ya sembo mpe akozwa lifuti kolanda misala na ye.
15 The simple man believes every word, but the prudent man watches his steps.
Moto oyo azangi mayele andimaka makambo nyonso oyo balobaka, kasi moto ya mayele atambolaka na bokebi.
16 A wise man fears and turns from evil, but a fool is careless and reckless.
Moto ya bwanya abangaka mabe mpe akimaka yango, kasi zoba atombokaka, na elikya nyonso.
17 A quick-tempered man acts foolishly, and a devious man is hated.
Moto oyo asilikaka noki asalaka makambo ya bozoba, mpe bayinaka moto ya mayele mabe.
18 The simple inherit folly, but the prudent are crowned with knowledge.
Bato oyo bazangi mayele bazwaka bozoba lokola libula, kasi bato ya mayele bazwaka boyebi lokola motole.
19 The evil bow before the good, and the wicked at the gates of the righteous.
Bato mabe bakofukama liboso ya bato ya malamu, bato ya mitema mabe bakofukama na ekuke ya bato ya sembo.
20 The poor man is hated even by his neighbor, but many are those who love the rich.
Mobola ayinamaka ata epai na moninga na ye moko, kasi mozwi azalaka na baninga ebele.
21 He who despises his neighbor sins, but blessed is he who shows kindness to the poor.
Moto oyo atiolaka moninga na ye asalaka lisumu, kasi esengo na moto oyo asalaka bato bakelela bolamu.
22 Do not those who contrive evil go astray? But those who plan goodness find loving devotion and faithfulness.
Boni, bato oyo babongisaka kosala mabe bazali na libunga te? Kasi boboto mpe solo ezali epai ya bato oyo babongisaka kosala bolamu.
23 There is profit in all labor, but mere talk leads only to poverty.
Mosala nyonso epesaka litomba, kasi maloba ya pamba ememaka na bobola.
24 The crown of the wise is their wealth, but the effort of fools is folly.
Bozwi ya bato ya bwanya ezalaka lokola motole na bango, kasi bozoba ya bato oyo bazangi mayele ezalaka lokola liboma.
25 A truthful witness saves lives, but one who utters lies is deceitful.
Motatoli oyo alobaka solo abikisaka bato ebele, kasi motatoli ya mabe alobaka lokuta.
26 He who fears the LORD is secure in confidence, and his children shall have a place of refuge.
Moto oyo atosaka Yawe akomaka na kondima makasi, mpe bana na ye bakozwa ekimelo.
27 The fear of the LORD is a fountain of life, turning a man from the snares of death.
Kotosa Yawe ezali etima ya bomoi, ekangolaka na mitambo ya kufa.
28 A large population is a king’s splendor, but a lack of subjects is a prince’s ruin.
Kozala na bato ebele epesaka mokonzi lokumu, kasi mokonzi akweyaka soki azali na bato te.
29 A patient man has great understanding, but a quick-tempered man promotes folly.
Moto oyo asilikaka noki te azalaka mayele, kasi moto oyo akangaka motema te abimisaka bozoba na ye.
30 A tranquil heart is life to the body, but envy rots the bones.
Motema oyo ezali na kimia epesaka bomoi na nzoto, kasi bilulela epolisaka mikuwa.
31 Whoever oppresses the poor taunts their Maker, but whoever is kind to the needy honors Him.
Moto oyo anyokolaka mobola atiolaka Mokeli ya mobola yango, kasi moto oyo asalelaka moto akelela bolamu apesaka Ye lokumu.
32 The wicked man is thrown down by his own sin, but the righteous man has a refuge even in death.
Babenganaka moto mabe mpo na mabe na ye, kasi moto ya sembo awumelaka na elikya kino ata na kufa.
33 Wisdom rests in the heart of the discerning; even among fools she is known.
Bwanya ewumelaka kati na motema ya moto oyo azali na bososoli; kasi boni, ekoyebana solo kati na bazoba?
34 Righteousness exalts a nation, but sin is a disgrace to any people.
Bosembo etombolaka ekolo, kasi lisumu ememelaka bato soni.
35 A king delights in a wise servant, but his anger falls on the shameful.
Mokonzi asepelaka na mosali ya bwanya, kasi mosali oyo ayokisaka ye soni apelisaka kanda na ye.
